Yesaya 41:10 - Mandinka Bible

¹⁰ Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Yesaya 41:10 ပူးပေါင်းရင်းမြစ်များ

Yosuwa 1:9

Kana ñina ŋa yaamaroo meŋ dii i la, ka fatiyaa, aniŋ ka bambaŋ. Kana sila, i kana jikilateyi, kaatu nte Yaawe i la Alla le be tara la i fee, i taata daa-wo-daa.”

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

Filipinkoolu 4:13

N ka kuwolu bee ke noo ka bo niŋ ate le la, meŋ ka n sembentuŋyaa.

2 Korintinkoolu 12:9

bari a ko n ye le ko: “Nte la hiinoo kaañanta ite ye le, kaatu n na semboo ka timma sembentaŋyaa le kono.” Wo to, n kontaaniriŋo be kibiri la baake n na sembentaŋyaa la kuwo to le, fo Kiristu la semboo si tu n kaŋ.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Jabuuroolu 63:8

Ŋa n deŋ ite le la, aduŋ i buloo be n koto le ka n tanka.

2 Taarika 20:17

A maŋ jari ali ye keloo ke ñiŋ kele wuloo to, ali loo ali loodulaa to, ali ye tenkuŋ, ali ye a juubee Yaawe be nooroo dii la ali la ñaameŋ. Alitolu Yerusalaamunkoolu niŋ Yahuuda moo toomaalu, ali kana sila, aduŋ ali kana jikilateyi. Ali finti ali ye ì benduŋ saama, Yaawe be tara la ali fee le.’ ”

Jabuuroolu 145:14

Yaawe ka moolu maakoyi le mennu be boyoo daa to, a ye moolu sikandi mennu be jirandiŋ.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Yesaya 60:19

“Tiloo te ke la i ye maloo ti kotenke tilibuloo, sako karoo la diyaa si mala i kaŋ suutoo, kaatu nte Yaawe le be ke la i ye badaa-badaa maloo ti, nte i la Alla ye ke i ye fanuñaa ti.

5 Musa 20:1

Musa tententa ka a fo Banisirayilankoolu ye ko: Niŋ ali fintita ka taa ali jawoolu kele, ali ye keleraŋ sareetoolu* je aniŋ suwoolu, aniŋ kelediŋ kafoo meŋ siyaata ali taa ti, ali kana sila ì la. Kaatu Yaawe* ali la Alla meŋ ye ali bondi naŋ Misira bankoo kaŋ, a be tara la ali fee le.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Jabuuroolu 37:24

Hani niŋ a takita, a te boyi la, kaatu Yaawe le ye a buloo muta.

Jabuuroolu 29:11

Allamaa Yaawe ye semboo dii a la moolu la. Allamaa Yaawe ye neema a la moolu ma kayiroo la.

Efesusinkoolu 3:16

N ka a daani le, ko a la semboo niŋ waroo la fankoo be ñaameŋ, fo a si ali sondomoolu sembentuŋyaa ka bo niŋ a la Nooroo la,

2 Taarika 32:8

Hadamadiŋ semboo le be ate fee, bari ntolu, Yaawe le be m̀ fee, ǹ na Alla ka m̀ maakoyi ka keloo ke ǹ ye.” Yahuuda mansa Hesekiya la kumakaŋo ye moolu bambandi.

Jakariya 10:12

M be ì bambandi la nte Yaawe la kuwo to le, ì ye taama n too la.” Yaawe le ye a fo.

Yesaya 43:5

“Ali kana sila, kaatu m be ali fee le. M be ali diŋolu bondi la naŋ tilibo karoo la, ŋa ali bee naati tilijii karoo la.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Yesaya 49:8

Yaawe ye ñiŋ ne fo a la dookuulaa ye ko: “Niŋ n na hiinoo waatoo siita, m be i danku la le. Niŋ kiisoo luŋo siita, m be i maakoyi la le. M be i kanda la, i ye ke n niŋ moolu teema kambeŋo ti, ka banku tumbundiŋo seyindi a ñaama, ka kenoo talaa moolu teema ka ke ì ye keetaafeŋo ti.

