Yesaya 47:2 - Mandinka Bible

² I la kuŋ bitiraŋo bondi, i ye tuurilaŋ beroo taa, i ye siimaŋo juru. I la faanoo wulindi, i wutoolu ye tara banta, i ye boloŋo teyi.

Yesaya 47:2 ပူးပေါင်းရင်းမြစ်များ

Matiyu 24:41

Musu fula be tara la tuuroo la, kiliŋo ye taa, kiliŋo ye tu jee.

Yesaya 20:4

Asiriya mansa be Misirankoolu niŋ Kusinkoolu samba la mutoo kono le, dindiŋ, keebaa, ì bala kenseŋo niŋ ì siŋ kenseŋo, ì juwo ye tara banta. Wo be ke la Misira la maloo le ti.

Kiitindirilaalu 16:21

Bituŋ Filisitinkoolu ye a muta, ì ye a ñaakesoolu lokoti. Ì ye a samba naŋ Kaasa, ì ye a siti jaawali joloolu la. Bituŋ a tarata tuuroo la bunjawoo kono.

2 Musa 11:5

Dimbaayaa-wo-dimbaayaa dinkee foloo be Misira, a be faa la le, ka dati Firawoona dinkee foloo la, meŋ be mansayaa la, ka taa fo joŋ sunkutoo dinkee foloo, meŋ be a la tuuru dulaa to, aniŋ beeyaŋolu bee konoñaa foloolu fanaa.

Luka 17:35

Musu fula be tara la tuuroo la, kiliŋo ye taa, kiliŋo ye tu jee.

Yuuba 31:10

wo to Allamaa n na musoo ye tabiroo ke kee koteŋ ye, a niŋ kewolu ye kafu laaraŋo la.

Mika 1:11

Alitolu Safirinkoolu, ali kenseŋo ye taa mutoo kono, ali ye tara maloo kono. Alitolu Saananinkoolu, alitolu te haañi la ka finti banta. Beti-Eseli fele faariŋ woosiikaŋo la, tankoo suturoo wurata a kaŋ, a te ali deemaa noo la kotenke.

Hoseya 2:3

Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

Niikuyaa Suukuwolu 5:13

Ì ye fondinkewolu diyaakuyaa bula tuuroo la, kambaanendiŋolu ka timili-tamali loositoolu koto.

Yeremiya 27:7

Banku koteŋolu bee le be a batu la, ka taa hani a dinkewo niŋ a mamarinkewo fanaa, fo a fanaa la bankoo boyindi waatoo ye sii. Wo to le banku baalu niŋ mansakee baalu si naa a la bankoo ke ì la marataa ti.

Yeremiya 13:26

“Nte faŋo le be i la faanoolu wura la i la, ka i la maloo laa banta.

Yeremiya 13:22

Aduŋ niŋ i ko i faŋ ye ko, “Muŋ ne ye ñiŋ laa n kaŋ?” a loŋ ko i la junuboolu la waroo le mu, wo le ye a tinna ì ye i la faanoo wura i la, ì ye i tiñaa.

Yesaya 32:11

Alitolu musu dahaariŋolu, ali jarajara, ali maamaŋ alitolu dimmusoolu mennu be siikuuriŋ. Ali ali la duŋ feŋolu wura, ali ye booto funtoo siti ali tewo la faanoo ti, ka ali la niikuyaa yitandi.

Yesaya 3:17

Saayiŋ, Maariyo be maadiŋ kuuraŋo le ke la Siyoni musoolu kuŋolu bala, a be ì bala kenseŋo laa la banta.

1 Musa 24:65

Bituŋ a ko Iburayima la dookuulaa ye ko, “Jumaa le mu wo kewo ti, meŋ be jana, meŋ be taamoo la kunkoo kono, a niŋ ǹ ka beŋ?” Bituŋ wo ko a ye ko, “M maarii le mu.” Bituŋ a ye a la bitiraŋ faanoo taa, a ye a kuŋo biti a la.

1 Korintinkoolu 11:5

Bari musoolu la karoo la, musu-wo-musu meŋ ka duwaa, waraŋ a ka Alla la kiilaariyaa kumoo fo, aduŋ a kuŋo buka tara muuriliŋ, wo maarii ka a kuŋo le horomantaŋyaa. Maloo le mu a kaŋ ko meŋ ye a kuŋo nunku.

Kawandilaa 12:4

I hakiloo ye bula a la, janniŋ waatoo ka sii, waatoo meŋ, mbeedito bundaalu be soroŋ na, tuuri kumakaŋo be deyi la. Waatoo meŋ, moo ka wuli kunoolu kuma waatoo, bari ì denkili kaŋo moyoo ka koleyaa a bulu.

Yesaya 3:23

famfelendaŋolu, dendika feemaalu, fayindiŋolu, aniŋ ì la kaaloolu.

Yeremiya 25:10

M be a tinna le ì la maadiyaa niŋ seewoo kumakaŋo ye daŋ, ka taa maañoo niŋ a keemaa la maañoobiti maakaŋo, aniŋ tuurilaŋ beroolu jurulikaŋo, ka taa lampoo la maloo.

1 Taarika 19:4

Wo to le Hanuni ye Dawuda la kiilaalu taa, a ye ì booraa lii, a ye ì la dendikoolu kuntu ì tewolu to ka ì kenseŋo londi, a ye ì bula, ì seyita.