Yesaya 30:3 - Mandinka Bible

³ Bari Firawoona la maakoyiroo be naa ke la ì ye malu kuwo le ti, Misira la tankoo si naa ke ì ye dooyaaroo ti.

Yesaya 30:3 ပူးပေါင်းရင်းမြစ်များ

Yesaya 20:5

Mennu laata Kusinkoolu la, aniŋ ka kibiri Misira la kuwo la, si jikilateyi, ì ye duŋ maloo kono.

Roomankoolu 10:11

A be safeeriŋ ñiŋ kuwo to le ko: “Moo-wo-moo meŋ laata ate la, wo te malu la muk.”

Roomankoolu 5:5

Jikoo buka bo ǹ koto, kaatu Alla le ye ǹ sondomoolu fandi niŋ a la kanoo la ka bo niŋ Noora Kuliŋo la, a ye meŋ dii ǹ na.

Yesaya 36:6

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

2 Mansoolu 18:21

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

Jabuuroolu 108:12

Dukaree, m̀ maakoyi ǹ jawoolu to, kaatu hadamadiŋo la maakoyiroo mu kenseŋ ne ti.

Yesaya 20:6

Wo luŋo la, baadaa borindoo siilaalu be a fo la le ko, ‘A juubee meŋ keta moolu la, m̀ be jikiriŋ mennu la, ǹ ka bori mennu yaa maakoyiroo la, ka ǹ tanka Asiriya mansa bulu. Saayiŋ ntolu be kana la ñaadii le?’ ”

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Yeremiya 42:18

“Yaawe Alihawaa Maariyo, Banisirayila la Alla le ye ñiŋ fo ko: ‘N na kamfaa niŋ n na jusukandoo kupita Yerusalaamu moolu kaŋ ñaameŋ, m be a kupi la ali fanaa kaŋ wo le ñaama, niŋ ali taata Misira. Ali be ke la moolu ye danka moolu le ti, ali la kuwo ye ke kijabo kuwo ti, ka ke jutunna moo ti, aniŋ jelefeŋo, aduŋ ali ñaa te loo la ali la bankoo kaŋ kotenke.’

Yeremiya 42:22

Wo to saayiŋ, ali si ñiŋ loŋ a ye koyi ali ma ko, ali be faa la niŋ hawusaroo le la, konkoo, aniŋ alibalaa kuuraŋo wo dulaa to, ali be lafiriŋ ka taa sabati daameŋ.”

Hoseya 10:6

Ñiŋ jalaŋo be taa Asiriya le, a be dii la mansakee baa ye naamoo le ti. Efurayimu* be bula la malu kuwo le kono, Banisirayila la feeroo ye a duŋ dooyaa kono.

Kuma Kotoomaalu 25:19

Komeŋ ñiŋ kaatibaloo waraŋ siŋ lanjuururiŋo, wo le mu teeri tilimbaloo ti, i be i jikoo loo la meŋ kaŋ bataa waatoo.

Yeremiya 46:25

Yaawe Alihawaa Maariyo, Banisirayila la Alla ye ñiŋ ne fo ko: “A juubee, m be Misirankoolu la jalaŋo Amoni kuluu la le, meŋ be Tebesi saatewo to, aniŋ ñinnu bee: Misira bankoo niŋ a jalaŋolu bee, aniŋ a maralilaalu, ka taa Firawoona, aniŋ mennu bee be jikiriŋ a la.

Esekiyeli 29:7

Niŋ ì ye i muta ka tintiŋ a la doroŋ, i si kati ì bulu, fo ì daboolu ye bo. Niŋ ì sembeta i la doroŋ, i ye kati ì bulu, fo ì koolu ye kati.”