Yesaya 48:9 - Mandinka Bible

⁹ N too la kuwo kamma, ye a tinna le ŋa m faŋ muta, m maŋ n na kamfaa yitandi. N na horomoo kamma, m muñata ali ye le, m maŋ ali kasaara.

Yesaya 48:9 ပူးပေါင်းရင်းမြစ်များ

Yesaya 37:35

Yaawe be loo la ñiŋ saatewo ye le ka a tankandi a faŋo la kuwo kamma la, aniŋ a la dookuulaa Dawuda la kuwo kamma.”

Jabuuroolu 143:11

Yaawe, i too kamma la, n niyo tankandi. I la tiliŋo kaŋ, m bondi mantooroo kono.

Jabuuroolu 106:8

Hani wo, a ye ì kiisa le a too kamma la, ñiŋ kamma la moolu si a semboo la waroo loŋ.

Jabuuroolu 79:9

Hee Alla, ǹ na kiisoo sababoo, m̀ maakoyi, fo i too si horoma. Ǹ kiisa, i ye yamfa ǹ na junuboolu la, i too la kuwo kamma la.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Esekiyeli 20:44

N too la kuwo le be a tinna la n niŋ ali ye janjuŋ. A maŋ ke ali la kuu jawu kewo waraŋ ali la tilimbaliyaa ti. Wo to le alitolu Banisirayilankoolu, ali be a loŋ na ko, nte le mu Yaawe ti. Nte Maarii Yaawe le ye a fo.”

Esekiyeli 20:22

Bari n naata wo baayi le, kaatu wo be ke la n ye tookuyaa le ti. Wo bantala bankoolu bee ye a je le, ŋa Banisirayilankoolu bondi Misira bankoo kaŋ ñaameŋ.

Esekiyeli 20:14

Bari m maŋ naa wo ke, kaatu wo be ke la n ye tookuyaa le ti. Wo bantala bankoolu* bee ye a je le ŋa Banisirayilankoolu bondi naŋ Misira bankoo kaŋ ñaameŋ.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Yesaya 48:11

Ŋa a ke n too la kuwo le kamma, n te soŋ na n too ye tiñaa, aduŋ n niŋ doo koteŋ te deŋ na n na kallankeeyaa* la.”

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Jabuuroolu 25:11

Yaawe, i too kamma la yamfa n na kuu jawoolu la, ì siyaata le.

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.

Esekiyeli 20:9

“Bari niŋ ŋa wo ke nuŋ, wo be ke la n ye tookuyaa le ti bankoolu ye mennu be ì dandaŋolu la, kaatu wolu ye a je le ŋa m faŋ yitandi Banisirayilankoolu la ñaameŋ ka ì bondi naŋ Misira bankoo kaŋ.

Kuma Kotoomaalu 19:11

Hakilimaa buka kamfaa juuna, aduŋ a ka horomoo soto le, ka a ñaa kaasi, niŋ i ye kuu ke a la.

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”

Yesaya 65:8

Yaawe ye ñiŋ ne fo ko: “Ko jiyo doo ka tu wayini* diŋ ñatoo kono ñaameŋ, bituŋ moo doo ko, ‘Kana a fayi, kaatu kendemaa doo be jee le!’ m be wo le ke la, n na dookuulaalu tooyaa kamma la. N te ì bee kasaara la.

Esekiyeli 36:21

“N naata n too senuŋo la kuwo juubee, Banisirayila ye jutunnayaa samba meŋ n kaŋ bantala bankoolu ñaatiliŋo la, ì taata daamennu to.”