Yesaya 41:2 - Mandinka Bible

² “Jumaa le ye mansa kumandi ka bo naŋ tiliboo la, fo a si naa n na tiliŋo taamandi daa-wo-daa? Nte le ye a saabu, a ye banku jamaa noo keloo la, ka ì la mansoolu bee jindi. A la hawusaroo* ka ì farafara le, ì ye tii ko kankaŋo. A la beñoo ka ì janjandi le ko niŋ foñoo be fuufulewo tindi la.

Yesaya 41:2 ပူးပေါင်းရင်းမြစ်များ

Yesaya 45:1

Yaawe* ye ñiŋ ne fo Kirusi ye, a ye a la mansa meŋ tomboŋ ko: “Ŋa i bulubaa buloo muta le, aduŋ m be i maakoyi la le, ka bankoolu noo keloo la, ka mansoolu bondi ì la mansayaa to. M be siloo dii la i la le, i si a je, i te kalee la saatee dundaŋ daalu to.

2 Samuweli 22:43

Wo to le ŋa ì buutee kendeke, fo ŋa ì bee faa. Ŋa ì tuu le, ŋa ì doriŋ-doriŋ ko potoo, meŋ be mbeedoolu kaŋ.

Yesaya 46:11

Ŋa kewo kumandi le ka bo banku jamfariŋo to, tilibo karoo la, ka n na dookuwo taamandi. A be jii la naŋ ne ko seeliŋo. Ŋa meŋ fo, m be wo le ke la, ŋa meŋ feere, m be wo le taamandi la.

Yesaya 41:25

“Ŋa mansa kumandi le ka bo naŋ maraa karoo la, meŋ ye n too horoma. A be sabatiriŋ tilibo karoo le la. A be i tuu la maralilaalu kaŋ ne ko, niŋ ì ka sooñibankoo ñaami, aduŋ a be muluŋ na le ko, niŋ boodaalaa ka a la potoo nooni.

Yesaya 40:24

Ì ka muluŋ ne ko fiifeŋo meŋ pareeta suluduŋo la. Niŋ a wulita doroŋ, Yaawe niijii foñoo ye a bee norondi, turubaadoo ye naa a samba komeŋ fuufulewo.

Esira 1:2

Kirusi Perisiya mansakewo le ye ñiŋ fo ko, “Yaawe, Arijana Maarii le ye duniyaa mansamarali bankoolu bee duŋ m bulu, aduŋ a ye n yaamari le ka batudulaa buŋo loo a ye Yerusalaamu saatewo kono, Yahuuda bankoo kaŋ.

Yesaya 45:13

M be Kirusi parendi la le ka n na tiliŋo taamandi, ŋa a la siloolu bee tembendi. A be n na moolu bondi la mutoo kono le, a ye n na saatewo Yerusalaamu lookuu, bari a te nafaa soto la a to, waraŋ joo.” Yaawe Alihawaa Maariyo* le ye a fo.

2 Taarika 36:23

“Perisiya mansa Kirusi le ye ñiŋ fo ko, Yaawe, Arijana Maarii le ye duniyaa mansamarali bankoolu bee duŋ m bulu. Aduŋ a ye n yaamari le ka Batudulaa Buŋo loo a ye Yerusalaamu saatewo kono Yahuuda bankoo kaŋ. Moolu mennu mu a la moolu ti ali kono, Allamaa a ye tara ali fee, aduŋ ali ye siloo soto le ka muru.”

Hiburunkoolu 7:1

Ñiŋ Melikisedeki mu Salaamu saatewo mansakewo le ti nuŋ, aniŋ Alla Mansa Tallaa la piriisoo*. Kabiriŋ Iburayima be muru kaŋ naŋ ka bo keloo la, a ye mansakewolu noo daameŋ, Melikisedeki niŋ a benta, aduŋ a neemata Iburayima ma le.

2 Mansoolu 13:7

Feŋ maŋ tu Yehohasi la kelediŋolu to niŋ a maŋ ke suuborindilaa kee taŋ luulu ti, keleraŋ sareeti* taŋ, aniŋ sinna kelediŋ wuli taŋ. Aramu mansa le ye wo too bee kasaara, aduŋ a ye ì toñonka le komeŋ bankumunkoo.

1 Musa 17:1

Kabiriŋ Iburama siyo be sanji taŋ kononto niŋ kononto, Yaawe* fintita a kaŋ, a ko a ye ko, “Nte le mu Alla ti, Alla Tallaa. N na siloo nooma, jalayiri te tara la i kaŋ.

1 Musa 11:31

Tera ye a dinkewo taa, Iburama, aniŋ a mamariŋ kewo, meŋ mu Luuti ti, Harani dinkewo, aniŋ a bitammusoo, meŋ mu Saarayi ti, Iburama la musoo. Ì bee bota ñoo la Uri, meŋ mu Kalideyankoolu la saatewo ti, ka taa Kanaani bankoo kaŋ. Bari kabiriŋ ì naata fo Harani saatewo to, ì sabatita jee le.

Lankenemoo 7:2

Bituŋ ŋa malaayika doo je, a ka bo naŋ santo tilibo karoo la, a niŋ Alla baluuriŋo la tampuraŋo. A sarita santo ka wo malaayika naanoo kumandi, semboo diita mennu la ka kasaaroo ke bankoo niŋ fankaasoo kono.

Lankenemoo 16:12

Malaayika wooronjaŋo ye a la booloo boŋ Yufurati Boloŋo kaŋ. Bituŋ a jiyo jaata kes, ka siloo parendi mansoolu niŋ ì la kelediŋ kafoolu ye, mennu ka bo naŋ tilibo maafaŋo la.

Yesaya 41:3

A ka ì bayindi le, a ye tenteŋ a la kayira siloo la, dulaa le to, a siŋo nene maŋ loo daameŋ.

Yesaya 42:6

“Nte Yaawe ye i kumandi le ka tiliŋo naati duniyaa moolu ye. Ŋa i buloo muta le ka i kanda, i ye ke n niŋ n na moolu teema kambeŋo ti, aniŋ ka ke banku koteŋolu ye maloo ti.

Yesaya 48:15

Nte Yaawe faŋo le diyaamuta, ŋa a kumandi. Ŋa a naati le, aduŋ a be kututeyi la a la dookuwo to le.

Niikuyaa Suukuwolu 1:15

“N na kee kendoolu mennu tarata m fee, Maariyo ye i baŋ ì bee le to, a ye kelediŋolu kumbendi n kamma ka n na fondinkewolu kasaara, ka Dimmusuriŋ Yahuuda doriŋ-doriŋ, ko ì ka yiridiŋolu dori ì bitidulaa to ñaameŋ.