Yesaya 41:17 - Mandinka Bible

¹⁷ “Fuwaaroolu niŋ fentaŋolu ka jiyo ñini le, bari ì maŋ jii soto. Ì neŋolu karata ì naaliŋo bala mindoo kamma. Bari nte Yaawe be ì maakoyi la le, nte Banisirayila la Alla te ì tu la jee.

Yesaya 41:17 ပူးပေါင်းရင်းမြစ်များ

Yesaya 55:1

Yaawe* ko: “Ali naa, jiyo fele, mindoo be alitolu mennu bee la. Kodoo te mennu bulu, ali naa feŋ taa ali ye a domo. Ali naa, wayinoo* niŋ keekewo miŋ, ali te kodi bondi la, aduŋ a maŋ daa soto.

Yesaya 30:19

Hee Siyoninkoolu*, alitolu mennu be sabatiriŋ Yerusalaamu, ali te kumboo la kotenke. Niŋ ali kumboota maakoyiroo la, a be hiinoo yitandi la ali la a ñaama le. Niŋ a ye a moyi doroŋ, a be ali jaabi la le.

Matiyu 5:6

“Barakoo be moolu ye, mennu konkota aniŋ ì mindoota tiliŋo kamma la, kaatu ì be wasa la le.

Yesaya 44:3

Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

1 Musa 28:15

A loŋ ko, m be i fee le, aduŋ m be i tanka la le, i taata daa-wo-daa, aduŋ nte le be i murundi la naŋ ñiŋ bankoo kaŋ jaŋ. N te i tu la jee, fo niŋ ŋa n na laahidoo timmandi i ye.”

Lankenemoo 22:17

Noora Kuliŋo niŋ maañoo ko, “Naa!” Aduŋ meŋ ye ñiŋ moyi, wo si a fo ko, “Naa!” Mindoo be meŋ na, a si naa, aduŋ moo meŋ hameta, wo si baluwo jiyo taa, joori te meŋ to.

Lankenemoo 21:6

Wo koolaa a ko n ye ko, “A timmata le! Nte le mu Alifa niŋ Omeka ti, Foloo niŋ Labaŋo. Mindoo be meŋ na, m be jiyo dii la wo la le ka bo woyoo to, meŋ ka baluwo dii, aduŋ joori te jee.

2 Korintinkoolu 12:9

bari a ko n ye le ko: “Nte la hiinoo kaañanta ite ye le, kaatu n na semboo ka timma sembentaŋyaa le kono.” Wo to, n kontaaniriŋo be kibiri la baake n na sembentaŋyaa la kuwo to le, fo Kiristu la semboo si tu n kaŋ.

Luka 16:24

A sarita ko, ‘M faamaa Iburayima, balafaa soto n ye. Lasarus kii naŋ, fo a si a bulukondiŋo bula jiyo kono ka n neŋo sumayandi, kaatu m be yankankati kaŋ ne ñiŋ dimbaa kono.’

Matiyu 5:3

“Barakoo be moolu ye, mennu maŋ wasa Nooroo la, ì ye meŋ soto, kaatu ì taa le mu Arijana mansabaayaa ti.

Niikuyaa Suukuwolu 4:4

Deenaanoolu neŋo ka kara ì naaliŋo bala, feŋ te fo mindoo. Dindiŋolu ka tara domori daanoo la, bari moo buka ì so hani feŋ na.

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Yesaya 43:20

Wulakono daafeŋolu ye m buuñaa le, hani kunkuwuloolu niŋ kiikiyaŋolu, bayiri ŋa jiyo ke keñewuloo* kono le, aniŋ dulaa jaariŋolu, ka jiyo dii n na moolu la, ŋa mennu tomboŋ,

Jabuuroolu 94:14

Yaawe te a koo dii la a la moolu la. A te i bo la a fansuŋ moolu to.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 42:2

Ite Alla baluuriŋo, i la kuwo mindoomaa le ye m muta. Muŋ tuma le m be naa noo la ka loo i ñaatiliŋo la?

Jabuuroolu 34:6

Nte koritoo woosiita a ye le, a ye n jaabi, aduŋ a ye n kiisa n na mantoora kuwolu bee kono le.

Jabuuroolu 22:15

M fankoo suusuuta le ka jaa, a keta le komeŋ fenkeŋ teleŋo, aduŋ n neŋo karata n naaliŋo bala. I ye n tu laariŋ saayaa daa le to, buutoo kono.

2 Musa 17:6

M be tara la looriŋ jee le bere konkoo santo Horebu Konkoo maafaŋo la. Bere konkoo lipa, aduŋ jiyo be bo la naŋ a kono le, fo moolu si i miŋ.” Musa ye wo le ke Banisirayila alifaalu ñaa la.

2 Musa 17:3

Bari mindoo ye moolu korindi baake le, bituŋ ì tententa ka woosii Musa ye. Ì ko, “Muŋ ne ye a tinna, i ye m̀ bondi naŋ Misira, ka ǹ niŋ ǹ diŋolu faa mindoo la, aniŋ ǹ na beeyaŋolu?”

Jabuuroolu 37:25

Kabiriŋ m be dindiŋ, fo saayiŋ n keebaayaata, n nene maŋ a je Maariyo ye a koo dii moo tilindiŋo la, waraŋ ka a diŋolu je domori daanoo la.

Jabuuroolu 74:21

Kana soŋ sembentaŋolu ye bula malu kuwo kono. Fentaŋolu niŋ moo bataariŋolu deemaa, fo ì si i jayi i too la.

Yesaya 48:21

Mindoo maŋ ì muta biriŋ a ye ì ñaatonkayaa keñewuloo* kono, a ye jiyo bondi ì ye beroo kono, a ye beroo fara, jiyo bota naŋ a kono.

Yesaya 49:10

Ì te konko la, waraŋ mindoo ye ì muta, sako tiloo si i kandi waraŋ keñewuloo* foñoo si ì mantoora. Nte Alla meŋ ka balafaa soto ì ye, be ì ñaatonkayaa la le, ka ì samba woyoolu to.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Yesaya 62:12

Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

Esekiyeli 47:8

Kewo ko n ye le ko, “Ñiŋ jiyo le be woyi kaŋ ka taa tilibo karoo la. A be woyi la le ka taa fo Araba* Wulumbaŋo to. Ka bo jee, a ye woyi fo Koojii Baa to. Niŋ a dunta Koojii Baa kono doroŋ, a jiyo be yelema la jiisewo le ti.

1 Mansoolu 17:8

Bituŋ Yaawe la kumoo naata Eliya kaŋ ka a fo a ye ko,

2 Taarika 6:17

Wo to saayiŋ Yaawe, ite meŋ mu Banisirayila la Alla ti, i la kumoo timmandi, i ye meŋ laahidi Dawuda ye, i la dookuulaa.

Yeremiya 31:25

M be moo nii koririŋolu kereyandi la le, aduŋ m be moo bataariŋolu wasa la le.”