Yesaya 32:5 - Mandinka Bible

⁵ Ì te toolewo kumandi la moo kummaa la kotenke, sako ka tapalewo buuñaa.

Yesaya 32:5 ပူးပေါင်းရင်းမြစ်များ

Yesaya 5:20

Kooroo be wo moolu ye, mennu ka kuu jawoo kumandi kuu betoo la, aniŋ kuu betoo, kuu jawoo la, ka diboo yelemandi maloo ti, aniŋ ka maloo ke diboo ti, ka kuniyaa yelemandi timiyaa ti, aniŋ ka diimaa ke kuumaa ti.

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Jabuuroolu 15:4

A ka junubentuŋolu koŋ ne, bari a ka moolu horoma le mennu ye Yaawe kuliyaa. A ka a la laahidoo muta le, a si dimiŋ a fee ñaa-wo-ñaa.

1 Samuweli 25:25

M maarii, kana Nabali, wo moo jawoo danku. A munta le ko a too, a too kotoo mu moo kuntaŋo le ti, a niŋ a la kuntaŋyaa ye taa. Bari nte la karoo la, m maŋ kewolu je ite ye mennu kii.

Jabuuroolu 12:8

Ì ka tara ŋaañaa la karoo bee le la, bayiri moolu ka kuu jawoo le kidimandi.

Yesaya 32:7

Tapalewo ka tapaleeyaa doroŋ ne taamandi, aniŋ ka kuu jawoo kurukuru. A ka fuwaaroolu kasaara a la faniyaa kumoo le la, hani a ye a tara wo fentaŋolu be tooñaa siloo le kaŋ.