Yesaya 51:18 - Mandinka Bible

¹⁸ Yerusalaamu, i ye diŋolu mennu bee wuluu, moo te ì kono, meŋ si i kanta noo. Moo te jee dindiŋolu bee kono, i ye mennu kuluu, meŋ si i buloo muta noo ka i maakoyi.

Yesaya 51:18 ပူးပေါင်းရင်းမြစ်များ

Yesaya 49:21

Wo to i be a fo la i sondomoo kono le ko, ‘Jumaa le duŋ ye ñiŋ dindiŋolu bee wuluu n ye? N niyo kuyaata le, kaatu m foota n diŋolu la le, n tarata nuŋ mutoo kono le, ì ye m fili jee. Jumaa le duŋ ye ñiŋ dindiŋolu kuluu? N dammaa le tuta m faŋ ye, saayiŋ duŋ, ñinnu bota mintoo le?’ ”

Jabuuroolu 88:18

I ye a tinna le n kanuntewolu niŋ n teeroolu ye i bo n to. Diboo doroŋ ne mu n kafuñoo ti.

Maaka 8:23

Bituŋ a ye finkintewo muta a buloo to, a ye a samba saatewo banta la. A ye daajiyo tupi a ñaalu kaŋ, aniŋ a ye a buloo laa a kaŋ. Wo koolaa a ye a ñininkaa ko, “I ka feŋ je le baŋ?”

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”

Matiyu 9:36

Kabiriŋ a ye kafoo je, a balafaata ì ye, kaatu ì be bataariŋ ne aniŋ ì jikilateyita. Ì ka munta le ko saajiyolu, mennu maŋ kantarilaa soto.

Yesaya 45:1

Yaawe* ye ñiŋ ne fo Kirusi ye, a ye a la mansa meŋ tomboŋ ko: “Ŋa i bulubaa buloo muta le, aduŋ m be i maakoyi la le, ka bankoolu noo keloo la, ka mansoolu bondi ì la mansayaa to. M be siloo dii la i la le, i si a je, i te kalee la saatee dundaŋ daalu to.

Yesaya 41:13

Kaatu nte le mu Yaawe ali la Alla ti, meŋ ye ali bulubaa buloo muta ka ali tanka. Ŋa a fo ali ye le ko, ‘Ali kana sila, m be ali maakoyi la le.’

Jabuuroolu 142:4

Ŋa m bulubaa karoo la juubee le ka koroosiroo ke, bari moo maŋ n kalamuta. Tankadulaa te n ye, moo maŋ n hati.

Hiburunkoolu 8:9

“A te ke la komeŋ ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. Ì maŋ tu tilindiŋ n na kambeŋo ye, wo le ye a tinna ŋa n koo dii ì la.” Maariyo le ye a fo.

Kiilaalu 13:11

Maariyo buloo laata i kaŋ ne saayiŋ. I be finki la le, i te tiloo je noo la fo waati.” Wo loo niŋ baroo teema diboo boyita a kaŋ. Bituŋ a be muruŋ-muruŋ kaŋ ka moo ñini, meŋ si a buloo muta ka a maakoyi.

Kiilaalu 9:8

Bituŋ Sawulu wulita bankoo to. Biriŋ a ye a ñaalu yele, a maŋ feŋ je noo. Wo to le ì ye a buloo muta ka a samba Damasiku saatewo kono.

Yeremiya 31:32

A te ke la ko ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. N keta ì ye le komeŋ ì keemaa le mu n ti, bari hani wo ì ye n na kambeŋo tiñaa le.” Yaawe le ye a fo.

Yuuba 8:20

Alla te balaŋ na moo to, meŋ maŋ sootaari soto, aduŋ a te kuu jawu kelaalu so la semboo la.

Yesaya 54:11

“Hee saatee bataariŋo, turubaadoo ye i mantoora le, aduŋ ì maŋ i sabarindi. Bari saayiŋ m be i lookuu la niŋ bere ñiimaa le la, m be i la fondamaŋolu laa la niŋ safiiri beroolu le la.

Yeremiya 10:20

N na tiriliisoo* kasaarata, a juloolu bee kuntuta. N diŋolu bota m bala ka taa, n te ì je la kotenke. Hani kiliŋ maŋ tu jee ka n na tiriliisoo wanka, waraŋ ka a ridoolu deŋ.”

Amosi 5:2

“Dimmusuriŋ* Banisirayila boyita le piram, aduŋ a te wuli la kotenke. A be laariŋ a faŋ ye, moo maŋ soto ka a wulindi.”

Esekiyeli 34:6

N na saajiyolu janjanta le, ì be yaayi kaŋ konko baalu niŋ konkoriŋolu kaŋ santo. Ì janjanta le ka taa duniyaa bankoolu bee kaŋ taariŋ. Moo maŋ soto, meŋ si bula ì nooma waraŋ ka taa ì ñini.