Yesaya 30:2 - Mandinka Bible

² Ì ka taa Misira, ì buka n na yaamaroo ñini, ka taa maakoyiroo ñini Firawoona bulu, fo ì si tara Misira la tankoo koto.

Yesaya 30:2 ပူးပေါင်းရင်းမြစ်များ

Yesaya 36:6

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

Yeremiya 43:7

Moolu maŋ Yaawe la kumoo muta, ì taata Misira bankoo kaŋ. Ì taata fo ì futata Tapanesi saatewo to.

4 Musa 27:21

A ñanta loo la Piriisi Eleyasa le ñaatiliŋo la, wo le be ñininkaaroo ke la a ye niŋ Urimu la, nte Yaawe ñaatiliŋo la. A la kumoo kaŋ, a niŋ Banisirayila jamaa be finti la wo le la, aduŋ ì be duŋ na wo le fanaa la.”

Niikuyaa Suukuwolu 4:20

Teŋ neŋ, ì ye ǹ na baluwo topatoolaa muta, Yaawe la tomboŋ mansakewo, ì la dinkoolu kono, ǹ ka a fo meŋ ye nuŋ ko, banku koteŋolu si a je, a ye ke ǹ ye dubeŋo ti, aniŋ ǹ tankadulaa.

Yeremiya 42:20

Ali ye ali faŋolu neenee jawuke le. Alitolu le ye n kii Yaawe, ali la Alla kaŋ, ali ko ŋa duwaa ka Yaawe daani ali ye, aduŋ ali ko a ye feŋ-wo-feŋ fo, n si a fo ali ye, ali be a ke la le.

Yeremiya 42:2

Ì ko n ye ko, “Dukaree, i lamoyi ǹ na daaniroo la, i ye duwaa ka Yaawe* i la Alla daani ntolu ñiŋ moo toomaalu ye. Ko i faŋo ñaa be ǹ na teŋ ñaameŋ, ntolu jamaa le mu nuŋ, bari saayiŋ ǹ tooriŋ doroŋ ne tuta.

Yeremiya 37:5

Wo waatoo la, Misira mansakewo Firawoona la kelediŋ kafoo le wulita ka bo naŋ Misira. A ye a tara le Babiloni kelediŋolu ye Yerusalaamu murubeŋ, ì ye a suki. Kabiriŋ ì ye a moyi ko, Misira kelediŋolu le ka naa ì kaŋ, ì ye Yerusalaamu bula, ì taata.

Yeremiya 21:2

“Dukaree, Yaawe ñininkaa ǹ ye, kaatu Babiloni mansakewo Nebukanesa be pareeriŋ ne ka m̀ boyinkaŋ keloo la. Tumandoo Yaawe be kaawakuwo ke la ǹ ye le ko, a ye a ñoŋ jamaa ke ñaameŋ koomanto. Niŋ wo keta, a be muru la a koo la le ka fata m̀ ma.”

Yesaya 36:9

Wo to ate si balaŋ noo hani kelediŋ kiliŋ ma baŋ, meŋ na kuwo dooyaata m maarii la kelediŋ kuntiyolu bee ti, niŋ a ye a tara a be jikiriŋ Misira bankoo le la, ka keleraŋ sareetoolu* niŋ suuborindilaalu soto?

Yesaya 18:1

Kooni, wo bankoo, meŋ na basakuluŋolu be tariyaariŋ, meŋ be Kusi* boloŋolu kankuŋ doo la,

Yesaya 16:3

Mowabinkoolu ko, “Ali ǹ yaamari, tiliŋo ye tara ǹ teema. Niŋ tiloo be kandiriŋ, ali dubeŋo dii ǹ na ko wulaara sumaa. Ali keleborilaalu maabo, ali kana borimoolu jamfaa.

2 Mansoolu 17:4

Bari Asiriya mansa naata a loŋ ko, Hoseya ye a jamfaa le, kaatu a ye kiilaalu kii Mansa So yaa le, Misira mansa, ka maakoyiroo daani a bulu. Hoseya balanta le fanaa ka naamoo joo Asiriya mansa yaa, ko a dalita ka a joo a yaa ñaameŋ saŋ-wo-saŋ. Wo kamma la Asiriya mansa ye a muta, a ye a soroŋ buŋ jawoo kono.

1 Mansoolu 22:7

Bari Yehosafati ye ñininkaaroo ke ko, “Fo annabiyomu doo koteŋ te jaŋ ǹ si Yaawe la yaamaroo ñininkaa noo meŋ bulu?”

Kiitindirilaalu 9:15

“Ŋaniŋ suŋo ko yiroolu ye ko, ‘Niŋ a ye a tara ali lafita nte le toloo la ka ke ali la mansa ti, wo to ali naa ali faŋ karafa n dubeŋo koto. Niŋ wo nte, dimbaa si bo m bala, a ye Libanooni sedari* yiroolu bee mala!’

Yosuwa 9:14

Bituŋ Banisirayila kewolu ye ì la domoroo doolu muta. Bari ì maŋ Yaawe ñininkaa kuwo ñiŋ to.

5 Musa 28:68

Yaawe si a ke, ali ye baa teyi kuluŋolu la ka muru Misira bankoo kaŋ, a ye ali laahidi nuŋ ko a te soŋ na ali ye muru daameŋ to kotenke. Aduŋ ali si a kata ka ali faŋ waafi ali jawoolu ma jee joŋolu ti, bari hani moo kiliŋ te ali saŋ na.

2 Mansoolu 18:21

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

Yesaya 8:19

Saayiŋ moo doolu ko, ali ñanta taa la furee kumandilaalu niŋ juubeerilaalu le yaa, wo ŋunuŋunulaalu niŋ dukudukulaalu. Fo moolu maŋ ñaŋ na taa la ì la Alla le yaa ñininkaaroo la? Muŋ ne ye a tinna ali ka furewolu kumandi baluuriŋolu la kuwo kamma?

Yeremiya 2:18

Silaŋ, i be muŋ nafaa le soto la ka taa Misira, ka i miŋ Nayili Boloŋo jiyo la? I be muŋ nafaa le soto la ka taa Asiriya, ka i miŋ Yufurati Boloŋo jiyo la?

Yeremiya 42:14

Niŋ ali ka a fo ko: ‘Hanii, ntolu be taa Misira bankoo kaŋ ne, kele te boyi la ǹ kaŋ daameŋ, sako ka kelebina feekaŋo moyi, waraŋ konko si m̀ muta, aduŋ ǹ si sabati jee.’

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Hoseya 8:9

Ì taata le fo Asiriya maakoyiri ñinoo la, ko faloo, meŋ maŋ dali, ì be yaayi la ì faŋ ma. Efurayimu* ye soorifeŋolu bondi ka kanuntewolu soto.

Hoseya 8:10

Hani ì si ì faŋ waafi banku koteŋolu to, n si ì kafu naŋ ñoo ma. Asiriya mansa ye ì toorandi, fo ì ye ŋuntaŋ.