Jabuuroolu 37:17

Kaatu Yaawe be moo jawoolu fankoo baŋ na le, bari a be moo tilindiŋolu kanta la le.

Yesaya 44:2

Nte Yaawe meŋ ye alitolu daa, ŋa muluŋo ke ali la wuluuñaŋo kono, ali la maakoyilaa, ŋa a fo ali ye le ko, n na dookuulaa Yaakuba, n na tomboŋ moo Yesuruni, ali kana sila.

Jabuuroolu 144:11

N tanka jawu la hawusaroo* ma, i ye m bondi banku koteŋ moolu bulu, mennu ka faniyaalu fo, aduŋ ì ka kali faniyaa kaŋ ne.

Jabuuroolu 41:12

I ye i buloo duŋ n koto le, n na sootaaribaliyaa kaŋ, aduŋ i ye n sabatindi i fee le fo fawu.

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Yesaya 52:7

Ñiŋ mu seewoo kuwo le ti, ka kiilaa je, a ye bo naŋ konkoo kaŋ aniŋ kibaari betoo. A ka kayiroo le kankulaa, ka kiisoo bankee moolu ye, a ka a fo Siyoni ye le ko, “Ali la Alla le mu mansoo ti!”

1 Musa 15:1

Ñiŋ kuwolu bee boriŋo a la le mu, Yaawe* ye a la kumoo lankenemayandi Iburama ma jeroo kono. A ko a ye ko, “Iburama, kana sila, nte le mu i tankandirilaa ti. I la baraajoo be siyaabaa la le.”

Jabuuroolu 65:5

Hee Alla, ǹ na kiisoo sababoo, i ka ǹ na duwaalu jaabi le ka bo niŋ kaawakuwolu la, ka ǹ tankandi. Ite le mu duniyaa moolu bee jikiraŋo ti, hani mennu be siiriŋ fankaasoolu daŋo to.

Luka 1:30

Wo to le malaayikoo ko a ye ko, “Mariyaama, kana sila! Alla neemata i ma le.

Jabuuroolu 147:12

Kooni Yerusalaamu, Yaawe la waroo fo. Kooni Siyoni*, i Maarii Alla tentu.

1 Taarika 12:18

Bituŋ wo to le Yaawe la Nooroo jiita Amasayi kaŋ kelejawara taŋ saboo ñaatonkoo, bituŋ a ko, “Hee Dawuda Yese dinkewo, ntolu mu i fansuŋ moolu le ti! Neemoo be i niŋ i la kafoo ye, aduŋ neemoo be moo-wo-moo ye meŋ kafuta i ma ka i maakoyi, kaatu Alla be ali fee le.” Wo to le Dawuda sonta ì ye kafu a ma, aduŋ a ye ì ke a la kelediŋ kafu ñaatonkoolu ti.

Luka 1:13

Bari malaayikoo ko a ye ko, “Jakariya, kana sila! Alla ye i la duwaa moyi le. I la musoo Elisabet be dinkewo wuluu la i ye le. I si a toolaa Yaayaa la.

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Jabuuroolu 144:8

wolu mennu ka faniyaalu fo, ì ka kali faniyaa kaŋ.

Hoseya 1:9

Bituŋ Yaawe ko a ye ko, “A toolaa Lo-Ammi la, kaatu ali maŋ ke n na moolu ti, aduŋ nte maŋ ke ali la Alla ti.”

1 Musa 31:5

A ko ì ye ko, “Ŋa a je le ko, ali faamaa ye ñaa siifaa doo le yitandi n na, a maŋ dali ka meŋ yitandi. Bari m faamaa la Alla be m fee le.

1 Musa 49:24

Bari i la kaloo tuta bambandiŋ ne, i buloo tariyaata, a bambanta. I semboo bota Yaakuba la Sembetii Baa le bulu, Isirayila Kantalaa, Isirayila la Bere baa.

