Yesaya 40:2 - Mandinka Bible

² Ali diyaamu kuu Yerusalaamunkoolu ye ka a fo ì ye ko, ì la dookuu koleŋo banta le. N yamfata ì la junube kuwo la le. Ì ye ì la junuboo jooroo soto a ñaama le famfaŋ, ka bo nte Yaawe* bulu.”

Yesaya 40:2 ပူးပေါင်းရင်းမြစ်များ

1 Musa 34:3

A hakiloo bee tarata Dina kaŋ, Yaakuba dimmusoo. A ye sunkutoo ñiŋ kanu le, bituŋ a naata kuma diimaalu fo a ye.

2 Taarika 30:22

Mansa Hesekiya ye Lewi lasiloo moolu bee tentu, kaatu ì ye Yaawe batuñaa taamandi kuu le. Moolu ye domoroo ke juuraloo to fo tili woorowula, ì ye kayira sabatindiraŋ sadaalu bo, aduŋ ì ye Yaawe, ì mumuñolu la Alla tentu.

Jabuuroolu 32:1

Seewoo be moo le ye, yamfa keta meŋ na junuboolu la, meŋ na hakoo tuutuuta.

Jabuuroolu 85:3

I ye i la kamfaa daŋ ì kamma le, i ye i la jusukandoo bondi.

2 Musa 22:3

Bari niŋ a ye a tara, tiloo bota le, wo to meŋ ye a faa, a boyita le. Suŋo ye meŋ suuñaa, a ñanta a joo la le, bari niŋ feŋ te a bulu, ali ñanta a waafi la le, fo a si feŋolu joo a ye mennu suuñaa.

Kawandilaa 3:4

Waati le be kumboo la, waati be jeloo la. Waati le be niikuyaa la, waati be doŋo la.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 14:3

Niŋ Yaawe ye dahaa dii ali la luŋo meŋ na, ka bo bataa kono, jaraboo aniŋ joŋyaa koleŋo,

Yesaya 27:9

Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Yesaya 33:24

Moo te tara la Siyoni meŋ be a fo la ko, “N saasaata le.” Moolu mennu be sabatiriŋ jee, ì la junuboolu be kafari la le.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yesaya 49:25

Bari Yaawe ye ñiŋ ne fo ko: “Tooñaa, mutamoolu si buusi noo kelejawaroolu bulu le, buusi feŋo ye seyi ka bo maralilaa saŋarariŋo bulu. Niŋ moolu wulita ka i kele, m fanaa be ì kele la le, aduŋ m be i diŋolu tanka la le.

Yesaya 51:17

Wuli! Wuli! Hee Yerusalaamu, i ñaa yele! I ye i miŋ Yaawe la kamfaa mindaŋo le la, i ye mindaŋ faa bee miŋ ne, fo i ka timili-tamali.

Yesaya 53:5

Ǹ na junuboolu le ye a tinna, ì ye a baloo soo, ǹ na kuu kuruŋolu le ye a tinna, ì ye a baramaŋ-baramaŋ. Jaraboo meŋ laata a kaŋ, wo le ye kayiroo saabu ntolu ma, aduŋ a la baramoolu le ye ntolu kendeyandi.

Yesaya 53:6

Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

Yesaya 54:15

Niŋ moo-wo-moo ye i boyinkaŋ, a maŋ ke nte la lañinoo ti. Moo-wo-moo ye i boyinkaŋ, be boyi la le.

Yesaya 54:17

Bari jooraŋ-wo-jooraŋ dadaata i kamma, a te taama la. Moo-wo-moo ye i tuumi a neŋ kolomoo la, i be a faniyandi la le. Wo le mu n na dookuulaalu ye keetaafeŋo ti, aniŋ ì la kañeeroo ka bo m bulu.” Yaawe le ye a fo.

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Yesaya 6:7

A ye a maa n daa la, a ko, “Bayiri saayiŋ ñiŋ ye i daaturoo maa le, i la boyidaa tuutuuta le, aduŋ i la junuboo kafarita le.”

Yesaya 61:7

N na moolu, ali la malu kuwo noo to, ali be fanka baa le soto la. Ali la dooyaa noo to, ali be kontaanoo le soto la ali la keetaafeŋo to. Wo to ali be dulaa fula le soto la keetaa to ali la bankoo kaŋ, aduŋ ali be tara la seewoo bambaloo le kono.

Yesaya 66:13

Ko baa ka a la suusuudiŋo sabarindi ñaameŋ, m be ali sabarindi la wo le ñaama. Ali be dahaa soto la Yerusalaamu le.”

Yeremiya 16:18

M be ì joo la ì la kuruŋyaa niŋ ì la junuboolu la le ko siiñaa fula, kaatu ì ye n na bankoo kosondi niŋ ì la jalaŋ ñewundiŋolu le la, mennu maŋ nii soto. Ì ye bankoo fandi niŋ ì la kuu jawu baalu la le, ŋa meŋ dii n na moolu la keetaabankoo ti.”

