Yesaya 51:11 - Mandinka Bible

¹¹ Yaawe ye moolu mennu kumakaa, be muruŋ na le. Ì niŋ suukuwo le be duŋ na Siyoni*. Ì be tara la seewoo bambaloo le kono. Niikuyaa niŋ woosiyo be jamfa la ì la le, kontaanoo niŋ seewoo ye ì futufaa.

Yesaya 51:11 ပူးပေါင်းရင်းမြစ်များ

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Lankenemoo 21:4

A be ì ñaajiyolu bee fita la ì ñaalu to le. Saayaa te soto la kotenke, woosiyo, kumboo waraŋ dimiŋo te soto la jee, kaatu kuu kotoolu tambita le.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

2 Tesalonikankoolu 2:16

M̀ Faamaa Alla ye ntolu kanu le, aduŋ a hiinanteeyaata le ka badaa-badaa sabarindiroo niŋ jiki betoo dii ǹ na. Ǹ ka ate le niŋ m̀ Maarii Yeesu Kiristu daani,

Yesaya 61:7

N na moolu, ali la malu kuwo noo to, ali be fanka baa le soto la. Ali la dooyaa noo to, ali be kontaanoo le soto la ali la keetaafeŋo to. Wo to ali be dulaa fula le soto la keetaa to ali la bankoo kaŋ, aduŋ ali be tara la seewoo bambaloo le kono.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Lankenemoo 22:3

Dankoo te soto la jee kotenke, bari Alla niŋ Saajiiriŋo la mansasiiraŋo le be tara la saatewo ñiŋ kono, aduŋ Alla la dookuulaalu be a batu la le.

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.

Yesaya 65:19

M be kontaani la Yerusalaamu la kuwo la le, ŋa seewoo soto n na moolu la kuwo to. Kumboo kaŋo niŋ woosiyo te moyi la jee kotenke.

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

Lankenemoo 21:1

Bituŋ ŋa saŋ kutoo niŋ banku kutoo je, kaatu saŋ foloo niŋ banku foloo yeemanta le, aduŋ fankaasi maŋ tara sotoriŋ.

Jabuuroolu 126:5

Moolu mennu ñaajiitoo ye ì la fiifeŋolu fii, ì seewooriŋ baa si katiroo ke.

Yesaya 11:15

Yaawe be Misira baajiyo buruka la le, a be a buloo finjaŋ na Yufurati Boloŋo kunto le, a ye a jandi niŋ foño kandi baa la. A be a talaŋ-talaŋ na woyindiŋ woorowula le ti, fo moolu niŋ samatoolu si kuntu noo jee.

Yesaya 55:12

“Ali be finti la seewoo le kono, ŋa ali ñaatonkayaa kayiroo kono. Konko baalu niŋ konkoriŋolu be wutu la suukuwo ti, aduŋ yiroolu mennu be kunkoolu to si buloo kosi.

Yesaya 65:14

N na dookuulaalu nii seewooriŋo le be suukuwo laa la, bari alitolu nii toorariŋo le be woosii la, jikilateyoo ye a tinna ali ka tu kumboo la.

Yeremiya 31:13

Wo tumoo le mu sunkutoolu be seewoo la, ì niŋ doŋo, ka taa fondinkewolu niŋ keebaalu kafuriŋo. M be ì la kumboo yelemandi la seewoo le ti. M be ì jusoo ñabu la le, ŋa jusulaa seyi ì ye niikuyaa noo to.

Jabuuroolu 126:2

Ǹ tuta jele la le, ǹ seewooriŋ baa ye suukuwolu laa. Bituŋ banku koteŋolu moolu ko ñoo ye ko, “Hee, Yaawe ye kuu baalu le ke ì ye.”