Yesaya 41:18 - Mandinka Bible

¹⁸ M be baajiyo wutundi la konko jaaroolu kaŋ ne, ŋa wulumbaŋolu bee ke woyoolu ti. M be keñewuloo* yelemandi la daloolu le ti, bankoo dulaa jaaroolu ye ke woyoolu ti.

Yesaya 41:18 ပူးပေါင်းရင်းမြစ်များ

Jabuuroolu 107:35

A ka keñewuloolu yelemandi daloolu ti le, aniŋ ka banku jaaroo yelemandi woyoolu ti.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Yesaya 30:25

Wo faari luŋ baa la, niŋ tata jaŋolu be boyi la, boloŋolu si woyi konko jaŋolu bee kaŋ, aniŋ konkoriŋolu bee.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Yesaya 44:3

Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Lankenemoo 22:1

Bituŋ malaayikoo ye boloŋo yitandi n na, meŋ jiyo ka baluwo dii. A be faramansariŋ ne ko weeri foroo. A naata ka bo Alla niŋ Saajiiriŋo la mansasiiraŋo koto.

Jakariya 14:8

Wo luŋo la, jii betoo be woyi la naŋ ka bo Yerusalaamu. A kara kiliŋo be woyi la Koojii Baa le to, a kara kiliŋ doo ye woyi Baa Baa* to. A be tara la wo le ñaama samaa tilikandi.

Yoweli 3:18

“Wo luŋo la, wayini jii diimaa si suleŋ konkoolu kaŋ, keekewo ye bori konkoriŋolu duuma, Yahuuda jii siloolu bee ye faa jiyo la, Jiyo si woyi naŋ ka bo Yaawe Batudulaa Buŋo* to, a ye Sitimu Wulumbaŋo jiiboŋ.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 12:3

Ali be jiyo bii la kiisa koloŋolu kono le, ali niŋ seewoo.

Yesaya 48:21

Mindoo maŋ ì muta biriŋ a ye ì ñaatonkayaa keñewuloo* kono, a ye jiyo bondi ì ye beroo kono, a ye beroo fara, jiyo bota naŋ a kono.

Jabuuroolu 105:41

A ye beroo fara, jiyo woyita, a borita keñewuloo* kono komeŋ baa.

Jabuuroolu 46:4

Baa be jee le meŋ ka woyi, ka kontaanoo samba naŋ Alla la saatewo ye, daameŋ to mu Alla Mansa Tallaa faŋo taradulaa senuŋo ti.

Jabuuroolu 104:10

I ka a saabu le woyoolu ka jiyo jurumi wulumbaŋolu kono, ka bori konkoolu teema.

Yesaya 33:21

Yaawe be a la sembe waroo yitandi la ǹ na jee le to. Baa fanuŋo aniŋ boloŋ baa be tara la jee le. Bari hani wo ǹ jawoolu te kele kuluŋolu jiba noo la jee, sako kuluŋ baalu si tambi jee.

Yesaya 35:1

Keñewuloo* niŋ kene kenseŋo be seewoo la le, wula jaaroo be kontaani la le, a bee ye jambakere.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.

Kiitindirilaalu 15:19

Bituŋ Alla ye bankoo fara Lehi, jiyo fintita naŋ bankoo kono. Kabiriŋ a ye i miŋ, a semboo muruta a kaŋ, a bambanta kotenke. Bituŋ ì naata jee toolaa Eni-Hakore la, meŋ tarata Lehi fo ka naa bula bii tiloo la.

Jabuuroolu 126:4

Yaawe, ǹ na firiŋo murundi ǹ kaŋ, komeŋ jiiboroo ka naa wulumbaŋ jaaroolu kono ñaameŋ.