Yesaya 30:4 - Mandinka Bible

⁴ Ì la kiilaalu futata Misira bankoo kaŋ ñaa-wo-ñaa, Sowani niŋ Hanesi saatewolu to,

Yesaya 30:4 ပူးပေါင်းရင်းမြစ်များ

Yesaya 19:11

Sowani maralilaalu maŋ ke feŋ ti fo toolewolu. Firawoona la moo ñaamendiŋolu ka yaamari nafantaŋo le dii. Ì be a fo la noo Firawoona ye ñaadii le ko, itolu mu moo ñaamendiŋolu la karandiŋolu le ti, mansa foloolu koomalankoolu?

Yeremiya 43:7

Moolu maŋ Yaawe la kumoo muta, ì taata Misira bankoo kaŋ. Ì taata fo ì futata Tapanesi saatewo to.

Yesaya 57:9

I ye tuloo maa aniŋ ka karabaanijiyo junjuŋ i bala ka taa Moleki jalaŋo batu. I ka kiilaalu kii le fo dulaa jaŋ. I ka ì kii le hani fo fureeduu.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

Esekiyeli 30:18

Wo luŋo be ke la luŋ dibiriŋ ne ti Tapanesi saatewo kono, niŋ ŋa Misirankoolu la kaŋo niŋ ì semboo bee tiñaa ì bulu, ì ye mennu soto bankoo doolu kunto. I si a je, ì la faŋ waroo meŋ ye a tinna ì ka kibiri, si daŋ. A be ke la diboo waatoo le ti Misira bankoo kaŋ, aniŋ a wo moo toomaalu ye taa mutoo kono.

Esekiyeli 30:14

M be Patirosi ke la tumbuŋo le ti, ŋa dimbaa duŋ Sowani saatewo la, ŋa n na kiitiyo taamandi Tebesi saatewo kaŋ ka ì halaki.

2 Mansoolu 17:4

Bari Asiriya mansa naata a loŋ ko, Hoseya ye a jamfaa le, kaatu a ye kiilaalu kii Mansa So yaa le, Misira mansa, ka maakoyiroo daani a bulu. Hoseya balanta le fanaa ka naamoo joo Asiriya mansa yaa, ko a dalita ka a joo a yaa ñaameŋ saŋ-wo-saŋ. Wo kamma la Asiriya mansa ye a muta, a ye a soroŋ buŋ jawoo kono.

4 Musa 13:22

Ì taata niŋ Nekefu tundoo le la ka naa Heburoni saatewo to, daameŋ Anaki koomalankoolu, Ahimani, Sesayi, aniŋ Talimayi be sabatiriŋ jee. Heburoni loota le sanji woorowula janniŋ Sowani ka loo Misira.

Jabuuroolu 78:12

Ì mumuñolu ye a je le a ye kaawakuwolu mennu ke Sowani kene fanuŋolu kono, Misira bankoo kaŋ.

Yeremiya 49:14

Ŋa Yaawe la kiilaariyaa kumoo moyi le, kiilaa kiita bankoolu kaŋ ko: “Ali kafu ñoo ma ka taa Edomu kele, ali ye wuli a kamma keloo la!”

Obadiya 1:1

Maarii Yaawe* ye ñiŋ ne lankenemayandi Obadiya ma Edomu la kuwo to. Ŋà Yaawe la kiilaariyaa kumoo moyi le, aduŋ kiilaa kiita bankoolu kaŋ ne ka a fo ko, “Ali wuli ŋà taa Edomu kele.”