Yesaya 32:6 - Mandinka Bible

⁶ Kaatu toolewo ka tooleeyaa diyaamoo le ke, aduŋ a sondomoo ka tara feeroo le siti kaŋ, ka kuu jawoo baara. A buka tara Alla la kuu to, aduŋ a ka kuu sotobaloo le fo Yaawe* la karoo la. A ka konkotoo konkoriŋo tu jee le, a ka mindootoo bali jiyo la.

Yesaya 32:6 ပူးပေါင်းရင်းမြစ်များ

Matiyu 15:19

Kaatu miira jawoolu ka bo sondomoo le kono, moofaa, jeenoo, laañooyaa tuluŋo, suuñaaroo, seedenduriyaa aniŋ tooñeeroo.

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Yesaya 3:15

Ali ye muŋ kuu le ke teŋ, ka n na moolu mantoora aniŋ ka fuwaaroolu halaki?” Yaawe Alihawaa Maariyo le ye a fo.

1 Samuweli 24:13

Kuma kotoomaa meeriŋo ye ñiŋ ne fo ko, ‘Moo jawoolu doroŋ ne ka kuu jawoolu ke.’ Bari nte buloo te i maa la.

Yankuba 1:27

Alla batu senuŋo meŋ maŋ sootaaroo soto m̀ Faamaa Alla ñaatiliŋo la, wo mu ka aliyatiimoolu niŋ furuyaamusu bataariŋolu topatoo ì la suuloolu kono, aniŋ ka fata ñiŋ duniyaa kosoo la.

Amosi 8:6

Hani siimaŋ kese fuufulewolu, ali ka ì waafi le. Ali ye fuwaaroolu saŋ joŋolu ti, kaatu ì maŋ ì la juloolu joo noo, hani juloo meŋ te tambi la samata soŋo la.

Yeremiya 13:23

Fo Kusinkoo* si a balafatoo yelemandi noo baŋ, waraŋ soloo ye a baloo tompoolu yelemandi noo? Niŋ wo keta, wo to ite si kuu kendoo ke noo, ite meŋ dalita kuu kuruŋ kewo la.

Yesaya 9:17

Wo le ye a tinna Yaawe maŋ kontaani ì la fondinkewolu la kuwo la, waraŋ ka balafaa ì la aliyatiimoolu ye, aniŋ furuyaamusoolu. Kaatu ì bee ye ì koo dii Alla la le, aduŋ kuu kuruŋ kelaalu le mu ì ti, ì bee ka kuma jawoo le fo. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Kuma Kotoomaalu 19:3

Moo faŋo la tooleeyaa le ka a duŋ kasaaroo kono, bari hani wo, a ka a laa Yaawe* le kaŋ.

Jabuuroolu 141:4

N sondomoo kaarindi kuu jawoo ma, n kana m faŋ duŋ kuu jawu kewo to, ka bo niŋ moolu kafuñooyaa la, mennu ka junuboo ke. N tanka ñiŋ ma ka kafu ì ma ì la bidaŋ domoroolu to.

Kuma Kotoomaalu 24:7

Ñaameŋo la kuwo warabaata toolewo ye le, saatee beŋo to, a buka feŋ soto, a be meŋ fo la.

Yesaya 10:2

ka fuwaaroolu bali ì la hakoo la, ka fentaŋolu la tooñaa nakari, ka furuyaamusoolu la feŋolu ñapinkaŋ, aniŋ ka aliyatiimoolu le feŋolu suuñaa.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 26:10

Niŋ kuruŋolu ka hiinoo soto, ì buka tilimmaañaa karaŋ. Hani bankoo meŋ ka tiliŋo taamandi, itolu ka tu kuu kuruŋ kewo doroŋ ne la, ì buka ite Yaawe la mansabaayaa muta feŋ ti.

Yesaya 31:2

Bari Yaawe le ñaamenta, a si maasiiboo naati. A ye meŋ fo, a buka a baayi. A be wuli la moo jawoolu kamma le, aniŋ moolu mennu ka kuu kuruŋ kelaalu maakoyi.

Yesaya 59:7

Ì tariyaata junube kuu kewo la le, ì ka hawuji ka moo faa meŋ maŋ kuu ke. Miira jawoo le ka tara ì sondomoo kono, tiñaaroo niŋ kasaaroo mu ì taaraŋ buloo ti.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Daniyeli 12:10

Moo jamaa be janku la le, ì ye seneyaa Alla la karoo la. Bari moo jawoolu be jawuyaakuu la le, aduŋ ì te ñiŋ kuwolu fahaamu la. Bari moolu mennu ñaamenta, wolu be fahaamuroo ke la le.

Esekiyeli 34:18

Fo ali maŋ wasa ka i baluu dulaa kendiŋo to baŋ? Fo ali ka wo ñaamoolu bee doriŋ-doriŋ mennu be ali la daañini dulaalu to? Fo ali maŋ wasa ka i miŋ jii seneyaariŋo la baŋ? Fo ali ñanta wo jiyo duundi la niŋ ali siŋolu la le baŋ?