Yesaya 5:23 - Mandinka Bible

²³ aniŋ ka dukoo muta moo boyiriŋo bulu, ka moo la tooñaa nakari meŋ maŋ boyi.

Yesaya 5:23 ပူးပေါင်းရင်းမြစ်များ

Yesaya 10:2

ka fuwaaroolu bali ì la hakoo la, ka fentaŋolu la tooñaa nakari, ka furuyaamusoolu la feŋolu ñapinkaŋ, aniŋ ka aliyatiimoolu le feŋolu suuñaa.

Yankuba 5:6

Ali ye moo tilindiŋo kiitindi, ali ye a faa, a maŋ balaŋ noo ali ma.

Kuma Kotoomaalu 17:15

Yaawe tanoo le mu moo ti, meŋ niŋ a be kiitiyo kunna, a ka laa moo jawoo kaŋ, a ye bo moo tilindiŋo koto.

Jabuuroolu 94:21

Ì ka tafawu moo tilindiŋolu niyo kamma le, ì ka moolu kiitindi ka ì faa, mennu maŋ kuu ke.

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Kuma Kotoomaalu 24:24

Moo-wo-moo ko moo boyiriŋo ye ko, a maŋ feŋ ke, moolu be a danka la le, bankoolu ye a haraamu.

Kuma Kotoomaalu 17:23

Moo kuruŋo ka dukoo muta kulloo le kono, ka jenke luwaa siloo la.

2 Taarika 19:7

Ka bo saayiŋ na, ali si Alla ñaasilaŋo soto, ali si ali hakiloo tu ali kekuwo to, kaatu Yaawe, ǹ na Alla buka soŋ tilimbaliyaa la, faasaaroo, waraŋ dukoo.”

5 Musa 16:19

Ì maŋ ñaŋ na tooñaa nakari la. Ì maŋ ñaŋ na laa la moo kaŋ ì la kiitiyolu kono. Ì maŋ ñaŋ na duku muta la moo bulu, kaatu dukoo ka moo ñaamendiŋo ñaa muta le, aduŋ a ka moo tilindiŋo la kuwo yelemandi faniyaa ti.

Matiyu 23:35

Wo le ye a tinna yankankatoo be boyi la ali kaŋ moo tilindiŋolu bee yeloo boŋo kamma la, ka bo Haabiila yeloo to ka naa fo Jakariya yeloo to, Berekiya dinkewo, ali ye meŋ faa Alla Batudulaa Buŋo niŋ sadaajanidulaa teema.

1 Mansoolu 21:13

Bituŋ wo moo kuruŋ fuloo wulita ì loota Naboti ñaato ka a tuumi moolu teema, ka a fo ko, “Naboti ye Alla le neŋ, aniŋ mansa.” Bituŋ ì ye Naboti tambindi ka a fintindi saatewo banta la. Ì ye beroolu taa ì ye a kurulabuŋ fo ì ye a faa.

Yesaya 10:1

Kooroo be wo moolu ye, mennu ka luwaa jenkeriŋolu dadaa, aniŋ ka luwaa koleŋolu safee,

Yesaya 32:7

Tapalewo ka tapaleeyaa doroŋ ne taamandi, aniŋ ka kuu jawoo kurukuru. A ka fuwaaroolu kasaara a la faniyaa kumoo le la, hani a ye a tara wo fentaŋolu be tooñaa siloo le kaŋ.

Yesaya 59:15

Tooñaa buka je daa-wo-daa. Moolu mennu buka soŋ kuu kuruŋ kewo la, ǹ ka wolu le boyinkaŋ. Yaawe ye a je le, aduŋ a maŋ kontaani, kaatu kiitiyo buka kuntu a ñaama.

Amosi 5:12

Ŋa a loŋ ne, ali ye kuruŋyaa kuwolu mennu bee ke, aniŋ ali la junube kuukewo warata ñaameŋ. Ali ye moo tilindiŋolu batandi, ali ye dukoolu muta. Ali ye tooñaa nakari fuwaaroolu bulu kiitiidulaalu to.

Yesaya 28:7

Doloo ka ñinnu le siirisaarandi, ka ì timili-tamalindi, niŋ ì ye wayinoo* miŋ: A ka piriisoolu* niŋ annabiyomoolu le siirisaarandi. Wayinoo ka ì bondi ì noo to le, a ka ì timili-tamalindi. Ì la jeroo ka fili ì ma le, aduŋ niŋ ì be kiitiyo kuntu la, ì ka boyi le, ì buka a kuntu kuu.

Yesaya 29:21

mennu la kumoo ka moo nondi, ì ka moo feere, meŋ ka kiitii kuntoo ke saatee dundaŋ daa* to, ì ka moo tilindiŋo la boloo buusi a la ì la seedenduriyaa la, wo moolu bee si faa.