Yesaya 47:4 - Mandinka Bible

⁴ Ǹ kumakaalaa mu Banisirayila la Senuŋ Baa le ti. A too mu Yaawe Alihawaa Maariyo* le ti.

Yesaya 47:4 ပူးပေါင်းရင်းမြစ်များ

Yesaya 44:6

Banisirayila la Mansoo, a Kumakaalaa, Yaawe Alihawaa Maariyo* ko: “Nte le mu foloo ti, aduŋ nte le mu labaŋo ti. Nte koolaa Alla te keriŋ.

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Yesaya 43:14

Yaawe Banisirayila la Senuŋ Baa, ali Kumakaalaa, ye ñiŋ ne fo ko: “Ali la kuwo kamma la, m be kelediŋ kafoolu kii la Babiloninkoolu kamma le, m be saatee dundaŋ daalu kati la le, aduŋ a la moolu la seewoo saroo be yelema la kumboo le ti.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Yeremiya 31:11

Nte Yaawe ye Yaakuba kumakaa le, ŋa a bondi moolu bulu le mennu semboo warata a ti.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yesaya 43:3

Kaatu nte le mu Yaawe ali la Alla ti, Banisirayila la Senuŋ Baa, ali Kiisandirilaa. Ali la kuwo le ye a tinna ŋa Misira, Kusi* aniŋ Seeba ke ali ye kumakaaraŋo ti.

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Yesaya 43:15

Nte le mu Yaawe ti, ali la Senuŋ Baa, ali la Mansa, meŋ ye Banisirayila daa.”

Yesaya 51:15

Kaatu nte le mu Yaawe ali la Alla ti, meŋ ka baajiyo maamandi, fo baa baliŋolu si bumbuŋ. Yaawe Alihawaa Maariyo* le mu n too ti.