2 Musa 14:13

Musa ye moolu jaabi ko, “Ali kana sila. Ali loo, ali ye bambaŋ, aduŋ ali be a je la le, Yaawe be ali tankandi la ñaameŋ bii. Ali ye Misirankoolu mennu je bii, ali te ì je la kotenke.

2 Musa 20:20

Bituŋ Musa ko moolu ye ko, “Ali kana sila. Alla naata le ka ali kotobo, fo Alla ñaasilaŋo si tara ali kono, ka ali tankandi junube kuu kewo la.”

Yesaya 50:9

Maarii Yaawe le ka m maakoyi. Wo to moo jumaa le si n na boyidaa yitandi noo? Ì bee be naa tiñaa la le ko bayoo, tumboolu ye meŋ domo.

Daniyeli 6:16

Wo le to mansa ye yaamaroo dii ko, ì si Daniyeli samba, ì ye a fayi jatoolu la koloo kono. A ko Daniyeli ye ko, “Allamaa i la Alla ye i tankandi, i ka tu meŋ batu la waati-wo-waati.”

Daniyeli 10:12

Wo le to a ko n ye ko, “Daniyeli, kana sila. Alla ye i la duwaa moyi le ka bo luŋo meŋ i ye i hakiloo loo ñiŋ kaŋ, ka lankenemayaa kumoo ñiŋ fahaamu, aduŋ i ye i fammajii i la Alla ñaatiliŋo la le. N naata i la duwaa jaabiroo le futandi i ma.

Hakayi 1:13

Hakayi ye Yaawe la kumoo futandi moolu ma le, ka a fo ì ye ko, “Yaawe le ye ñiŋ fo ko, a be tara la ali fee le.”

Hakayi 2:5

Ŋa wo le laahidi kabiriŋ ŋa ali bondi naŋ Misira. N na Nooroo be sabatiriŋ ali kono le, ali kana sila.”

1 Musa 26:24

Wo suuto kiliŋo la, Yaawe fintita a kaŋ, a ko a ye ko, “Nte le mu i faamaa Iburayima la Alla ti. Kana sila, kaatu m be i fee le, aduŋ m be neema la i ma le, ka i koomalankoolu siyandi n na dookuulaa Iburayima la kuwo kaŋ.”

Kiitindirilaalu 6:16

Yaawe ko a ye ko, “M be tara la i fee le, aduŋ i be wo Midiyaninkoolu noo la le, ì bee kafuriŋo ñoo ma.”

2 Samuweli 22:19

Niŋ m bulata bataa kono, ì ka m boyinkaŋ ne, bari Yaawe le ka ke m maakoyilaa ti.

Jabuuroolu 18:36

M be siloo meŋ kaŋ, i ye a fanundi n ye fo n siŋo kana taki.

Jabuuroolu 33:12

Neemoo be bankoo le ye, meŋ na Alla mu Yaawe ti. Seewoo be moolu le ye, a ye mennu tomboŋ ka ke a taa ti.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Yesaya 37:6

a ye ñiŋ jaabiroo murundi a kaŋ ko, “Yaawe ko a kana sila kuwo la a ye meŋ moyi. A kana sila kumakaŋolu la Asiriya mansa la dookuulaalu ye mennu fo ka ate Yaawe sooki.

Niikuyaa Suukuwolu 3:57

Silaŋ, i sutiyaata n na le, biriŋ ŋa i kili, i ko n ye le ko, “Kana sila!”

Jakariya 10:6

“M be Yahuuda moolu bambandi la le, ŋa Yusufa koomalankoolu kiisa. M be ì murundi la naŋ ne, kaatu m baloo faata ì ye le. Ì si ke ko, n nene maŋ m baŋ nuŋ mennu to. Nte le mu Yaawe ti, ì la Alla, m be ì la duwaa jaabi la le.