Yeremiya 17:18

Allamaa n toorandilaalu ye malu, bari kana soŋ nte ŋa malu. Ì ye jikilateyi, bari kana soŋ nte ŋa jikilateyi. Kasaaroo luŋo naati ì ye, i ye ì muumewo buruka kewu!

Yeremiya 29:11

Kaatu ŋa a loŋ ne, ŋa feeroolu mennu soto ali ye, feeroolu mennu mu ali ye kayiroo ti, ì te ke la ali ye kooroo ti. Wo feeroolu le be ali la jikoo timmandi la ñaato siniŋ. Nte Yaawe le ye a fo.

Yeremiya 51:10

Yaawe la moolu ko, “Yaawe ye ǹ na kuwo kiitiyo koyindi le. Ali naa ŋà a kankulaa Siyoni*, Yaawe, ǹ na Alla ye meŋ ke.”

Niikuyaa Suukuwolu 4:22

Yoo, ite Siyoni, i jarabita i la junuboolu kaŋ ne, Yaawe te i mendi la mutoo kono kotenke. Bari ite Edomu, a be i jarabi la i la junuboolu la le, a ye i la kuu kuruŋolu waañaari.

Esekiyeli 16:42

“Ñiŋ doroŋ ne be n na kamfaa jindi la i la karoo la, aduŋ n te i kiiliyaa la kotenke. M be sabari la le, n te kamfaa la i kamma kotenke.

Daniyeli 11:35

Moo ñaamendiŋo doolu be faa la le ñiŋ kamma la moolu ñinnu si seneyaa, ì ye janku. Ñiŋ kuwo be tara la ke la le fo labandulaa ye sii, Alla ye waatoo meŋ londi.

Daniyeli 12:4

“Bari ite Daniyeli, i si ñiŋ kumoolu ke kulloo kuwo ti, i ye kitaaboo ñiŋ tawuŋ, fo labandulaa waatoo ye sii. Moo jamaa be tara la yaayiŋ-yaayiŋ na le, ka londoo lafaa.”

Daniyeli 12:9

A ko n ye ko, “Daniyeli, taa doroŋ, bayiri ñiŋ kuwolu keta kulloo le ti, aduŋ ì maabota le, fo niŋ labandulaa waatoo siita.

Daniyeli 9:12

I ye i la kumoo timmandi le, i ye meŋ fo ǹ niŋ ǹ na maralilaalu ma. I ye kasaara baa le boyi ǹ kaŋ. I ye kuwo meŋ laa Yerusalaamu kaŋ, wo ñoŋ kuwo nene maŋ laa saatee koteŋ kaŋ duniyaa bee kono.

Daniyeli 9:2

A la mansayaa sanji foloo la, ŋa a koroosi kitaaboolu kono le ko, Yerusalaamu be sanji taŋ woorowula le ke la tumbundiŋ. Wo be looriŋ Yaawe* la kumoo le kaŋ, a ye meŋ dii Annabilayi Yeremiya la.

Hoseya 2:14

“Bari m be a saba la naŋ ne, ŋa a samba keñewuloo kono, ŋa kuma diimaa fo a ye.

Hoseya 2:16

Yaawe ko Banisirayila ye ko, “Wo luŋo la, i be n kili la ‘n keemaa’ le la, i te n kili la ‘n na Baali’ la kotenke.

Habakuki 2:3

Ñiŋ lankenemayandiroo ka a waatoo le batu. A diyaamuta labandulaa kuwolu le la, aduŋ a te ke la faniyaa ti. A kuwo naafata ñaa-wo-ñaa, hani wo a batu. A be koyiriŋ ne lewu ko a be naa le, a te baayi la muk.

Sefaniya 3:15

Yaawe ye i la jaraboo sika i kaŋ ne, a ye i jawoolu bayi. Yaawe, Banisirayila la Mansa be i fee le, i te sila la bataa kuu la kotenke.

Jakariya 1:13

Bituŋ Yaawe ye hiinanteeyaa kumoo niŋ jusuñaburaŋ kumoolu fo malaayikoo ye, meŋ be diyaamu kaŋ n ye.

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

Jakariya 9:12

Alitolu mutamoolu, ali niŋ jikoo, ali muru naŋ ali la saatee tatariŋo kono. Bii m be ñiŋ laahidi la ko, ali la niitoora-wo-niitoora, m be a jooseyi la neemoo la le ko siiñaa fula.

Kiilaalu 1:7

A ko ì ye ko, “A maŋ ke alitolu la kuwo ti ka waatoolu niŋ luŋolu loŋ, m Faamaa ye mennu londi a fansuŋ kaŋo kaŋ.

Kalatiyankoolu 4:4

Bari biriŋ waatoo timmata, Alla ye a Dinkewo kii naŋ ne. A wuluuta ka bo niŋ musoo le la, aduŋ a naata tara Luwaa koto,

Lankenemoo 18:6

Ali a joo ko a ye a ke ñaameŋ, jooroo dii a la siiñaa fula a la kebaara jawoolu to. Ali a ñaami a ye ko siiñaa fula mindaŋo kono, ali ye a naati a ye, ko a ye a ke ñaameŋ.