Yesaya 45:4 - Mandinka Bible

⁴ N na dookuulaa Yaakuba la kuwo kamma la aniŋ n na tomboŋ moolu Banisirayilankoolu, ŋa i kumandi i too la le, ka horomoo dii i la, i maŋ n loŋ ñaa-wo-ñaa.

Yesaya 45:4 ပူးပေါင်းရင်းမြစ်များ

Roomankoolu 11:7

Wo to, Banisirayilankoolu ka meŋ ñini, ì maŋ wo je. Tomboŋ moolu mennu be ì kono, wolu doroŋ ne ye a je, bari doolu sondomoolu bambanta le

Kiilaalu 17:23

Kaatu biriŋ m be tambi kaŋ ali la saatewo kono, ŋa ali la batufeŋolu koroosi le. Ŋa sadaabodulaa* fanaa je le, meŋ ye ñiŋ kumakaŋolu soto a bala ko, ‘Alla ye, meŋ maŋ loŋ.’ Ali ka meŋ batu, hani ali maŋ a loŋ, nte be a la kuwo fo la ali ye le.

Yesaya 44:1

Yaawe* ko: “Banisirayilankoolu, ali i lamoyi n na, n na dookuulaalu, n na tomboŋ moolu, Yaakuba koomalankoolu.

Roomankoolu 9:6

A maŋ ke ko, Alla la kumoo maŋ timma, bari ali si a je ko, moolu mennu bonsuŋo mu Isirayila ti, ì bee maŋ ke Banisirayilanka tooñaalu ti.

Maaka 13:20

Aduŋ niŋ Maariyo maŋ wo waatoo sutiyandi, hani moo kiliŋ te tanka la. Bari a la tomboŋ moolu la kuwo kamma la, a be wo waatoo sutiyandi la le.

Matiyu 24:22

Niŋ wo waatoo maŋ sutiyandi, hani moo kiliŋ te kiisa la. Bari Alla la tomboŋ moolu la kuwo kamma la wo waatoo be sutiyandi la le.

Yesaya 44:28

Ŋa a fo Kirusi ye le ko, ‘I mu n na kantarilaa le ti, aduŋ feŋ-wo-feŋ diyaata n ye i be wo le ke la. I be yaamaroo dii la le, ka Yerusalaamu lookuu, aniŋ ka Alla Batudulaa fondamaŋo dadaa.’ ”

Yesaya 43:14

Yaawe Banisirayila la Senuŋ Baa, ali Kumakaalaa, ye ñiŋ ne fo ko: “Ali la kuwo kamma la, m be kelediŋ kafoolu kii la Babiloninkoolu kamma le, m be saatee dundaŋ daalu kati la le, aduŋ a la moolu la seewoo saroo be yelema la kumboo le ti.

1 Tesalonikankoolu 4:5

Ali maŋ ñaŋ na ali balajaatoo la hame kuu jawoolu nooma la ko jaahiloolu, mennu maŋ Alla loŋ.

Efesusinkoolu 2:12

Ali kana ñina ko, ali maŋ Kiristu la kafuñooyaa soto noo nuŋ, bari ali keta luntaŋolu le ti, mennu maŋ Banisirayila la bankudiŋyaa soto. Ali maŋ niyo soto kambeŋolu kono, Alla ye mennu laahidi. Ali maŋ jikoo soto ñiŋ duniyaa kono, aduŋ ali maŋ Alla loŋ.

Jabuuroolu 136:22

a ye ì dii Banisirayilankoolu le la, a la dookuulaalu, a la kanu bambaloo be tu la le fo abadaa.

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.