Yesaya 30:9 - Mandinka Bible

⁹ Ñinnu mu balannaalu le ti, moolu mennu ka faniyaa fo. Ì buka paree ka i lamoyi Yaawe la yaamaroo la.

Yesaya 30:9 ပူးပေါင်းရင်းမြစ်များ

Yesaya 30:1

Yaawe* ye a bankee le ko: “Kooroo be boyi la n na ñiŋ dindiŋ balannaalu kaŋ ne, moolu mennu ka ì fansuŋ feeroolu taamandi mennu maŋ ke n taa ti, ka kambeŋo siti meŋ maŋ ke n na lafoo ti, ka junuboo sapi ñoo kaŋ.

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

Kiilaalu 7:51

“Alitolu moo kuŋ jaaroolu! Ali sondomoolu niŋ ali tuloolu sukita le. Ali ka tu balandiŋ Noora Kuliŋo ma le waati-wo-waati. Ali mumuñolu ka meŋ ke nuŋ, ali fanaa be wo le ke kaŋ.

Sefaniya 3:2

Saatewo meŋ, a buka yaamari muta, dandalaaroo, a buka wo moyi, a maŋ a jikoo loo Yaawe* kaŋ, a maŋ soŋ ka a ñaa tiliŋ Alla la.

Yesaya 1:4

Kooni, banku junubelaa baa, moolu, junuboo dunimaa be mennu kunto! Ali bota kuu kuruŋ kelaalu le bala, ali ka sila kuruŋo le taama, ali ye ali ñaa kaasi Yaawe la, ali jututa Banisirayila la Senuŋ Baa la, ali ye ali koo dii a la.

Kuma Kotoomaalu 28:9

Moo-wo-moo balanta ka luwaa nooma, hani a la duwaa faŋo konta le.

Lankenemoo 22:15

Bari wuloolu niŋ batuutaatiyolu le be a banta la, ì niŋ laañooyaa tulunnaalu, moofaalaalu, jalambatulaalu, aniŋ moolu mennu ye faniyaa foo kanu, aduŋ ì ka loo wo kaŋ.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yeremiya 7:13

Alitolu ye wo ñoŋ kuu jawoolu le ke tukuŋ. N tuta diyaamu la ali ye le, bari ali maŋ i lamoyi n na. Ŋa ali kumandi le, bari ali maŋ soŋ na n danku la.” Yaawe le ye a fo.

Yesaya 63:8

A ko: “Tooñaa-tooñaa, n na moolu le mu, m faŋo diŋolu, mennu te n neenee la.” Bituŋ a keta ì la kiisandirilaa ti.

Yesaya 28:15

Ali kibirita le ka a fo ko, ali niŋ saayaa ye kambeŋo le siti, ali niŋ kaburoo fanaa denta kaŋ na. Niŋ kasaaroo feeneeta naŋ, ali be tanka la a la le, kaatu ali ye faniyaa le ke ali la tuukuraŋo ti, tooñaafobaliyaa le keta ali la semberaŋo ti.

Yesaya 1:10

Alitolu Yerusalaamunkoolu, ali niŋ ali la maralilaalu ka munta le ko Sodomu niŋ Komorankoolu! Ali ali tuloo loo Yaawe la kumoo la! Ali ali hakiloo tu ǹ na Alla la luwaa to!

2 Taarika 33:10

Yaawe ye Manase niŋ a la moolu dandalaa, bari ì maŋ ì tuloo loo a la.

5 Musa 32:20

A kumata ko, “M be m maabo la ì ma le, ŋa ì labaŋo juubee, jamaani jenkeriŋolu le mu ì ti, moolu le mu ì ti, foroyaa te mennu bala.

Jabuuroolu 78:8

Wo be a tinna le ì te ke la ko ì mumuñolu, wolu mennu mu kanjaaroolu ti, aniŋ balannaalu. Ì keta moolu le ti dankeneyaa te mennu sondomoo to, foroyaa te ì kono Alla la kuwo to.

Yesaya 1:2

Saŋ fatoo, i lamoyi! Bankoo, i tuloo loo! Kaatu Yaawe* le ka naa diyaamu. A ko, “Ŋa dindiŋolu kuluu le fo ì menta, bari ì ye balaŋo le tiliŋ n na.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Yesaya 24:5

Moolu ye bankoo kosondi, kaatu ì ye Alla la karandiroo soosoo le. Ì maŋ bula a la yaamaroolu nooma, ì ye a la badaa-badaa kambeŋo tiñaa.

Yesaya 65:2

Tiloo muumee n ka m buloo tiliŋ m faŋo la moolu ye le, mennu ka balaŋ m ma, ì maŋ tara sila kendoo kaŋ, ì ka tara bulariŋ ì fansuŋ miiroolu nooma.

Yeremiya 35:14

A ko: “Yaamaroo meŋ Rekabu dinkewo Yonadabu ye a dii a koomalankoolu la ko, ì kana wayinoo miŋ, ì ye a muta le. Ì buka wayinoo miŋ ka naa bula fo bii la, kaatu ì ye ì la alifaa foloo la yaamaroo le muta. Nte tuta diyaamu la alitolu ye le, bari ali maŋ soŋ ka i lamoyi n na.

Esekiyeli 24:3

Mansaaloo fo ñiŋ moo muritiriŋolu ye, a fo ì ye, nte Yaawe ì Maariyo ye ñiŋ ne fo ko: Kaleeroo parendi, a parendi, i ye a jonki taa to, i ye jiyo ke a kono.

Jabuuroolu 81:12

Bituŋ ŋa ì tu ì la sondome jaa kaŋ, ka bula ì fansuŋ yaamaroolu nooma.

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 48:4

Bayiri ŋa a loŋ ne ko, ali mu moo kuŋ jaariŋ baalu le ti, ali kaŋolu be jaariŋ ko newo, ali kuŋolu be bambandiŋ ko jaawaloo.

Yeremiya 7:28

Wo to i si ñiŋ fo ì ye ko, itolu le mu bankoo ti meŋ balanta Yaawe ì la Alla la kumoo muta la, aduŋ ì maŋ soŋ a la kuluuroo la. Tooñaa yeemanta ì kono le fereŋ. Daa le faŋo buka a fo.