Yesaya 5:19 - Mandinka Bible

¹⁹ Ì ka a fo ko, “Alla ye i tariyaa, a ye i tariyaa a la dookuwo la, fo ǹ si a je! Banisirayila la Senuŋ Baa la feeroo ye naa, fo ǹ si a loŋ!”

Yesaya 5:19 ပူးပေါင်းရင်းမြစ်များ

Esekiyeli 12:22

“Ite hadamadiŋo, Banisirayilankoolu dalita ñiŋ mansaaloo le fo la ko, ‘Waatoo ka naa le, a ka taa. Kiilaariyaa kumoolu buka timma.’

Yeremiya 17:15

A juubee moolu ka a fo n ye ko, “Yaawe ye kumoo meŋ fo ko a be ke la, a lee? A ye ke baŋ!”

Yeremiya 23:36

Bari ì kana ñiŋ fo kotenke ko, Yaawe la dunoo itolu ye, kaatu dunoo keta moo bee daakumoo le ti. Ì ka Alla baluuriŋo la kumoo le yelemandi, Yaawe Alihawaa Maariyo, ì la Alla.

Esekiyeli 12:27

“Hee hadamadiŋo, a fele, Banisirayilankoolu ka ñiŋ ne fo ko, nte ka mennu yitandi i la wolu te ke la saayiŋ kuu ti, aniŋ i ka kiilaariyaa kumoolu mennu fo, wolu be ke la ñaato siniŋ kuu le ti.

Yeremiya 23:18

Bari wo annabiyomoolu kono jumaa le kiliŋ nene ka maabee Yaawe la mansabeŋo to, ka a la kumoo moyi, aniŋ ka a fahaamu, ka i lamoyi a la kumoo la, aniŋ ka a muta?

Yesaya 66:5

Yaawe la kumoo ka silaŋo dundi mennu la, ali i lamoyi a la kumoo la. A ko: “Ali baadiŋolu mennu ye ali koŋ, ì ñoorita ali la, kaatu ali ye n too le horoma, ì ye ali ñaawali le ka a fo ko, ‘Yaawe la kallankeeyaa* ye lankenema, fo ǹ si ali la seewoo je!’ Bari itolu le be malu la.

Yesaya 30:11

Ali bo tooñaa siloo kaŋ, ali jenke wo siloo ye, aduŋ ali si i foño ka Banisirayila la Senuŋ Baa la kumoo fo ǹ ye.”

Yeremiya 36:23

Niŋ Yehudi ye kitaabu moromororiŋo borindi saba waraŋ naani baŋ karaŋ na doroŋ, mansa si wolu kuntu a bala niŋ murundiŋo la, a ye ì fayi dimbaa kono. A ye a ke wo le ñaama fo kitaaboo banta jani la dimbaa kono.

Hoseya 10:3

Bituŋ ì si naa ñiŋ fo ko, “M̀ maŋ sila Yaawe la, wo le ye a tinna m̀ maŋ mansa soto. Bari mansa faŋo si muŋ ne ke noo ntolu ye?”

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”