1 Yaawe* ko: “Ite Sunkutoo Babiloni, sii buutoo kono, Dimmusuriŋ* Babiloni, wuli i la mansasiiraŋo kaŋ, i ye sii bankoo to. Ì te i kumandi la yele mereŋo la kotenke, waraŋ sunkutu ñiimaa.
Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”
Ì niŋ kalabeñoolu niŋ hawusaroolu le mu, ì tilimbaliyaata, balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì temberiŋolu be naa kaŋ, ite Dimmusuriŋ* Babiloni kamma, ko kewolu ka i paree keloo kamma ñaameŋ.”
“Alitolu Diboninkoolu, ali jii naŋ ali la dulaa horomariŋo to, ali ye sii buutoo kono, kaatu Mowabi bankoo kasaaralaa, wo le ka naa ali kamma, ka ali la tata bambandiŋolu kasaara.
a ye ñiŋ kumoo le fo a la kuwo to ko: “Dimmusuriŋ* Siyoni* ye Sennakeribu koŋ ne, aduŋ Dimmusoo Yerusalaamu jututa a la le. Ì jeleta a la le, biriŋ a be bori la.
Ali tooroo niŋ woosiyo jamaa dii a la ko a ye horomoo niŋ niidiyaa dii a faŋo la ñaameŋ. A ka a fo a sondomoo kono ko, ‘Nte be siiriŋ ne ko mansamusoo*. M maŋ ke furuyaamusoo ti, aduŋ n nene te woosii la!’
I naata i faŋ wara baake i la ñiiñaa kaŋ. I la ñaameŋo bee keta i ye kenseŋ ne ti i la sembe waroo kaŋ. Wo to le ŋa i fayi naŋ duuma. Ŋa i tu wo mansoolu ñaatiliŋo la, fo i si ke ì ye felefeŋo ti.
I la mansoolu mennu bee be baadaa borindoo la, be jii la ì la mansasiiraŋolu kaŋ ne, ì ye ì la dendika baalu niŋ ì la soobayoolu wura, aduŋ maasiiboo le be tara la ì ye karoo bee la. Ì be sii la bankoo le to duuma, ì ye tara silaŋo kono waatoo bee la, aduŋ ì bee be jaakali la le meŋ keta i la.
Ee! Mennu ka i baluu nuŋ mansakee domoroo la, a fele saayiŋ, ì ka faa konkoo la mbeedoolu kaŋ. Mennu kuluuta sitifeŋ ñiimaa duŋo la, saayiŋ ì ka suntukuŋolu le kisikisi.
Woyi muna! Dindiŋolu niŋ keebaalu furewolu be laariŋ bankoo le to, mbeedoolu kaŋ taariŋ. N na sunkutoolu niŋ fondinkewolu, ì ye ì faa niŋ hawusaroo* la. I la kamfaa waatoo la, i ye ì faa niŋ balafaabaliyaa le la.
Kooroo keta, Siyoni saatewo alifaalu siita bankoo le to deyoo kono, ka buutoo fayi ì kuŋolu kaŋ, ì ye booto funtoolu duŋ niikuyaa kamma. Yerusalaamu sunkutoolu ñoyita, ì ye ì foŋo loo bankoo to.
Ì siita a fee bankoo to jee fo tili woorowula, aniŋ suuto woorowula, moo maŋ hani kuma fo a ye, kaatu ì ye a je le ko, bataa kuwo meŋ be a kaŋ, wo semboo warata baake le.
M be maralilaalu la mansasiiraŋo boyindi la le, aniŋ ka banku koteŋolu la semboo janjaŋ. M be keleraŋ sareetoolu* niŋ ì borindilaalu boyindi la le. Suwoolu niŋ ì borindilaalu be boyi la le, aduŋ ì dammaalu le be ñoo faa la niŋ hawusaroo* la.”
Kabiriŋ Ninewe mansa ye ñiŋ kiilaariyaa moyi, a wulita a la mansasiiraŋo kaŋ, a ye a la mansa dendikoo bondi a ye booto funtoo siti, a siita seebuutoo kono ka a la tuuboo yitandi.
Wo luŋo la, m be a ke la le saŋ fatoolu ye jarajara, duniyaa ye maamaŋ a noo to, nte Yaawe Alihawaa Maariyo la kamfaa kaŋ, niŋ n na kamfaa baa luŋo siita.
Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.
Kiilaariyaa kumoo fele keñewuloo* ye baa maafaŋo la. Ko saafoñotoo niŋ semboo ka naa Nekefu* tundoo to ñaameŋ, kasaaroo ka bo naŋ keñewuloo kono wo le ñaama, ka bo bankoo to meŋ silaŋñaa warata.
Yaawe* ye ñiŋ ne fo ko: “A juubee, m be tiñaarilaa foñomaa le maamandi la Babiloni kamma, haa, ka naa Lebu-Kamayinkoolu kamma, ka naa Babiloninkoolu kamma.
“Ali ka a fo le ko, ‘M̀ bulata malu kuwo kono le, ŋà nendiroolu moyi, jutunnayaa feeneeta ǹ kaŋ, kaatu bantala moolu le ye i seyiŋ Yaawe Batudulaa Buŋo kono, ka duŋ a konoto senuŋolu kono.’