Yesaya 48:1 - Mandinka Bible

¹ Yaawe* ko: “Hee Yaakuba koomalankoolu, ì ka ali kumandi Banisirayila fanaa la le, ali i lamoyi, m be naa meŋ fo la ali ye. Ali bota Yahuuda lasiloo le kono, ali kalita Yaawe too la le, ali ko, ali ka Banisirayila la Alla le batu, bari ali buka a ke tooñaa niŋ tiliŋo siloo la.

Yesaya 48:1 ပူးပေါင်းရင်းမြစ်များ

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Jabuuroolu 68:26

“Ali Alla tentu ali la jamaa beŋo to. Alitolu Banisirayila bonsuŋo moolu, ali Yaawe tentu.”

Yeremiya 5:2

Ì ka ñiŋ meŋ fo ko, ‘A be koyiriŋ ñaameŋ ko Yaawe be baluuriŋ ne,’ hani wo ì ka kali faniyaa kaŋ.”

Yesaya 65:16

Moo-wo-moo be neemoo daani la bankoo kaŋ, a be a daani la Alla tooñaa le bulu. Moo-wo-moo kalita bankoo kaŋ, a be kali la Alla tooñaa le too la. Kaatu ñinoo be ke la bataalu la le mennu tambita, ì ye bo n ñaa koto.”

5 Musa 6:13

Ali si Yaawe ali la Alla kuliyaa, ka ate doroŋ batu. Aduŋ niŋ ali be i kali la, ali si i kali a dammaa too la.

1 Musa 32:28

Bituŋ kewo ñiŋ ko a ye ko, “I too te ke la Yaakuba ti kotenke, i too be ke la Isirayila le ti, kaatu i niŋ Alla ye keloo ke le, i niŋ hadamadiŋolu fanaalu keleta, aduŋ i ye i kutu ì la le.”

Lankenemoo 3:9

A juubee, m be kuwo meŋ laa la wo moolu kaŋ, mennu mu Seetaanoo* la kafoo ti. Ñiŋ faniyaa folaalu ka ì faŋolu kumandi Yahuudoolu le la, bari ì maŋ ke wolu ti. M be a tinna le, fo wo moolu ye naa ka sujudi i siŋolu to, aduŋ ì be a loŋ na le ko, nte ye i kanu le.

Lankenemoo 2:9

“Ŋa ite la tooroo loŋ ne, aniŋ i la fuwaareyaa, bari tooñaa, ite fankata le. Ŋa nendiri kumoolu loŋ ne, moo doolu ye mennu fo i ma. Wo moolu ka ì faŋ kumandi Yahuudoolu le la, bari ì maŋ ke wolu ti. Ì mu Seetaanoo* la kafoo le ti.

1 Timoti 4:2

Ñiŋ kuwolu karandirilaalu mu bunaafayoolu niŋ faniyaa folaalu le ti, mennu sondometantaŋolu kasaarata ko nee kandoo ye mennu keremu.

Roomankoolu 9:8

Wo le ye a yitandi ko, a maŋ ke wuluudiŋolu ti, mennu ka ke Alla diŋolu ti, bari Alla la laahidi diŋolu le ka ke koomalanka tooñaalu ti.

Roomankoolu 9:6

A maŋ ke ko, Alla la kumoo maŋ timma, bari ali si a je ko, moolu mennu bonsuŋo mu Isirayila ti, ì bee maŋ ke Banisirayilanka tooñaalu ti.

Roomankoolu 2:17

Bari ite la kuwo duŋ, ite meŋ ka i faŋo kumandi Yahuudoo la? I ka jiki Luwaa le la, aduŋ i ka kibiri kafuñooyaa le la, meŋ be i niŋ Alla teema.

Yohana 4:24

Alla mu nooroo le ti. Moolu mennu ka a batu, ì ñanta ka a batu nooroo niŋ tooñaa le kono.”

Yohana 1:47

Kabiriŋ Yeesu ye Nataniyel je naa la a kaŋ, a ye a la kuwo fo ko, “Banisirayilanka tooñaa fele, tapaleeyaa te meŋ na kuwo to!”

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Sefaniya 1:5

M be moolu fanaa kasaara la le, mennu ka sujudi saŋo santo malafeŋolu ye, ì la buŋolu kaŋ santo, moolu fanaa mennu ka sujudi n ye, ì ka kali n na, ì ka naa muru ì ka kali Moleki jalaŋo fanaa la.

Yesaya 62:8

Yaawe kalita niŋ a la sembe baa la le ko, a nene te ali la siimaŋo dii la ali jawoolu la kotenke, ka ke ì ye daañinoo ti. Tumarankewolu te wayinoo* miŋ na kotenke, ali ye ali semboo bo ka meŋ dookuu.

Yesaya 58:2

Ì be tara la n ñini la le luŋ-wo-luŋ, ka lafi ka n taañaalu karaŋ. Ì ka ì faŋo ke le ko moo tilindiŋolu, aduŋ ì ko, ì ka ì la Alla la yaamaroolu muta le. Ì ko, ŋa kiitiyo kuntu ì ye a ñaama. Ì lafita le ŋa sutiyaa ì la.

Yesaya 45:23

N kalita m faŋo too le la ko, ŋa feŋ-wo-feŋ fo, tooñaa le mu, aduŋ n na kumoo te faliŋ na. N ko, moolu bee be ñoyi la n ñaatiliŋo la le, ì ye i kali n too la.

Yesaya 44:5

Moo jamaa le be naa kafu la Yaawe la moolu ma. Doo si a fo ko, ‘Yaawe le taa mu nte ti.’ Doo si a faŋo toolaa ‘Yaakuba’ la. Doo koteŋ fanaa si a tampu a buloo bala ko, ‘Yaawe taa,’ aduŋ a si a too ke ‘Banisirayila’ ti.”

