Yesaya 42:7 - Mandinka Bible

⁷ I be ñaa finkiriŋolu yelendi la le, i ye mutamoolu bondi bunjawoo kono, ka moolu fintindi mennu be bunjawoo dulaa dibiriŋ baa kono.

Yesaya 42:7 ပူးပေါင်းရင်းမြစ်များ

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Yesaya 49:9

I si a fo mutamoolu ye ko, ‘Ali finti naŋ!’ aniŋ moolu mennu be diboo kono ye ko, ‘Ali firinta le!’ “Moolu be daañinoo soto la sila daalu le la, aduŋ ì be domoroo soto la bere konkoolu faŋo kaŋ ne.

Yesaya 35:5

Wo to le finkintewolu ñaalu be yele la, tulu sukiriŋolu ye moyiroo ke.

2 Timoti 2:26

aduŋ ì si kana noo Ibiliisa ma, meŋ ka ì tu mutoo kono a la kutindiŋo la fo ì si ate la lafoo ke.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.

Luka 24:45

Bituŋ a ye ì sondomoolu yele ka Alla la kumoo fahaamu,

Lankenemoo 3:18

Wo kamma la, ŋa i yaamari ka sanoo saŋ nte bulu, meŋ kuloorita dimbaa la, fo i si ke fankamaa ti. Waramba koyoo saŋ nte bulu ka i faŋ sutura, fo moolu kana i ŋayiboo je, meŋ mu malu kuwo ti. Booroo saŋ ì ñaalu ye, i ye a moosi ì bala, fo i si jeroo ke noo.

Yohana 9:39

Wo to le Yeesu ko, “Nte naata ñiŋ duniyaa kono kiitiyo le la, fo moolu mennu maŋ jeroo ke, ì si jeroo ke, aduŋ moolu mennu ye jeroo ke, ì si finki.”

Yesaya 29:18

Wo luŋo la tulu sukiriŋolu si moo moyi, a be kitaaboo karaŋ na, aduŋ finkintewolu be i je la le, ì te tara la fiŋo niŋ diboo kono.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Yesaya 9:2

Moolu mennu taamata diboo kono, ì ye mala baa je le. Mennu tarata dibi fiŋ diboo kono, maloo malata ì kaŋ ne.

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

Yesaya 42:22

Bari ñinnu mu moolu le ti, ì ye mennu ñapinkaŋ ka ì kasaara. Ì be marandiŋ dinkoolu kono, ì be sorondiŋ bunjawoo kono. Ì keta ñapinkaŋ feŋolu ti, ì maŋ moo soto, meŋ si ì kanandi. Ì ye ì samba le, moo maŋ soto ka a fo ko, “Ali ì murundi.”

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yohana 9:7

Bituŋ a ko a ye ko, “Taa, i ye i ñaalu kuu Silowamu Daloo to.” Ñiŋ daloo too kotoo mu ñiŋ ti: Ì ye meŋ kii. Bituŋ finkintewo taata a ñaalu kuu. Wo to le a muruta naŋ, a be jeroo ke kaŋ.

Mika 7:9

Ŋà junube kuwo le ke a la, wo kamma la m̀ be muña la a la kamfaa la ǹ kamma le, fo janniŋ a be loo la ǹ na kuwo la, a ye ǹ na kuwo tooñaa londi. A be m̀ fintindi la diboo kono le, ka ǹ dundi maloo kono, m̀ be a la makatibayoo je la le.

Jabuuroolu 97:7

Moolu mennu ka jalaŋ kenseŋolu batu, ì ka kibiri ì la, wolu be malu la le. Jalaŋolu bee ka boyi Yaawe ñaatiliŋo la le.