Yesaya 47:3 - Mandinka Bible

³ I kenseŋo le be tara la looriŋ, moolu ye i maluriŋo je. M be makatoo bayi la le, moo te kana la n na mantooroo la.”

Yesaya 47:3 ပူးပေါင်းရင်းမြစ်များ

Nahumu 3:5

Yaawe* Alihawaa Maariyo* ye ñiŋ ne fo Ninewe ye ko, “N niŋ i be janjuŋ na le! Ŋa i wura fefes, ŋa banku koteŋolu bula ì ye i kenseŋo je, mansamarali bankoolu ñaa ye loo i la malu kuwo kaŋ.

Lankenemoo 16:19

Bituŋ wo saatee baa farata talaadaa saba ti, duniyaa nasiyoŋolu la saatewolu tiñaata. Ñiŋ keta le, kaatu Alla hakiloo bulata Babiloni saatee baa la le. A ye kamfaa mindaŋo dii a la le ka i miŋ, aduŋ wo be faariŋ niŋ a la kamfaa doloo le la.

Roomankoolu 12:19

N kanuntewolu, ali kana ì joo ali faŋ ye, bari wo noo to, ali Alla seyi jee, kaatu a be safeeriŋ ne ko: “Maariyo ko, ‘Julujoo mu nte le taa ti, m be n joo la le.’ ”

Esekiyeli 16:37

Ñiŋ kuwo kamma la, i ye mennu kanu, i niŋ ì ka laañooyaa tuluŋo ke ka i faŋ seewondi, m be ì bee bendi la ñoo kaŋ ne, hani i ye mennu faŋo koŋ, ì ye i murubeŋ, ŋa i wura ì ñaatiliŋo la, ì ye i kenseŋo je.

Yeremiya 51:56

Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yeremiya 51:4

Ì be ì furewolu landi la Babiloni bankoo kaŋ jee le, ì baramariŋo, a mbeedoolu kaŋ taariŋ.

Yeremiya 13:26

“Nte faŋo le be i la faanoolu wura la i la, ka i la maloo laa banta.

Yeremiya 13:22

Aduŋ niŋ i ko i faŋ ye ko, “Muŋ ne ye ñiŋ laa n kaŋ?” a loŋ ko i la junuboolu la waroo le mu, wo le ye a tinna ì ye i la faanoo wura i la, ì ye i tiñaa.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

1 Musa 3:7

Bituŋ ì moo fuloo bee ñaalu yeleta. Ì naata a loŋ ko, ì kenseŋo le mu. Ì ye sooto jamboolu debe ñoo bala, ka ì faŋ sutura a la.

Yesaya 20:4

Asiriya mansa be Misirankoolu niŋ Kusinkoolu samba la mutoo kono le, dindiŋ, keebaa, ì bala kenseŋo niŋ ì siŋ kenseŋo, ì juwo ye tara banta. Wo be ke la Misira la maloo le ti.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Yesaya 3:17

Saayiŋ, Maariyo be maadiŋ kuuraŋo le ke la Siyoni musoolu kuŋolu bala, a be ì bala kenseŋo laa la banta.