Yesaya 38:12 - Mandinka Bible

¹² Ì ye n na buŋo taa m bulu le, aduŋ ì ye a kafu ñoo ma le, ko kantarilaa la jembereŋo. Ko daarilaa ka a ke ñaameŋ, ŋa n na baluwo moromoro wo le ñaama ko bayi faanoo. N kuntuta daarilaŋ dokoo bala le ko bayoo. Suuto tili, n ka tu a miira la le ko, Maariyo be naa n na baluwo daŋ na le.

Yesaya 38:12 ပူးပေါင်းရင်းမြစ်များ

Hiburunkoolu 1:12

I be ì moromoro la le ko basoo, ì ye faliŋ ko duŋ feŋo. Bari ite ka tu i ñaama le doroŋ, i maŋ dandulaa soto.”

2 Korintinkoolu 5:1

Ŋà a loŋ ne ko, ñiŋ duniyaa tiriliisoo*, m̀ be baluuriŋ meŋ kono teŋ saayiŋ, meŋ mu m̀ balajaatoo ti be toli la le, bari buŋo be pareeriŋ ǹ ye le Alla yaa. Wo buŋo maŋ dadaa hadamadiŋ buloo la, bari wo mu feŋ ne ti, meŋ be tu la Arijana kono fo abadaa.

Jabuuroolu 73:14

Luŋ-wo-luŋ koleyaa le ka n taki, aduŋ n ka jarabi le fanikee-wo-fanikee.

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.

2 Korintinkoolu 5:4

Baawo kabiriŋ m̀ be ñiŋ tiriliisoo kono, ǹ ka ŋuntaŋ ǹ na niitooroo kono le. M̀ maŋ lafi, ŋà ke bala kenseŋo ti, bari ǹ lafita ka feetoofata ǹ na Arijana taradulaa la. Bituŋ balajaatoo meŋ ka faa, baluwo si wo kunuŋ.

Yesaya 13:20

Moo te sabati la jee kotenke, moo te tara la jee jamaani naalaalu bee kono. Araabu yaayilaa te a la tiriliisoo* loo la jee, sako kantarilaa la saajii si i foñondiŋ jee.

Yesaya 1:8

Dimmusuriŋ* Siyoni* le tuta jee ko jembereŋo, yiri kankaŋo kono, ko ñantaŋ buŋo, kunkoo kono, ko niŋ ì ye saatewo meŋ suki.

Jabuuroolu 119:23

Hani maralilaalu si sii ka feeroo siti n kamma, nte be i la luwaalu karaŋ na le.

Jabuuroolu 102:11

M baluu luŋolu be baŋ na le ko wulaara dubeŋo. N ka noro le ko ñaamoo.

Jabuuroolu 31:22

N na jaakaloo kono, ŋa a miira le ko, n wafatita i ñaa koto le. Bari i ye n kumboo kaŋo moyi le, kabiriŋ ŋa i daani ka balafaa n ye.

Yuuba 17:1

N niyo korita, m baluu tiloolu be naa baŋo le la, kaburoo le ka m batu.

Yuuba 14:2

A la kuwo be le komeŋ firoo ka finti ñaameŋ, a ye naa noro. A ka yeemaŋ ne komeŋ niiniyo, a buka tu keriŋ.

Yuuba 6:9

Muŋ ne ye a tinna Alla maŋ n teyiŋ-teyiŋ, a ye m bula, ŋa faa?

Yuuba 4:20

Hadamadiŋo si tara baluwo to soomandaa, a ye faa wulaaroo ka yeemaŋ fo fawu, moolu maŋ a loŋ meŋ be keriŋ.

Jabuuroolu 90:5

I ka hadamadiŋolu koora le, i ye ì tambindi komeŋ siiboo. Ì ka munta le ñaamoo meŋ falinta soomandaa,