Yesaya 5:5 - Mandinka Bible

⁵ Saayiŋ, m be a fo la ali ye le, m be meŋ ke la n na kankaŋo la. M be a la sansaŋo bondi la a bala le, a ye kasaara. M be a la bere sansaŋolu bondi la a bala le, ì ye doriŋ-doriŋ a kono.

Yesaya 5:5 ပူးပေါင်းရင်းမြစ်များ

Luka 21:24

Moo jamaa be faa la niŋ hawusaroo* la, doolu be taa la mutoo kono bankoolu bee kaŋ. Bituŋ jaahiloolu be Yerusalaamu bee dori la le, fo niŋ ì la waatoo banta.

Niikuyaa Suukuwolu 1:15

“N na kee kendoolu mennu tarata m fee, Maariyo ye i baŋ ì bee le to, a ye kelediŋolu kumbendi n kamma ka n na fondinkewolu kasaara, ka Dimmusuriŋ Yahuuda doriŋ-doriŋ, ko ì ka yiridiŋolu dori ì bitidulaa to ñaameŋ.

Yesaya 28:18

Ali niŋ saayaa ye kambeŋo meŋ siti, wo si buruka, ali niŋ kaburoo denta kaŋo meŋ na, te loo la. Niŋ kasaaroo feeneeta naŋ, ali te kana la.

Lankenemoo 11:2

Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula.

Yesaya 28:3

Ŋaañaaraŋo meŋ keta Efurayimu* siiratoolu la kibirilaŋo ti, bee be doriŋ-doriŋ na siŋo le la.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

1 Musa 11:7

Ali naa ŋà jii duuma, ŋà ì la kaŋo duŋ ñoo to, i si a je, ì te ñoo la kumakaŋo fahaamu noo la kotenke.”

1 Musa 11:4

Ì kumata ko, “Ali naa! Ŋà saatewo loo m̀ faŋ ye, aniŋ tatoo meŋ na jamfoo be taa fo saŋo bala. Niŋ ŋà ñiŋ ke, i si a je, ǹ toolu si bo, aniŋ ǹ te tara la janjandiŋ duniyaa karoo bee la.”

Daniyeli 8:13

Bituŋ ŋa malaayikoo moyi a be malaayika doo ñininkaa la ko, “Janniŋ muŋ tuma le ñiŋ jeroo kuwolu be tara la ke kaŋ? Jeroo meŋ keta luŋ-wo-luŋ sadaa la kuwo ti, aniŋ moolu la ì koo dii Alla la, meŋ ye kasaaroo samba naŋ, ka taa Alla Batudulaa Buŋo boyoo, aniŋ Arijana kafoo moolu doriŋ-doriŋo.”

Niikuyaa Suukuwolu 4:12

Mansakewolu, duniyaa mansoolu maŋ laa, waraŋ moo koteŋ duniyaa kono, ko Yerusalaamu konnantee waraŋ a jawu si a dundaŋ daalu salaŋ noo.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Nehemiya 2:3

N ko mansa ye ko, “Allamaa i mee la! Muŋ ne ye a tinna n ñaa te kuyaa la, baawo m mumuñolu be laariŋ saatewo meŋ to, jee be tumbundiŋ ne, aduŋ a dundaŋ daalu bee kasaarata niŋ dimbaa le la?”

Jabuuroolu 89:40

I ye a la saatewo sansaŋolu bee le teyi, i ye a la tatoolu ke tumbuŋo ti.

Kuma Kotoomaalu 24:31

a juubee, a bee be faariŋ ŋaniŋ suŋo le la, coŋo be faariŋ a bankoo kaŋ, aduŋ a biriki sansaŋo boyita.

Yesaya 32:10

Janniŋ sanji kiliŋ alitolu mennu be siikuuriŋ, be jarajara la le, siimaŋ katitaa te soto la, aduŋ ali la wayini* yiroolu te diŋ na.

Yeremiya 18:11

Wo to saayiŋ, a fo Yerusalaamu saatee moolu ye, ka taa Yahuuda moolu bee ye ko: M be kuu jawoo le dadaa kaŋ ali kamma, aduŋ m be feeroo siti kaŋ ali kamma le. Ali yelema, moo-wo-moo ye bo a la kuu jawu kewo to, ali ye ali taaraŋ siloolu faliŋ, aniŋ ali kekuwolu.

Yeremiya 21:4

Yaawe Banisirayila la Alla ye ñiŋ ne fo ko: “A juubee, m be kelejooraŋolu murundi la ali faŋolu le kaŋ, mennu be ali bulu, ali ye mennu taa ka Babiloni mansakewo kele, meŋ niŋ a la kelediŋolu ye ali suki tata sansaŋo kono. M be ì samba la naŋ ñoo kaŋ ñiŋ saatewo teema le.

Yeremiya 28:8

Annabiyomoolu mennu naata ite niŋ nte ñaa, waati jaŋ koomanto, wolu ye kiilaariyaa kumoolu fo le ko keloo, kasaara jawoo, aniŋ alibalaa kuuraŋo le be naa banku jamaa kaŋ, aniŋ mansamarali banku baalu kaŋ.

Yeremiya 45:4

“Bari nte Yaawe ye ñiŋ ne fo i ye ko: M faŋo ye meŋ loo, m be a boyindi la le, ŋa meŋ tutu, m be a suloo wutu la le, meŋ keta bankoo muumeelaa ti.

Hoseya 2:12

M be a la wayini yiroolu tiñaa la le, aniŋ a la sooto suŋolu, a ka a fo mennu la ko, ‘Ñinnu mu n na joo le ti, n kanuntewolu ye meŋ dii n na.’ M be a ke la le, a la yiri kankaŋolu ye yelema sutoo ti, wulakono daafeŋolu ye ì daañini ì la.

Jabuuroolu 89:41

Moolu mennu bee ka tambi, ì ka a la feŋolu ñapinkaŋ ne. A dandanna moolu ye a ke jelefeŋo le ti.

Kawandilaa 3:3

Waati le be faaroo la, waati be kendeyandiroo la. Waati le be tiñaaroo la, waati be dadaaroo la.

Niikuyaa Suukuwolu 2:6

Juuraloolu niŋ Loobula Luŋolu, Yaawe* ye wolu ke ñina kuwo le ti Siyoni. A ye a Batudulaa janjaŋ ne ko naakikono jembereŋo, a ye a la juurali dulaa kasaara. A la jusukandoo kono, a ye a koo dii mansakewo la le, aniŋ piriisoolu.

Hoseya 2:14

“Bari m be a saba la naŋ ne, ŋa a samba keñewuloo kono, ŋa kuma diimaa fo a ye.