Yesaya 40:4 - Mandinka Bible

⁴ Wulumbaŋolu bee ye saareŋ, konko baalu niŋ konkoriŋolu bee ye jii, dulaa tembebaloo ye tembe, kene ñankariŋo ye seneyaa.

Yesaya 40:4 ပူးပေါင်းရင်းမြစ်များ

Luka 3:5

Wulumbaŋolu bee ye saareŋ, konko baalu niŋ konkoriŋolu bee ye jii. Sila jenkeriŋolu ye tiliŋ, sila kaatibaloolu ye tembe.

Esekiyeli 21:26

Wo to Maarii Yaawe ye ñiŋ ne fo i ye ko: “I la mansanaafoo wura, i ye naawoo bo minindiŋ i kuŋo la. Kaatu kuwolu be faliŋ na le, aduŋ ì te tu la ì be ñaameŋ. Moolu mennu la kuwo warata, wolu la kuwo be jii la le, mennu la kuwo dooyaata, wolu la kuwo ye wara.

Luka 18:14

Ŋa a fo ali ye, ñiŋ duwaañoo le tilindiŋo taata a la suwo kono, diina wo Farisewo ti. Kaatu moo-wo-moo meŋ ye a faŋ sikandi, a be jindi la le. Aduŋ moo-wo-moo meŋ ye a fammajii, a be sikandi la le.”

Yesaya 45:2

M be tambi la i ñaato le, ka konkoolu tembendi, ka jaawali daa tawundaŋolu kati, aniŋ ka nee bantambiloolu katiŋ-katiŋ.

Esekiyeli 17:24

Yiroolu bee be a loŋ na le ko, nte le mu Yaawe ti, meŋ ka yiri jaŋo boyi, ŋa yiri sutuŋo jaŋayandi. N ka yiri kitiŋo norondi le, ŋa yiri nororiŋo kitiŋyandi. Nte Yaawe faŋo le ye a fo, aduŋ m be a ke la le.”

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

Yesaya 42:11

Mennu be sabatiriŋ keñewuloo* kono, ye sari santo, Kedari koomalankoolu ye seewoo ì la saateeriŋolu to. Selankoolu ye suukuwo laa kontaanoo kono, ì sari kaŋo ye bo naŋ konkoolu kaŋ.

Kuma Kotoomaalu 2:15

mennu la siloolu be jenkeriŋ, aniŋ mennu buka sila kende taama.

Yesaya 40:3

Moo kumakaŋo be sari kaŋ ko: “Ali Yaawe la siloo parendi keñewuloo* kono. Ali sila fanuŋo tembendi ǹ na Alla ye.

Yesaya 40:5

Yaawe la kallankeeyaa* be lankenema la le, hadamadiŋolu bee ye a je ñoo la. Yaawe faŋo le ye a fo.”

Yesaya 49:11

M be n na konkoolu bee yelemandi la siloolu le ti, n na sila kendoolu ye tintiŋ.

Jakariya 4:7

“Serubabeli, kuu koleŋolu mennu be warariŋ ko konko baa, be yeemaŋ na i ñaato le. I be Alla Batudulaa Buŋo* lookuu la le. Niŋ i be a bere labaŋo laa la, moolu niŋ seewoo le be wuuri la ñiŋ ti ko: Allamaa a neema la, Allamaa a neema la!”

Yesaya 62:10

Yerusalaamunkoolu, ali finti, ali finti niŋ dundaŋ daalu la! Ali siloo parendi moolu ye. Ali sila kendoo dadaa, ali a dadaa kuu! Ali a beroolu bondi. Ali ye bandeeroo wulindi, ka a ke bankoolu ye taamanseeroo ti.