Yesaya 41:14 - Mandinka Bible

¹⁴ Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Yesaya 41:14 ပူးပေါင်းရင်းမြစ်များ

Yesaya 43:14

Yaawe Banisirayila la Senuŋ Baa, ali Kumakaalaa, ye ñiŋ ne fo ko: “Ali la kuwo kamma la, m be kelediŋ kafoolu kii la Babiloninkoolu kamma le, m be saatee dundaŋ daalu kati la le, aduŋ a la moolu la seewoo saroo be yelema la kumboo le ti.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Jabuuroolu 22:6

Bari nte wo maŋ ke moo ti, n ka munta le ko tumboo, moolu jututa n na, aduŋ ì ye n ke jelefeŋo ti.

Yeremiya 50:34

Bari ì Kumakaalaa bambanta le, a too mu Yaawe Alihawaa Maariyo le ti. A be loo la ì la kuwo la le famfaŋ, ka dahaa naati duniyaa ye, bari a be dahaabaliyaa le naati la Babiloninkoolu kaŋ.”

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Yuuba 25:6

Saayiŋ sako hadamadiŋo duŋ, meŋ, a ka faa le, a ye toli. A la kuwo ka muluŋ ne ko tumboo.

Yuuba 19:25

Bari nte ye a loŋ ne ko, n kiisandirilaa, wo be baluuriŋ ne, aduŋ ate le be loo la n ye kuwo labandulaa ñiŋ duniyaa kono jaŋ.

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Yesaya 48:17

Ali Kumakaalaa Yaawe, Banisirayila la Senuŋ Baa, a ye ñiŋ ne fo ko: “Nte le mu Yaawe ti, ali la Alla meŋ ye ali karandi ali la nafaa kuwo la, ŋa siloo yitandi ali la le, ali ñanta taa la niŋ meŋ na.

Yesaya 47:4

Ǹ kumakaalaa mu Banisirayila la Senuŋ Baa le ti. A too mu Yaawe Alihawaa Maariyo* le ti.

Yesaya 44:24

Yaawe ali Kumakaalaa meŋ ye ali daa wuluuñaŋo kono ko: “Nte le mu Yaawe ti, meŋ ye feŋolu bee daa, nte dammaa le ye saŋ fatoolu waree, aduŋ nte faŋo le ye duniyaa fanundi.

Yesaya 44:6

Banisirayila la Mansoo, a Kumakaalaa, Yaawe Alihawaa Maariyo* ko: “Nte le mu foloo ti, aduŋ nte le mu labaŋo ti. Nte koolaa Alla te keriŋ.

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.

Kalatiyankoolu 3:13

Kiristu* ye ǹ kumakaa Luwaa la dankoo bulu le, baawo a faŋo ye wo dankoo taa ntolu la kuwo kamma ko a be safeeriŋ ñaameŋ ko: “Dankoo be moo-wo-moo le ye, meŋ be dendiŋ yiroo bala.”

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

Matiyu 7:14

Bari bundaa meŋ deteta, aduŋ a siloo maŋ sooneeyaa, wo ka taa baluwo le kono, aduŋ dantaŋ doroŋ ne ka a je.

Yesaya 63:16

Bari ite le mu m̀ Faamaa ti. M̀ mumuñolu Iburayima niŋ Isirayila maŋ ǹ loŋ, ì maŋ ǹ na kuwo loŋ. Hee Yaawe, ite le mu m̀ Faamaa ti, ǹ Kumakaalaa, biriŋ koomanto, wo le mu i too ti.

Yesaya 60:16

I suulata meŋ na bankoolu niŋ ì la mansoolu bulu, i be a soto la le, ko niŋ dindiŋo ka suusuu a baamaa sunjoo to. Wo to i be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.

Yesaya 59:20

Yaawe ko: “Kumakaalaa be naa Siyoni* le, ka naa Yaakuba koomalankoolu kaŋ, mennu tuubita ì la junuboolu la.”

Yesaya 54:8

N jusoo bota nuŋ baake le, ŋa n koo dii i la domandiŋ, bari m be n na kanu bambaloo yitandi la i la le, ŋa balafaa soto i ye.” Yaawe i Kumakaalaa le ye a fo.

Yesaya 49:7

Yaawe, Banisirayila la Senuŋ Baa, a Kumakaalaa ka diyaamu moo le ye, bankoolu jututa meŋ na, ì ye a koŋ, a keta maralilaalu la dookuulaa ti, a ye ñiŋ ne fo a ye ko, “Niŋ mansoolu ye i je, ì be wuli la le, maralilaalu fanaa be ñoyi la i ye le, kaatu nte Yaawe le be a saabu la. N ka laahidoolu timmandi le, nte Banisirayila la Senuŋ Baa meŋ ye i tomboŋ.”

Roomankoolu 9:27

Annabilayi Yesaya sarita Banisirayila la kuwo to le ko: “Hani Banisirayilankoolu siyaata ñaa-wo-ñaa ko bankumunkoo, dantaŋ ne be kiisa la,

5 Musa 7:7

Yaawe maŋ ali tomboŋ, kaatu ali siyaata banku moo doolu ti, alitolu le faŋo dooyaata ì bee ti.

Jabuuroolu 46:5

Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

Jabuuroolu 78:35

Ì hakiloo ka bula le ko Alla le mu ì la semberaŋ beroo ti, ko Alla Mansa Tallaa le mu ì kumakaalaa ti.

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yeremiya 46:27

“Wo to ali kana sila, alitolu Yaakuba koomalankoolu, n na dookuulaa, sako ka jikilateyi, ite Banisirayila. Kaatu ko, m be i kiisa la naŋ dulaa jamfariŋolu to le, ka i koomalankoolu bondi naŋ ì mutadulaa bankoo kaŋ. Yaakuba be muru la naŋ ne ka tenkuŋo niŋ tankoo soto, aduŋ moo te a silandi noo la.

Niikuyaa Suukuwolu 3:57

Silaŋ, i sutiyaata n na le, biriŋ ŋa i kili, i ko n ye le ko, “Kana sila!”

Daniyeli 10:12

Wo le to a ko n ye ko, “Daniyeli, kana sila. Alla ye i la duwaa moyi le ka bo luŋo meŋ i ye i hakiloo loo ñiŋ kaŋ, ka lankenemayaa kumoo ñiŋ fahaamu, aduŋ i ye i fammajii i la Alla ñaatiliŋo la le. N naata i la duwaa jaabiroo le futandi i ma.

Hoseya 11:9

N te n na jusukandoo jii la ali kaŋ, sako n si Efurayimu kasaara. Nte mu Alla Senuŋ Baa le ti, meŋ be ali fee, m maŋ ke hadamadiŋo ti. N niŋ jusukandoo te naa la ali kaŋ.

Yosuwa 17:18

Konkotundoo fanaa be ke la ali taa le ti. Sutoo le mu jee ti, bari ali si jee teyi noo le fo a dandulaa to ka ke ali taa ti. Kanaaninkoolu ye keleraŋ neesareetoolu soto ñaa-wo-ñaa, aniŋ ì la bambaŋo bee, ali be ì bayi noo la jee le.”

Yesaya 37:4

Asiriya mansa ye a la kelediŋ kuntiyo kii le ka Alla baluuriŋo sooki. A si ke noo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Yesaya 43:3

Kaatu nte le mu Yaawe ali la Alla ti, Banisirayila la Senuŋ Baa, ali Kiisandirilaa. Ali la kuwo le ye a tinna ŋa Misira, Kusi* aniŋ Seeba ke ali ye kumakaaraŋo ti.