Yesaya 42:9 - Mandinka Bible

⁹ A fele, ŋa feŋ-wo-feŋ bankee, a keta tooñaa le ti, saayiŋ m be kuu kutoolu bankee la le. M be ñaato kuwolu fo la ali ye le, janniŋ ì be sii la.”

Yesaya 42:9 ပူးပေါင်းရင်းမြစ်များ

Yesaya 43:19

Ali a juubee, m be kuu kutoo le ke kaŋ. A be keriŋ ne saayiŋ, fo ali maŋ a je baŋ? M be siloo parendi kaŋ keñewuloo* kono le, ŋa woyoolu ke ali ye dulaa jaariŋolu to.

Yohana 13:19

“Ŋa ñiŋ fo ali ye le saayiŋ, janniŋ a be naa ke la, fo niŋ a keta, ali si laa ko, m mu wo le ti.

Yosuwa 21:45

Yaawe ye Banisirayilankoolu laahidi kuu kendoolu mennu bee la, kuu kende kiliŋ te jee meŋ maŋ ke. Kuwolu bee le timmata, ko a laahidita ñaameŋ.

1 Mansoolu 11:36

M be a dinkewo tu la le a ye lasili kiliŋ mara. Niŋ wo keta, n na dookuulaa Dawuda koomoo la maraloo te dubeŋ na n ñaa koto Yerusalaamu, ŋa saatewo meŋ tomboŋ ŋa n too ke jee ka ke m batudulaa ti.

Kiilaalu 15:18

Maariyo le ye ñiŋ fo, ate meŋ ye ñiŋ kuwolu lankenemayandi kabiriŋ waati jaŋ koomanto.’

Yesaya 48:3

“Koomanto ŋa a fo ali ye le, meŋ be ke la. Ŋa ñaato kuwolu fo le, aduŋ ŋa moolu kalamutandi ì la le. Kataba kiliŋ, ŋa wo kuwolu taamandi, ì naata ke.

Yesaya 48:6

Ali ye a moyi le ŋa meŋ fo, aduŋ ali ye a je le, a keta. Fo ali te soŋ na a la baŋ? “Ka bo saayiŋ na, kuu kutoolu mennu be ali ye kumpoo to, m be naa wo le fo la ali ye.

Yesaya 48:5

Wo le ye a tinna ŋa ñiŋ kuwolu fo ali ye kabiriŋ nuŋ, janniŋ ì ka sii, ŋa ì kankulaa ali ye le, fo ali kana a fo ko, ali la jalaŋolu le ye a ke, ali la babara batufeŋo aniŋ ali la nee jalaŋo le ye ì naati.