Yesaya 50:2 - Mandinka Bible

² Fo ali ye a miira le ko, m buloo te sii noo la ka ali kiisa baŋ? Fo wo le ye a tinna, biriŋ n naata ka ali kiisa m maŋ moo tara jee? Fo ali ye a miira le ko, m maŋ sembe soto ka ali kumakaa baŋ? Fo wo le ye a tinna, biriŋ ŋa kumandiroo ke, moo maŋ i danku n na? A juubee, n na jalayiroo ka a tinna le fankaasoo ye jaa, ŋa baalu yelemandi keñewuloo* ti, ñewolu ye faa, ì ye toli, jii sotobaliyaa kamma la.

Yesaya 50:2 ပူးပေါင်းရင်းမြစ်များ

Yesaya 59:1

Tooñaa-tooñaa, Yaawe* buloo be sii la ali la le ka ali kiisa, a tuloo fanaa maŋ kuyaa ka ali moyi.

4 Musa 11:23

Yaawe ko Musa ye ko, “Fo nte Yaawe la semboo ye dandulaa le soto baŋ? Saayiŋ i si a juubee fo ŋa kumoo meŋ fo i ye be ke la tooñaa le ti baŋ, waraŋ fo a te ke la tooñaa ti.”

Yesaya 66:4

Wo to saayiŋ, m be kuu dimindiŋ baa le laa la ì kaŋ, aduŋ ì silata meŋ na, m be ì jarabi la wo le la. Kaatu kabiriŋ ŋa kumandiroo ke, moo maŋ n danku, biriŋ n diyaamuta, moo maŋ i lamoyi n na. Bari ì ye kuu jawoo ke n ñaa koto le, ì ye kuu ke meŋ maŋ diyaa n ye.”

Yosuwa 3:16

jiyo la boroo loota. A samasimmaa be looriŋ dulaa jaŋ saatewo doo daala, ì ka a fo daameŋ ye Adama, Saretani saatewo daala. Bituŋ jiyo meŋ ka bori naŋ ka taa Koojii Baa kono, Araba* tundoo la, bee loota kat. Bituŋ moolu naata teyi ka taa Yeriko wo kankuŋ doo la.

1 Musa 18:14

Fo kaawakuu le sotota, Yaawe korita meŋ na baŋ? M be muru la naŋ i kaŋ jaari ñiŋ ñoŋ waatoo, aduŋ Saara be dinkewo soto la.”

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Kuma Kotoomaalu 1:24

Bari kabiriŋ ŋa kumandiroo ke, ali maŋ n danku, ali maŋ hani m maafaŋo juubee, kabiriŋ ŋa m buloo tiliŋ ali la.

Yohana 1:11

A naata a fansuŋ moolu yaa, bari a fansuŋ moolu maŋ a jiyaa.

Nahumu 1:4

A si baa yaamari a ye jaa, a ye boloŋolu bee fanaa jandi, Basani la beeyaŋ daañini dulaa kendoolu ye noro, aniŋ Karimeli yiroolu, Libanooni fiifeŋ firoolu ye jiraŋ.

Hoseya 11:2

Bari n ka ì kili ñaameŋ, ì ka jamfa n na wo le ñaama. Ì tuta sadaa* bo la Baali* jalaŋolu ye, ì ka cuuraayoo siisindi jalaŋ koteŋolu ye.

Daniyeli 3:29

Wo to ŋa ñiŋ kaŋo dii le ko, banku-wo-banku, sii-wo-sii, aniŋ moolu bee, niŋ meŋ ye kuma fo Sadiraki, Mesaki, aniŋ Abedineko la Alla ma, mansa be a maarii jasiŋ-jasiŋ na le. Aduŋ fanaa ì be a maarii la buŋo boyi la le, ka a ke tumbuŋo ti. Kaatu Alla koteŋ te jee meŋ si moo tankandi noo teŋ.”

Daniyeli 3:15

Bari saayiŋ, niŋ ali ye ñiŋ kumafeŋolu moyi: binoo, footaŋo, suusaa, kontiŋo, kooraa, tantaŋo, aniŋ kumafeŋ siifaalu bee, aduŋ wo loodulaa to, ali sujudita ka moo muluŋo batu, ŋa meŋ dadaa, tana te ali la. Bari niŋ ali maŋ baturoo ke, ì be ali fayi la fuuri dimbaa wuleŋo kono le, wo loodulaa to. Fo Alla le be keriŋ, meŋ si ali bondi noo nte bulu baŋ?”

