Yesaya 41:5 - Mandinka Bible

⁵ Banku jamfariŋolu moolu ye a je le, aduŋ ì silata le. Duniyaa daŋo to moolu ka jarajara. Ì bee benta ñoo kaŋ.

Yesaya 41:5 ပူးပေါင်းရင်းမြစ်များ

Jabuuroolu 67:7

Alla neemata m̀ ma le, wo to moolu be duniyaa fannaa daa-wo-daa, ì si Alla ñaasilaŋo soto.

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 65:8

Wo kamma la duniyaa fannaalu bee la, moolu kijoo ka ì fara i la kaawakuwolu la le. Ka bo tilibo ka taa fo tilijii i la keroolu ka seewoo suukuwo dundi moolu la.

Yosuwa 5:1

Kabiriŋ Amori mansoolu bee, mennu be Yoridani tilijii karoo la, aniŋ Kanaani mansoolu bee, mennu be Baa Baa* daala ye a moyi, Yaawe* ye Yoridani Boloŋo jandi Banisirayilankoolu ye ñaameŋ, fo ì bee teyita, wo ye ì kijoo teyi le. Bituŋ ì maŋ naa kija soto kotenke ka Banisirayilankoolu waliŋ.

Yosuwa 2:10

Ŋà ñiŋ kibaaroo moyi le, Yaawe ye Kulunjumbe Baa jandi ali ye ñaameŋ, kabiriŋ ali be naa kaŋ ka bo Misira. Ŋà a moyi le fanaa, ali ye meŋ ke Amorinkoolu la mansakee fuloo la, Sihoni aniŋ Oki, Yoridani Boloŋo kankuŋ doo la, ali ye mennu bee kasaara.

2 Musa 15:14

Bankoolu be a moyi la le, ì be jarajara la, silaŋo be duŋ na Filisitinkoolu la le.

1 Musa 10:5

Yafeti ñiŋ koomalankoolu, wolu tarata sabatiriŋ baadaa borindoolu le la, aniŋ baajooyoolu to. Ì naata ke siyolu ti, sii-wo-sii, a bee be sabatiriŋ a fansuŋ bankoo le kaŋ, ka bo kaabiila ka taa kaabiila. Aduŋ ì siyolu bee niŋ ì fansuŋ kaŋo le fanaa mu.

Yesaya 41:1

Alla ko: “Mennu be sabatiriŋ banku jamfariŋolu to, ali i deyi, ali ye i lamoyi n na, ali ali faŋolu bambandi, ali naa ali la kuwo samba naŋ kiitiidulaa to. Ali be siloo soto la le, ka diyaamu. Ali ŋà beŋ dulaa kiliŋ, fo ǹ si a loŋ tooñaa be meŋ bulu.

Yesaya 41:6

Ì ka ñoo wakiilindi le, doo ka a fo doo ye ko, “I faŋ bambandi.”

Esekiyeli 26:18

Saayiŋ wo baadaa borindoo siilaalu bee be sila la le, niŋ i boyita luŋo meŋ na. Wo baakono jooyoolu bee be jaakali la, ì la kuwo baŋñaa la le.”

Jabuuroolu 65:9

I ka kaayaa bankoo ye le ka samaajiyo jindi a kaŋ, i ka a yiriwandi kendeke le. Ite Alla la jiibuŋo be faariŋ ne tep. Ite le ka siimaŋolu falindi bankoo kaŋ, i ye a kuwo laa wo le ñaama.