Yaawe ye kankulaaroo ke le fo duniyaa daŋo to ka a fo Dimmusuriŋ* Siyoni ye ko: “A juubee, i Kiisandirilaa naata le. A la jooroo be a bulu le, aduŋ a niŋ nafaa le ka naa.”
Ì be keloo boyi la Saajiiriŋo kaŋ ne, bari Saajiiriŋo be ì noo la le, kaatu ate le mu Maariyolu Maarii ti, aniŋ Mansoolu la Mansa. Aduŋ moolu mennu be a fee, wolu kumandita le, ì tombonta, aduŋ ì foroyaata le.”
Tooñaa buka je daa-wo-daa. Moolu mennu buka soŋ kuu kuruŋ kewo la, ǹ ka wolu le boyinkaŋ. Yaawe ye a je le, aduŋ a maŋ kontaani, kaatu kiitiyo buka kuntu a ñaama.
Moo meŋ ka junuboo ke, wo bota Ibiliisa le bala, kaatu Ibiliisa ye junuboo ke le kabiriŋ foloodulaa to. Alla Dinkewo* naata ñiŋ daliiloo le kamma, fo a si Ibiliisa la dookuwo tiñaa.
Baawo ñiŋ diŋolu ye balajaatoo niŋ yeloo soto le, Yeesu faŋo naata ke hadamadiŋo ti ko itolu. Wo keta le, fo ka bo niŋ a la saayaa la, a si Ibiliisa kasaara noo, saayaa semboo be meŋ bulu.
Bituŋ ì ye tamaree buloolu taa, ì taata ka a benduŋ. Ì be sari kaŋ ko: “Hosanna! Tenturoo niŋ jayiroo be ate le ye, meŋ ka naa Maariyo too la! Tenturoo niŋ jayiroo be Banisirayila la mansakewo ye!”
A be palaasoo soto la moo kummaalu kono le, a niŋ sembemaalu le be jawoolu la naafuloolu talaa la, kaatu a ye a niyo le laa ka faa, aduŋ ì ye a niŋ junubekelaalu le ke konti kiliŋ, kaatu a ye jamaa le la junuboo dunoo taa, a duwaata junubekelaalu ye le.
Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”
Ali a juubee, Maariyo ye moo le tomboŋ meŋ ye semboo soto, aduŋ a bambanta komeŋ samberoo, aniŋ ko foñoo meŋ ka kasaaroo ke, komeŋ sanji baa niŋ waamoo. A be ali la saatewo foriseetoo busandi la bankoo to.
N na tiliŋo ka sutiyaa naŋ tariyaarinke le, n na kiisoo be siloo kaŋ naŋ ne, aduŋ n semboo le be kiitiiteyoo naati la bankoolu kaŋ. Banku jamfariŋolu be n lamoyi la le, ì ye ì jikoo loo n semboo kaŋ ka ì maakoyi.
Moo maŋ soto meŋ ka moolu maakoyi. A jaakalita le ka a je ko, moo maŋ soto, bituŋ a faŋo la semboo ye kiisoo saabu ì ye, aduŋ a faŋo la tiliŋo le ye semboo dii a la ka a ke.
Ì ye kuu jawoolu ke ñaameŋ, a be ì joo la wo le ñaama: A be a la kamfaa juloo joo la a jawoolu to le, yankankatoo, a sookilaalu ye, a be banku jamfariŋolu joo la ì ñaama le.
Ŋa juubeeroo ke le, bari m maŋ moo je meŋ si m maakoyi. N jaakalita le ka a je ko moo maŋ m maakoyi, m faŋo semboo le ye nooroo saabu m ma, n na kamfaa ye m bambandi.
Ñiŋ kuwolu bee boriŋo a la le mu, Yaawe* ye a la kumoo lankenemayandi Iburama ma jeroo kono. A ko a ye ko, “Iburama, kana sila, nte le mu i tankandirilaa ti. I la baraajoo be siyaabaa la le.”
Yaawe ye ñiŋ ne fo ko: “Ali ali kaŋo foñondi kumboo la, ali ye ali ñaajiyo daŋ, kaatu ali ye meŋ dookuu a be joo la le.” Yaawe le ye a fo. “Ì be muru la naŋ ne ka bo ali jawoolu la bankoo kaŋ.