Yeremiya 35:15

N tuta n na dookuulaalu annabiyomoolu kii la ali kaŋ ne luŋ-wo-luŋ. Ì ka ñiŋ ne fo ali ye ko, ali kiliŋ-kiliŋ naa ye bo ali la sila kuruŋolu kaŋ, ka ali kekuwolu faliŋ. Ali kana jalaŋolu nooma, ka ì batu. Wo le to ali be sabati la bankoo kaŋ, ŋa meŋ dii ali la, aniŋ ali mumuñolu. Bari ali maŋ ali tuloo loo n na, waraŋ ka soŋ i lamoyi la n na.

Yesaya 65:12

nte le be a lañini la, hawusaroo* ye ali faa. Ali be ñoyi la le, ì ye ali kanateyi, bayiri ŋa ali kumandi le, ali maŋ n danku, n diyaamuta ali ye, ali maŋ i lamoyi n na. Ali ye kuu jawoo ke n ñaatiliŋo la le, aniŋ ka bula kuwo nooma, m maŋ lafi meŋ na.”

Yesaya 59:16

Moo maŋ soto meŋ ka moolu maakoyi. A jaakalita le ka a je ko, moo maŋ soto, bituŋ a faŋo la semboo ye kiisoo saabu ì ye, aduŋ a faŋo la tiliŋo le ye semboo dii a la ka a ke.

Yesaya 43:16

Waati jaŋ koomanto, Yaawe ye siloo ke baa kono, a ye taamadulaa ke fankaasoo kono.

Yesaya 42:15

M be konko baalu niŋ konkoriŋolu bee kenseŋyandi la le, ŋa ì la fiifeŋolu bee norondi. M be baalu yelemandi la dulaa jaaroolu le ti, ŋa daloolu jandi.

2 Musa 14:21

Wo to le Musa ye a buloo coodi baa kunto, aduŋ wo suutoo muumee Yaawe ye foño baa wulindi tiliboo la, a ye baa yelemandi banku jaaroo ti. Jiyo talaata fula ti,

2 Musa 7:21

Ñewolu mennu be Nayili Boloŋo kono faata, baajiyo sunkanta, fo Misirankoolu buka i miŋ noo a jiyo la. Yeloo tarata Misira dulaalu bee le to.

2 Musa 7:18

Ñewolu mennu be Nayili Boloŋo kono, be faa la le. Baajiyo be sunkaŋ na le, aduŋ Misirankoolu te a jiyo miŋ noo la.’ ”

Yohana 3:19

Aduŋ ñiŋ ne mu kiitiyo ti ko, maloo naata duniyaa kono le, bari moolu ye diboo le kanu ka tambi maloo la, kaatu ì la kebaaroolu jawuyaata le.

Maaka 4:39

Wo to le a kuninta, a wulita, a ye foñoo jalayi, aduŋ a ko baa baliŋolu ye ko, “Ali i deyi, ali ye tenkuŋ!” Wo to le foño baa loota, bituŋ baa tenkunta tek.

Daniyeli 6:20

Kabiriŋ a futata jee, a niikuyaariŋo sarita, a ye kumandiroo ke, ka a fo ko, “Daniyeli, Alla baluuriŋo la dookuulaa! Fo i ka tu Alla meŋ batu la, a ye i tankandi jatoolu ma le baŋ?”

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Yesaya 63:13

A ye moolu ñaatonkayaa le ka baa diinoŋo teyi. Hani moo kiliŋ ne maŋ taki, ì taatoo. Ì mulunta le ko niŋ suwoo be boroo la kene kenseŋo kono.

Yesaya 51:10

Ite le ye fankaasoo jandi, baa diinoŋo bee jaata, i ye taamadulaa ke baa kono duuma, fo moolu mennu kumakaata si tambi noo.

Yesaya 41:28

Ŋa juubeeroo ke jalaŋolu kono le, m maŋ hani kiliŋ je ì kono, meŋ si yaamaroo dii, niŋ ŋa ì ñininkaa, kiliŋ te jee meŋ si n jaabi.

