Yesaya 32:2 - Mandinka Bible

² Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 32:2 ပူးပေါင်းရင်းမြစ်များ

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Yesaya 44:3

Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.

Jakariya 13:7

Yaawe Alihawaa Maariyo ye ñiŋ ne fo ko: “Hawusari*, kuniŋ i ye wuli n na kantarilaa kamma, wuli a kamma, n na moo sutuŋo le mu. A seyi, saajiyolu ye janjaŋ. Hani domandimmaalu faŋo, m bulu be laa la ì kaŋ ne.”

Yesaya 43:20

Wulakono daafeŋolu ye m buuñaa le, hani kunkuwuloolu niŋ kiikiyaŋolu, bayiri ŋa jiyo ke keñewuloo* kono le, aniŋ dulaa jaariŋolu, ka jiyo dii n na moolu la, ŋa mennu tomboŋ,

Yesaya 41:18

M be baajiyo wutundi la konko jaaroolu kaŋ ne, ŋa wulumbaŋolu bee ke woyoolu ti. M be keñewuloo* yelemandi la daloolu le ti, bankoo dulaa jaaroolu ye ke woyoolu ti.

Yesaya 7:14

Saayiŋ Maariyo faŋo le be taamanseeroo dii la ali la. Ali a juubee, sunkutoo be konoo taa la le, aduŋ a be dinkewo le wuluu la. A be a toolaa la Immanuweli le la.

Jabuuroolu 143:9

Hee Yaawe, n tanka n jawoolu ma, ŋa tankoo ñini ite le fee.

Lankenemoo 22:1

Bituŋ malaayikoo ye boloŋo yitandi n na, meŋ jiyo ka baluwo dii. A be faramansariŋ ne ko weeri foroo. A naata ka bo Alla niŋ Saajiiriŋo la mansasiiraŋo koto.

1 Timoti 3:16

A koyita le ko, ǹ na lannoo kulloo warata le: A naata hadamadiŋyaa le kono, a la tiliŋo yitandita ka bo niŋ Noora Kuliŋo le la. Malaayikoolu le ye a je, a la kuwo kawandita nasiyoŋolu kono. Lannoo keta a la kuwo to ñiŋ duniyaa kono, a wulindita ka taa santo, kallankeeyaa* kono.

Yohana 7:37

Juuraloo luŋ labaŋo la, meŋ mu a luŋ baa ti, Yeesu wulita, a sarita santo ko, “Mindoo be meŋ na, a si naa nte kaŋ ka i miŋ.

Yesaya 28:17

M be tiliŋo le ke la sumandaŋ juloo ti, tooñaa ye ke buŋ looraŋ juloo ti. Samberoo be ali la tuukuraŋo tiñaa la le, meŋ mu faniyaa ti, aduŋ ali be semberiŋ meŋ na, waamoo le be jee samba la.”

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

Jabuuroolu 91:1

Moo-wo-moo be sabatiriŋ Alla Sembetii Baa la suturoo kono, aduŋ a tarata Alla Tallaa la tankoo kono,

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Yesaya 16:3

Mowabinkoolu ko, “Ali ǹ yaamari, tiliŋo ye tara ǹ teema. Niŋ tiloo be kandiriŋ, ali dubeŋo dii ǹ na ko wulaara sumaa. Ali keleborilaalu maabo, ali kana borimoolu jamfaa.

Yesaya 43:19

Ali a juubee, m be kuu kutoo le ke kaŋ. A be keriŋ ne saayiŋ, fo ali maŋ a je baŋ? M be siloo parendi kaŋ keñewuloo* kono le, ŋa woyoolu ke ali ye dulaa jaariŋolu to.

Yeremiya 33:14

Yaawe ye ñiŋ ne fo ko: “Luŋolu be naa le, tuma meŋ m be n na laahidoolu timmandi la Banisirayila niŋ Yahuuda ye.

Niikuyaa Suukuwolu 4:20

Teŋ neŋ, ì ye ǹ na baluwo topatoolaa muta, Yaawe la tomboŋ mansakewo, ì la dinkoolu kono, ǹ ka a fo meŋ ye nuŋ ko, banku koteŋolu si a je, a ye ke ǹ ye dubeŋo ti, aniŋ ǹ tankadulaa.