Yesaya 32:12 - Mandinka Bible

¹² Ali ali sisoo lipa niitooroo kamma, kaatu kene jambandiriŋo kasaarata le, aniŋ wayini yiri kankaŋolu.

Yesaya 32:12 ပူးပေါင်းရင်းမြစ်များ

Nahumu 2:7

A be laariŋ wo le ñaama ko, ñiŋ saatewo moolu ñanta ke la dooyaa moolu le ti, ì ye tara mutoo kono, a jommusoolu ye woosii ko puraa, ì ye ì sisoolu lipa niikuyaa kamma la.

Esekiyeli 20:15

Bari ŋa n kali ì ye keñewuloo kono le ko, n te itolu samba la wo bankoo kaŋ, ŋa ì laahidi ka meŋ dii ì la, keekewo niŋ liyo ka woyi daameŋ, aduŋ jee le naata ke banku ñiimaa baa ti meŋ maŋ ñoŋ soto duniyaa bee kono.

Esekiyeli 20:6

Wo luŋo la, ŋa n kali ì ye le ko, m be ì bondi la naŋ Misira bankoo kaŋ ne, ŋa ì samba bankoo kaŋ, ŋa daameŋ tomboŋ ì ye, keekewo niŋ liyo ka woyi daameŋ, banku ñiimaa baa, meŋ maŋ ñoŋ soto duniyaa kono.

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Yesaya 32:13

Ŋaniŋ sutoolu le be faliŋ kaŋ n na moolu la bankoo kaŋ. Ali woosii moolu la kuwo la, mennu be kontaaniriŋ nuŋ saatee seewooriŋo kono.

Yesaya 24:1

Saayiŋ Yaawe* pareeta le, ka duniyaa tumbuŋ aniŋ ka a kenseŋyandi. A be bankoo yelemandi la le, a ye a moolu janjandi.

Yesaya 24:7

Wayini* yiroo si jaa, wayinoo ye manki, juuralilaalu ye sunu.

Yoweli 1:7

Ì ye n na wayini yiroolu kenseŋo londi, ì ye n na sooto suŋolu faraŋ-faraŋ, ì ye ì fatoolu woto ka ì fayi duuma, fo ì buloolu koyita.