Yesaya 26:13

Hee Yaawe, ǹ na Alla, mansa koteŋolu le ye m̀ mara nuŋ bari ntolu be soŋ na ite too dammaa le ma.

Kuma Kotoomaalu 5:16

Fo i la woyoolu ñanta janjaŋ na mbeedoolu kono le, waraŋ i la bolondiŋolu ye tara woyiriŋ bantabaalu to?

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 63:11

Bari mansa be seewoo la Alla la kuwo la le. Moolu mennu ye laahidoo taa Alla too la, ì be a tentu la le. Bari Alla be faniyaa folaalu deyindi la le.

2 Mansoolu 17:34

Ì tuta ì la wo baara kuu kotoolu le ke kaŋ ka naa bula fo bii la. Ì buka sila Yaawe la sako ì si a la karandiroolu niŋ a la kumoolu muta. Ì maŋ a la luwaalu niŋ yaamaroolu muta, a ye mennu dii Yaakuba koomalankoolu la, a ye meŋ too ke Isirayila ti.

5 Musa 33:28

Bituŋ Banisirayila siita tankoo kono, Yaakuba koomalankoolu siita kayiroo kono. Ali la bankoo be faariŋ siimaŋo niŋ wayinoo* le la, saŋo ka komboo tondi naŋ a kaŋ.

5 Musa 10:20

Ali si Yaawe ñaasilaŋo soto, ali la Alla, ali ye a batu. Ali si i deŋ a la, aduŋ ali si i kali a doroŋ too la.

5 Musa 5:28

Kabiriŋ Yaawe ye ali la ñiŋ kumoolu moyi, a ko n ye ko, “Ŋa a moyi le, ñiŋ moolu ye mennu bee fo. Ì la kumoolu mu tooñaa le ti.

4 Musa 24:7

Ali la tadoolu be kali tu la faariŋ ne, ali la fiifeŋolu be kali jiyo soto la famfaŋ, ali la mansakewo le la kuwo be wara la Mansa Akaki la kuwo ti, aduŋ ali la mansamarali bankoo be semboo soto la le.

3 Musa 19:12

Ali kana kali n too la faniyaa kaŋ, kaatu wo mu ñiŋ ne ti ka jutu n too la. Nte le mu Yaawe ali la Alla ti.

2 Musa 23:13

Ali i lamoyi feŋ-wo-feŋ na, nte Yaawe ye meŋ fo ali ye. Ali kana duwaa ñini alloolu bulu, waraŋ ka ì toolu faŋo fo.

1 Musa 35:10

A ko a ye ko, “I too mu Yaakuba le ti, bari saayiŋ i too te ke la Yaakuba ti kotenke. I too be ke la Isirayila le ti.” Bituŋ Alla ye a toolaa Isirayila la.

Yesaya 46:12

Ali i lamoyi n na, alitolu jusu jaaroolu, tiliŋo be jamfariŋ alitolu mennu la.

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.

Yeremiya 44:26

Bari ali nte Yaawe la kumoo moyi baŋ, alitolu Yahuuda moolu bee mennu be Misira, ko: Ŋa n kali n too la waroo kaŋ ne ko, Yahuuda moo kiliŋ te n too kumandi la a daa la Misira bankoo muumewo kaŋ, ka kali ko, ‘A be koyiriŋ ñaameŋ ko Yaawe be baluuriŋ ne.’ Nte Yaawe le ye a fo.

Jakariya 5:3

Bituŋ a ko n ye ko, “Yankankatoo le be safeeriŋ a bala bankoo moo bee ye. Moo-wo-moo meŋ ka suuñaaroo ke, a be kasaara la le, ko a be safeeriŋ ñiŋ kitaaboo kara kiliŋo la ñaameŋ. Aduŋ moo-wo-moo meŋ ka i kali faniyaa kaŋ, a be kasaara la le, ko a be safeeriŋ ñiŋ kitaaboo kara kiliŋ doo la ñaameŋ.

2 Mansoolu 5:20

Alla la moo Elisa la dookuulaa Kehasi kumata a faŋ ye ko, “A juubee baŋ, m maarii ye ñiŋ Aramunkoo Naamani tu jee le, a niŋ soorifeŋo muruta, a ye meŋ samba naŋ. A maŋ soŋ ka feŋ muta a bulu. A be koyiriŋ ñaameŋ ko Yaawe be baluuriŋ ne, m be bori la a nooma le, ŋa feŋ muta a bulu.”

Jabuuroolu 68:27

Benjamini fele ñaato, lasiloo meŋ dooyaata ì bee ti, wolu koolaa Yahuuda maralilaalu niŋ ì la kafoolu, ka taa Sebuluni lasiloo niŋ Nafutali lasiloo maralilaalu.

Yesaya 51:1

Yaawe* ko: “Ali i lamoyi n na, alitolu mennu ka bula sila tilindiŋo nooma aniŋ ka nte Yaawe ñini. Ali ali faamaa Iburayima la kuwo juubee, ate le mu beroo ti, ali farasita meŋ bala, aniŋ Saara meŋ ye ali wuluu, ate le mu beroo ti, ì ye ali bondi naŋ daameŋ. Biriŋ ŋa Iburayima kumandi, a maŋ diŋ soto, n naata neema a ma le, ŋa a koomalankoolu siyandi.”

Mika 2:7

Fo Yaakuba koomalankoolu dankata le baŋ? Fo Yaawe la muñoo be bo kaŋ ne baŋ? Fo a ka kuwolu ke teŋ ne baŋ? Fo a la kumakaŋolu maŋ beteyaa moolu ye baŋ, mennu tilinta?”