Yesaya 50:9 - Mandinka Bible

⁹ Maarii Yaawe le ka m maakoyi. Wo to moo jumaa le si n na boyidaa yitandi noo? Ì bee be naa tiñaa la le ko bayoo, tumboolu ye meŋ domo.

Yesaya 50:9 ပူးပေါင်းရင်းမြစ်များ

Yuuba 13:28

Wo le ye a tinna m be tiñaa kaŋ, n keta komeŋ babara toliŋo. N keta komeŋ bayoo, tumboolu dunta meŋ na.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Jabuuroolu 102:26

Ì be buruka la le, bari ite be tu la keriŋ ne. Ì bee le be kotoo la ko funtoo, ko duŋ feŋo, i ye ì faliŋ, ì ye yeemaŋ.

Jabuuroolu 39:11

I ka moolu jalayi le, ka ì kuluu, ì la junuboolu kamma la, i ye ì la sotofeŋolu kasaara, ì ye mennu kanu, komeŋ niŋ tumboolu dunta feŋo la. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

Yankuba 5:2

Ali la naafuloolu tolita le, tumboo dunta ali la waramba ñiimaalu la.

Yesaya 54:17

Bari jooraŋ-wo-jooraŋ dadaata i kamma, a te taama la. Moo-wo-moo ye i tuumi a neŋ kolomoo la, i be a faniyandi la le. Wo le mu n na dookuulaalu ye keetaafeŋo ti, aniŋ ì la kañeeroo ka bo m bulu.” Yaawe le ye a fo.

Yuuba 13:19

Jumaa le si soŋ fo noo nte ma? Niŋ wo si soto, wo to nte be n deyi la le, ŋa faa.

Jabuuroolu 54:6

M be fankadaŋ sadaa* bo la i ye le. Hee Yaawe*, m be i tentu la le ka bo niŋ i too la, kaatu i beteyaata baake le.