Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yesaya 51:10 - Mandinka Bible

10 Ite le ye fankaasoo jandi, baa diinoŋo bee jaata, i ye taamadulaa ke baa kono duuma, fo moolu mennu kumakaata si tambi noo.

အခန်းကိုကြည့်ပါ။ ကော်ပီ




Yesaya 51:10
20 ပူးပေါင်းရင်းမြစ်များ  

Waati jaŋ koomanto, Yaawe ye siloo ke baa kono, a ye taamadulaa ke fankaasoo kono.


Fo ali ye a miira le ko, m buloo te sii noo la ka ali kiisa baŋ? Fo wo le ye a tinna, biriŋ n naata ka ali kiisa m maŋ moo tara jee? Fo ali ye a miira le ko, m maŋ sembe soto ka ali kumakaa baŋ? Fo wo le ye a tinna, biriŋ ŋa kumandiroo ke, moo maŋ i danku n na? A juubee, n na jalayiroo ka a tinna le fankaasoo ye jaa, ŋa baalu yelemandi keñewuloo* ti, ñewolu ye faa, ì ye toli, jii sotobaliyaa kamma la.


“I la kanu bambaloo kaŋ, i ye i la moolu mennu tanka, i be i ñaatonkayaa la le. I la semboo kaŋ, i be ì kenkeŋ na le fo i la dinkiraa senuŋo to.


M be konko baalu niŋ konkoriŋolu bee kenseŋyandi la le, ŋa ì la fiifeŋolu bee norondi. M be baalu yelemandi la dulaa jaaroolu le ti, ŋa daloolu jandi.


Ite le ye jiyo talaa fula ti ka bo niŋ i semboo la, i ye baakono daafeŋ baalu kuŋolu teyi.


I ye i la siloo bondi baa teema la, i ye i taamadulaa ke diinoŋñaalu teema, bari moo maŋ i siŋ noolu je noo.


A la yaamaroo kaŋ, Kulunjumbe Baa jaata, bituŋ a ye ì tambindi baa teema la banku jaaroo kaŋ.


A ye ì kiisa ì konnantewolu bulu le, a ye ì tankandi ì jawoolu ma.


Yaawe be Misira baajiyo buruka la le, a be a buloo finjaŋ na Yufurati Boloŋo kunto le, a ye a jandi niŋ foño kandi baa la. A be a talaŋ-talaŋ na woyindiŋ woorowula le ti, fo moolu niŋ samatoolu si kuntu noo jee.


Sila baa le be tara la a la moo toomaalu ye jee, mennu bota Asiriya, ko a be nuŋ Banisirayila ye ñaameŋ, kabiriŋ ì bota naŋ Misira.


Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.


Jata te tara la jee, sako daafeŋ saŋarariŋo si taama a kaŋ. Moo te ì je la jee. Moo kumakaariŋolu doroŋ ne be taama la jee.


Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.


Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.


Ì be tambi la niŋ Kulunjumbe Baa le la, baa baliŋolu si tenkuŋ, Nayili Boloŋo niŋ a la diinoŋo bee, a si jaa. Asiriya la faŋ waroo si daŋ, Misira la maraloo ye yeemaŋ.


Bari Banisirayilankoolu taamata banku jaaroo le kaŋ, baa keta ì ye komeŋ sansaŋo ì bulubaa niŋ ì maraa la.


Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.


Kaawakuwolu yitandi ǹ na, ko i ye a ke nuŋ tiloolu la ñaameŋ, biriŋ i ye i la moolu ñaatonkayaa ka bo Misira.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