Yesaya 40:7 - Mandinka Bible

⁷ Ñaamoo ka noro le, a firoolu ye joloŋ, kaatu Yaawe la niijii foñoo le ka futa ì ma. Tooñaa-tooñaa, hadamadiŋolu mu ñaamoo le ti!

Yesaya 40:7 ပူးပေါင်းရင်းမြစ်များ

Yuuba 41:21

A la niijiyo ka kemboolu mala, dimbaa ka bo naŋ a daa kono.

Yankuba 1:10

Baadiŋ fankamaa si seewoo, niŋ Alla ye a la makaamoo jindi, kaatu fankamaalu la kuwo be daŋ na le ko ñaama firoo.

Yankuba 1:11

Kaatu tiloo niŋ foño kandoo le ka wuli, meŋ ka ñaamoo jandi, a firoo ye joloŋ, a la ñiiñaa ye yeemaŋ. Fankamaa fanaa la kuwo be wo le ñaama: A faŋo be yeemaŋ na le, aduŋ a la kuwolu bee be daŋ na jaŋ ne.

Yuuba 4:9

Alla ye a niijii ì kaŋ, ì faata, a la kamfaa ye ì fee jana komeŋ saafoñotoo.

Yuuba 14:2

A la kuwo be le komeŋ firoo ka finti ñaameŋ, a ye naa noro. A ka yeemaŋ ne komeŋ niiniyo, a buka tu keriŋ.

Jabuuroolu 90:5

I ka hadamadiŋolu koora le, i ye ì tambindi komeŋ siiboo. Ì ka munta le ñaamoo meŋ falinta soomandaa,

Jabuuroolu 90:6

a ye faliŋ soomandaa ka firoolu bondi, bituŋ wulaaroo a ye noro, ka jaa.

Jabuuroolu 102:4

N ka munta m faŋ fee le ko ñaama jaaroo, ì ye meŋ toñonka. M buka ñaani domoroo faŋo la.

Jabuuroolu 103:16

niŋ foñoo ye a fee, a ye taa, aduŋ moo te a noo je la fereŋ.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 37:27

Tuma meŋ na wo saatewolu moolu semboo banta, ì jikilateyita, aduŋ ì maluta. Ì keta le komeŋ kunkukono fiifeŋolu, aniŋ ñaama soroŋ kutoo. Ì ka munta le komeŋ ñaamoo meŋ falinta buŋo santo, meŋ ka jaa janniŋ a be meŋ na.

Yesaya 40:24

Ì ka muluŋ ne ko fiifeŋo meŋ pareeta suluduŋo la. Niŋ a wulita doroŋ, Yaawe niijii foñoo ye a bee norondi, turubaadoo ye naa a samba komeŋ fuufulewo.

Yesaya 51:12

Yaawe ko: “Nte, nte faŋo le ka ali sabarindi. Wo to muŋ ne ye a tinna, ali ka sila hadamadiŋo la, saayaa be meŋ kunna, hadamadiŋo meŋ maŋ ke feŋ ti fo ñaamoo?

Hakayi 1:9

“Ali jikita le ko ali la katirifeŋolu be siyaa la le, bari a fele a naata ke domandiŋ ne ti. Ali ye meŋ samba naŋ suwo kono, ŋa a fee le ka a janjaŋ. Muŋ ne ye ñiŋ saabu?” Yaawe Alihawaa Maariyo le ye wo ñininkaa. A tententa ka a fo ko, “N na Batudulaa Buŋo tuta tumbundiŋ, wo tumoo alitolu meŋ-wo-meŋ ka tara boriŋ-boriŋ na a fansuŋ buŋo la kuwo la.

Jabuuroolu 103:15

Hadamadiŋo la baluwo ka munta le ko ñaamoo. A ka soroŋ ne komeŋ wulakono firoo,