Yesaya 40:13 - Mandinka Bible

¹³ Jumaa le ye Yaawe miiroolu loŋ, waraŋ ka ke a yaamarilaa ti?

Yesaya 40:13 ပူးပေါင်းရင်းမြစ်များ

1 Korintinkoolu 2:16

A be safeeriŋ ì la kuwo to le ko: “Jumaa le ye Maariyo la miiroolu loŋ, waraŋ ka ke a yaamarilaa ti?” Bari ǹ niŋ Kiristu la miiraliñaa mu kiliŋ ne ti.

Roomankoolu 11:34

“Jumaa le ye Maariyo la miiroolu loŋ, waraŋ ka ke a yaamarilaa ti?”

Yuuba 21:22

Fo moo si soto noo baŋ, meŋ si Alla karandi noo londoo keñaa la, ate meŋ ka hani malaayikoolu kiitindi?

Luka 10:22

“M Faamaa ye kuwolu bee duŋ nte le bulu. Moo maŋ a loŋ, Dinkewo mu meŋ ti, fo a Faamaa doroŋ, aniŋ moo maŋ a loŋ, Faamaa mu meŋ ti, fo a Dinkewo doroŋ, aniŋ Dinkewo be moo meŋ tomboŋ na ka a londi a Faamaa la.”

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

Yohana 1:13

Wo keta niŋ wuluuñaa le la, meŋ maŋ bo yeloo la, sako moolu la hame kuwolu niŋ ì balajaatoo la lafoo, bari ka bo niŋ Alla faŋo le la.

1 Musa 1:2

Duniyaa maŋ sawura soto, feŋ te jee. Diboo le ye jiyo kunkaŋo bee muuri. Alla la Nooroo be yaara kaŋ jiyo santo.

Yesaya 41:28

Ŋa juubeeroo ke jalaŋolu kono le, m maŋ hani kiliŋ je ì kono, meŋ si yaamaroo dii, niŋ ŋa ì ñininkaa, kiliŋ te jee meŋ si n jaabi.

Yeremiya 23:18

Bari wo annabiyomoolu kono jumaa le kiliŋ nene ka maabee Yaawe la mansabeŋo to, ka a la kumoo moyi, aniŋ ka a fahaamu, ka i lamoyi a la kumoo la, aniŋ ka a muta?