Yesaya 40:3 - Mandinka Bible

³ Moo kumakaŋo be sari kaŋ ko: “Ali Yaawe la siloo parendi keñewuloo* kono. Ali sila fanuŋo tembendi ǹ na Alla ye.

Yesaya 40:3 ပူးပေါင်းရင်းမြစ်များ

Malaki 3:1

Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”

Yohana 1:23

A ye ì jaabi niŋ Annabilayi Yesaya le la kumoo la ko: “Nte le mu moo kumakaŋo ti, meŋ be sari kaŋ keñewuloo* kono ko, ‘Ali Maariyo la siloo parendi, a ye tiliŋ.’ ”

Yesaya 57:14

Yaawe ko: “Ali siloo dadaa, ali siloo dadaa! Ali siloo parendi, ali feŋ ñankariŋolu bondi n na moolu ye jee.”

Yesaya 43:19

Ali a juubee, m be kuu kutoo le ke kaŋ. A be keriŋ ne saayiŋ, fo ali maŋ a je baŋ? M be siloo parendi kaŋ keñewuloo* kono le, ŋa woyoolu ke ali ye dulaa jaariŋolu to.

Yesaya 35:8

Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.

Yesaya 49:11

M be n na konkoolu bee yelemandi la siloolu le ti, n na sila kendoolu ye tintiŋ.

Jabuuroolu 68:4

Ali suukuwolu laa Alla ye, ali jayiri suukuwolu laa a too la. Ali suukuwo wulindi a ye, ate meŋ ka tara tawaloolu kaŋ ka ì borindi. A too mu Yaawe* le ti, ali seewoo a ñaatiliŋo la.

Yesaya 40:4

Wulumbaŋolu bee ye saareŋ, konko baalu niŋ konkoriŋolu bee ye jii, dulaa tembebaloo ye tembe, kene ñankariŋo ye seneyaa.