Yesaya 37:3 - Mandinka Bible

³ Ì ko a ye ko, “Hesekiya ko bii luŋo mu niitooroo le ti, jaraboo, aniŋ maloo. Ǹ ka munta le ko deenaanoolu mennu pareeta wuluu la, bari ì baamaa maŋ semboo soto ka ì wuluu.

Yesaya 37:3 ပူးပေါင်းရင်းမြစ်များ

Hoseya 13:13

Efurayimu ye siloo soto le ka baluu, bari ì maŋ kewuyaa. Ì be le ko deenaanoo, meŋ wuluu waatoo siita, a maŋ soŋ ka finti naŋ wuluuñaŋo kono.

Yesaya 66:9

Yaawe ko: “Fo n si a ke moo ye tara tiŋo to, a maŋ wuluu noo baŋ?” Ali la Alla ko: “Fo n si wuluuñaŋo soroŋ baŋ, niŋ moo lafita wuluu la?

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

2 Mansoolu 19:3

Ì ko a ye ko, “Hesekiya ko bii luŋo mu niitooroo le ti, jaraboo, aniŋ maloo. Ǹ ka munta le ko deenaanoolu mennu pareeta wuluu la, bari ì baamaa maŋ semboo soto ka ì wuluu.

Yesaya 33:2

Hee Yaawe*, hiina ǹ na, ŋà ǹ jikoo loo i kaŋ ne. Semboo dii ǹ na luŋ-wo-luŋ, i si ke ǹ tankandirilaa ti, ǹ na niikuyaa waatoo.

Jabuuroolu 95:8

“Ali kana ali sondomoolu jandi komeŋ ali la alifaa foloolu, mennu balanta m ma Meriba, waatoo meŋ ì be keñewuloo* kono Masa.

Jabuuroolu 91:15

Niŋ i ye n kumandi, m be n danku la i ma le. Niŋ i bulata mantooroo kono, m be tara la i fee le. M be i bondi la le, ŋa horomoo dii i la.

2 Taarika 15:4

Bari ì la bataa waatoolu la, ì ka muru Yaawe kaŋ ne, Banisirayila la Alla, ì ka a ñini, aduŋ ì ka a je.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Yesaya 22:5

Yaawe* Alihawaa Maariyo* ye luŋo le soto, maakaŋo be ke la waatoo meŋ na, ka i tuu moolu kaŋ aniŋ ka tara silaŋo kono, wulumbaŋo kono, ŋa meŋ je jeroo kono. A luŋo la, ì be tata sansaŋolu junku la le ka ì teyi, moolu si tara kumboo la maakoyiroo la, fo a maakaŋo ye futa konkoolu kaŋ.

Hoseya 5:15

M be muru la n noo to le, fo janniŋ ì be ì la boyidaalu je la, ì ye n ñini. Ì la niikuyaa kono, ì be maakoyiroo ñini la m bulu le.”

Yeremiya 30:7

Kooni! Wo le be ke la luŋ baa ti. A ñoŋo te soto la. A be ke la Yaakuba koomoo ye jarabi waatoo le ti, bari ì be kiisa la a kono le.”

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yesaya 66:7

“Janniŋ tiŋo ka musoo maa, a si wuluu, janniŋ dimoo ka duŋ a la, a ye dinkewo wuluu.

Hoseya 5:9

Yankankatoo luŋo la, Efurayimu be ke la tumbuŋo le ti. Banisirayila lasiloolu, ŋa meŋ bankee ali la kuwo to, wo be ke la le.

Yesaya 29:2

Bari hani wo, m be toora kuwo naati la Ariyeli kaŋ ne. A si kumboo a ye woosii, a si ke n ye komeŋ sadaajanidulaa*.