Yesaya 36:20

Jalaŋolu bee kono banku jumaa le la jalaŋolu ye ì la bankoolu tankandi noo a bulu? Wo to fo Yaawe si Yerusalaamu tankandi noo ate ma baŋ?”

Yesaya 19:5

Nayili Boloŋo si jaa, baa si jaa kawu, jii te soto la jee.

Jabuuroolu 107:33

Yaawe le ka baalu jandi, a ye woyoolu muta, ì te woyi la, fo bankoo ye jaa kawu, a ye ke ko keñewuloo.

2 Taarika 32:15

Ali kana soŋ Hesekiya ye ali neenee ka ali filindi ñiŋ ñaama. Ali kana laa a la, kaatu alloolu kiliŋ maŋ a la bankoo moolu tanka noo m bulu, waraŋ m mumuñolu bulu. Wo to alitolu la Alla si ali tankandi noo ñaadii le?”

2 Musa 14:29

Bari Banisirayilankoolu taamata banku jaaroo le kaŋ, baa keta ì ye komeŋ sansaŋo ì bulubaa niŋ ì maraa la.

Yeremiya 8:6

Ŋa n lamoyi ì la le famfaŋ, bari ì buka kuma fo meŋ tilinta. Hani moo kiliŋ ne buka tuubiseyi a la kuruŋyaa la, ka a fo ko, ‘Nte ye muŋ ne ke teŋ?’ Moo-wo-moo ka taa a fansuŋ siloo le la, ko suwoo ka i seyiŋ keloo kono ñaameŋ.

Jabuuroolu 106:9

A la yaamaroo kaŋ, Kulunjumbe Baa jaata, bituŋ a ye ì tambindi baa teema la banku jaaroo kaŋ.

Daniyeli 6:27

Ate le ka tankandiroo niŋ kiisandiroo ke, a ka kaawakuwolu baara saŋo santo le, aniŋ duniyaa kono. Ate le ye Daniyeli tankandi jatoolu ma.”

Yeremiya 7:13

Alitolu ye wo ñoŋ kuu jawoolu le ke tukuŋ. N tuta diyaamu la ali ye le, bari ali maŋ i lamoyi n na. Ŋa ali kumandi le, bari ali maŋ soŋ na n danku la.” Yaawe le ye a fo.

Yesaya 11:15

Yaawe be Misira baajiyo buruka la le, a be a buloo finjaŋ na Yufurati Boloŋo kunto le, a ye a jandi niŋ foño kandi baa la. A be a talaŋ-talaŋ na woyindiŋ woorowula le ti, fo moolu niŋ samatoolu si kuntu noo jee.

Yesaya 23:11

Yaawe ye a buloo wulindi baa kunto le, a ye mansamarali bankoolu jarajarandi. A ye yaamaroo dii le, ka Kanaani tatoolu kasaara.

Yesaya 44:27

Ŋa a fo le fankaasoo ye jaa, aduŋ m be a baalu jandi la le.

Yesaya 54:6

I la Alla ko: “Nte Yaawe be i kumandi la le kotenke, komeŋ niŋ ite mu musu le ti, meŋ keemaa ye a bula, a niyo be toorariŋ, musoo meŋ futuuta a dindimmaa, a keemaa ye a bayi.

Yeremiya 7:27

“Wo to Yeremiya, hani i si ñiŋ kumoolu bee fo ì ye, ì te i lamoyi la. I be ì kumandi la le, bari ì te soŋ na i danku la.

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”

Yeremiya 35:14

A ko: “Yaamaroo meŋ Rekabu dinkewo Yonadabu ye a dii a koomalankoolu la ko, ì kana wayinoo miŋ, ì ye a muta le. Ì buka wayinoo miŋ ka naa bula fo bii la, kaatu ì ye ì la alifaa foloo la yaamaroo le muta. Nte tuta diyaamu la alitolu ye le, bari ali maŋ soŋ ka i lamoyi n na.

Habakuki 3:8

Yaawe, fo i kamfaata boloŋolu le kamma baŋ? Fo i ye fijoo jii baalu le kaŋ baŋ? I jusoo bota fankaasoo le kamma baŋ, biriŋ i be i la suwoolu kaŋ, aniŋ i la keleraŋ sareetoolu*, ka nooroo ke?

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.