Yesaya 38:18 - Mandinka Bible

¹⁸ Moolu mennu be kaburoo kono, te i jayi la noo, moo te i tentu noo la saayaa kono, kaburukononkoolu te ì jikoo loo noo la i la tiliŋo kaŋ.

Yesaya 38:18 ပူးပေါင်းရင်းမြစ်များ

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Jabuuroolu 6:5

Kaatu moo hakili buka bula noo i la, saayaa kono. Jumaa le si i tentu noo kaburoo kono?

Jabuuroolu 30:9

“I be muŋ ne soto la nte la saayaa to? Nte la taa dinkoo kono, nafaa le be ite ye wo to baŋ? Fo bankumunkoo be i tentu la le baŋ? Fo a be i la beteyaa bambaloo fo noo la le baŋ?

Matiyu 25:46

Bituŋ wolu si naa taa badaa-badaa yankankatoo kono, bari moo tilindiŋolu si naa taa badaa-badaa baluwo kono.”

Matiyu 8:12

Bari moolu mennu ñanta tara la Alla la mansabaayaa kono, wolu be fayi la banta le diboo kono, kumboo niŋ nimisoo be daameŋ.”

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

4 Musa 16:33

Bankoo soronta ì fee, ì niŋ ì la sotofeŋolu bee kende saarinta bankoo kono ka taa laakira. Ì kasaarata ka bo ì la jamaa moolu kono.

Jabuuroolu 28:1

Hee Yaawe*, n ka ite le kumandi, n semberaŋ beroo, kana i tulu faa m ma, kaatu niŋ i maŋ i danku m ma, m be ke la le ko moolu mennu taata saayaa dinkoo kono.

Jabuuroolu 6:6

N korita ŋuntaŋo la le. Ŋa n na laaraŋo ke woyoo le ti, n ñaajiyo la. Ŋa n na kullaaraŋo ñikindi, suutoo bee.