Yesaya 38:13 - Mandinka Bible

¹³ N ka tu m miira la le fo fanoo ye ke. A ye n kuloolu bee kati le ko jatoo. Suuto tili, n ka tu a miira la le ko, Maariyo be naa n na baluwo daŋ na le.

Yesaya 38:13 ပူးပေါင်းရင်းမြစ်များ

Daniyeli 6:24

Wo to le mansa ye yaamaroo dii ko, ì si wo moolu bee muta, mennu ye Daniyeli tuumi. Mansa la kaŋo kaŋ, ì ye ì samba naŋ, ì ye ì fayi jatoolu la koloo kono, ì niŋ ì la musoolu niŋ ì diŋolu. Janniŋ ì ka futa koloo duuma, jatoolu ñapita ì kaŋ, ì ye ì faraŋ-faraŋ, ì ye ì niŋ ì kuloolu bee domo.

Jabuuroolu 51:8

I ye n toñonka ñaa-wo-ñaa, m murundi seewoo niŋ jusulaa kono, ŋa seewoo.

Hoseya 5:14

M be ke la Efurayimu ye le ko jatoo, ŋa ke Yahuuda ye ko jata mereŋo. Nte faŋo le be ì faraŋ-faraŋ na, n si ì kuruntu, ŋa taa n na siloo la, moo te ì kanandi noo la.

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Jabuuroolu 39:10

I la busaroo daŋ n ye. I buloo laata n kaŋ ne fo n korita.

1 Mansoolu 20:36

Wo to le a ko a ye ko, “Baawo i balanta Yaawe la yaamaroo la, i be bo la jaŋ doroŋ, jatoo be i faa la.” Bituŋ kabiriŋ a bota jee a be taa siloo kaŋ doroŋ jatoo ñapita a kaŋ a ye a faa.

Jabuuroolu 7:2

Niŋ wo nte, ì jatamaalu si m faraŋ-faraŋ taariŋ, ì ye n janjaŋ, moo te n tankandi noo la.

Jabuuroolu 32:4

kaatu suutoo niŋ tiloo, i bulu laata n kaŋ kendeke le. M barakoo sulenta le, a keta komeŋ tilikandikono jaa. S

Niikuyaa Suukuwolu 3:4

Busaroo ye m balasuboo jandi le, a ye m balafuuraa fasandi jat, a ye n kuloolu teyiŋ-teyiŋ.

Yuuba 7:6

M baluu tiloolu tambiñaa le tariyaata, ka tambi daarilaŋ walaa la. Ì bee ka tambi le fo ì ye baŋ, jiki maŋ soto n na kuwo to.

Jabuuroolu 90:5

I ka hadamadiŋolu koora le, i ye ì tambindi komeŋ siiboo. Ì ka munta le ñaamoo meŋ falinta soomandaa,