Yesaya 50:4 - Mandinka Bible

⁴ Maarii Yaawe le ye n karandi m fokumoo la, fo n si moo bataariŋolu bambandi. Soomandaa-wo-soomandaa a ka n hamendi le, ka n lamoyi a be n karandi la meŋ na.

Yesaya 50:4 ပူးပေါင်းရင်းမြစ်များ

Luka 21:15

Kaatu m be kumoolu niŋ ñaameŋo dii la ali la le, fo hani ali jawu kiliŋ te balaŋ noo la ali ma, waraŋ ka ali soosoo.

Yeremiya 1:9

Bituŋ Yaawe ye a buloo tiliŋ, a ye n daa maa. A ko n ye ko, “A juubee, ŋa n na kumoo duŋ i daa le.

Kuma Kotoomaalu 25:11

Niŋ i la kumoo laakuuta, a ka muluŋ ne ko, niŋ ì ye sanoo laakuu kodiforoo bala ka a ñiiñandi.

Kuma Kotoomaalu 15:23

Moo ka seewoo soto kuma diimaa to le, a ye moo jaabi meŋ na, kuma kendoo meŋ fota a waatoo la, ka diyaa moo ye le.

Jabuuroolu 119:147

N ka wuli le janniŋ fanikewo, ka i la maakoyiroo woosii. Ŋa n jikoo loo i la kumoolu le kaŋ.

Jabuuroolu 143:8

Kali m moyirindi i la kanu bambaloo la fanoo la ke tumoo la, kaatu n jikoo be ite le kaŋ. Siloo yitandi n na, n ñanta taa la meŋ na, kaatu ŋa n sondomoo loo ite le kaŋ.

Jabuuroolu 5:3

i ka n kaŋo moyi le soomandaa, seyiloo n ka n na kuwo laa i ñaa koto le, ŋa i batu.

Luka 4:22

Ì kaawata hiinakumoolu la, a ye mennu fo, ì bee ye a jayi. Ì ko, “Fo ñiŋ maŋ ke Yusufa dinkewo le ti baŋ?”

Matiyu 13:54

A taata a fansuŋ saatewo to. A ye karandiroo ke ì la diina bendulaa* to fo moolu jaakalita. Ì ko, “Ñiŋ kewo ye ñiŋ ñaameŋo niŋ semboo soto mintoo le ka ñiŋ kaawakuwolu ke?

Matiyu 11:28

Ali naa nte kaŋ, alitolu bee mennu ye bataa soto aniŋ duni kuliŋo. M be ali dahandi la le.

Matiyu 22:46

Bari moo maŋ a jaabi noo hani kuma kiliŋ na, sako moo si haañi ka a ñininkaa kuma doo la ka bo wo luŋo la.

Yohana 7:46

Kantarilaalu ye ì jaabi ko, “Moo nene maŋ diyaamu ko ñiŋ kewo!”

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Jabuuroolu 88:13

Yaawe nte de, n ka ite le la maakoyiroo kumboo. Soomandaa-wo-soomandaa n ka duwaa i ñaatiliŋo la le.

Kuma Kotoomaalu 12:25

Jaakaloo si moo niyo toorandi noo le, bari kuma diimaa ka a niyo seewondi le.

Yesaya 8:16

Alitolu n na saayiboolu, ali n na kiilaariyaa kumoolu safee, ali ye ì muta kuu tankoo kono.

Yesaya 28:9

Ì ko, “Wo Yesaya ka a kata ka jumaa le karandi? A ka a la kiilaariyaa kumoo bondi jumaa le ye ñoo to? Fo a ka a fo dindiŋolu le ye baŋ, mennu bondita sunjoo to?

Yesaya 28:19

A feeneeta naŋ tuma-wo-tuma, a be ali koora la le. Tooñaa, naa luŋ te a la, tiloo waati-wo-waati, waraŋ suutoo waati-wo-waati. Niŋ ali ye ñiŋ kibaaroo fahaamu, ali kijoo si teyi.

Yesaya 35:5

Wo to le finkintewolu ñaalu be yele la, tulu sukiriŋolu ye moyiroo ke.

Yesaya 40:29

A ka semboo dii moo bataariŋolu la le, aduŋ a ka lamfuriŋolu bambandi.

Yesaya 50:10

Jumaa le be alitolu kono meŋ silata Yaawe la, aniŋ ka a la dookuulaa la yaamaroo muta? Moo meŋ be diboo kono a maŋ mala soto, ñanta dankeneyaa soto la Yaawe la le, a ye i tuuku Alla la.

Yesaya 54:13

Nte Yaawe le be i dinkewolu bee karandi la, aduŋ i diŋolu be tara la kayira baa le kono.

Yeremiya 31:25

M be moo nii koririŋolu kereyandi la le, aduŋ m be moo bataariŋolu wasa la le.”

Esekiyeli 46:13

“Luŋ-wo-luŋ, mansa ñanta sanji kiliŋ saakotoŋo, meŋ maŋ sootaari soto le, ke la jani sadaa ti nte Yaawe ye. A ñanta wo ke la soomandaa-wo-soomandaa.

5 Musa 18:17

Wo to le Yaawe naata a fo n ye ko, “Ì la ñiŋ kumoolu mu tooñaa le ti.

5 Musa 18:18

M be annabiyomoo wulindi la ì kono le, meŋ mu ì fansuŋ moo ti ko ite. M be n na kumakaŋolu duŋ na a daa le, aduŋ ŋa a yaamari meŋ na, a be a bee sindi la moolu ma le.

Yuuba 4:4

Niŋ moo lafita jenke la, i la kumakaŋolu le ka a tilindi. Niŋ moo maŋ loo noo ka bambaŋ, ite le ka a bambandi.

Jabuuroolu 40:7

Bituŋ n kumata ko, “M fele, n naata le, ka kuwo ke meŋ safeeta n ye Luwaa Kitaaboo* kono.