Yesaya 3:26 - Mandinka Bible

²⁶ Saatee dundaŋ daa faŋo be woosii la le ka kumboo, saatewo faŋo be muluŋ na le ko musoo, meŋ kiideeriŋo be siiriŋ bankoo to.

Yesaya 3:26 ပူးပေါင်းရင်းမြစ်များ

Niikuyaa Suukuwolu 2:10

Kooroo keta, Siyoni saatewo alifaalu siita bankoo le to deyoo kono, ka buutoo fayi ì kuŋolu kaŋ, ì ye booto funtoolu duŋ niikuyaa kamma. Yerusalaamu sunkutoolu ñoyita, ì ye ì foŋo loo bankoo to.

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

Niikuyaa Suukuwolu 1:4

Daalaata Siyoni* ma, a la mbeedoolu bee be kumboo kaŋ, kaatu moo buka naa Alla batu juuraloolu to. A saatee dundaŋ daalu* kenseŋyaata, saatee alifaalu la bendulaa, a batudulaa ñaatonkoolu be woosii kaŋ. A sunkutoolu niŋ tooroo, ì be niikuyaa jawoo faŋo le kono.

Yuuba 2:13

Ì siita a fee bankoo to jee fo tili woorowula, aniŋ suuto woorowula, moo maŋ hani kuma fo a ye, kaatu ì ye a je le ko, bataa kuwo meŋ be a kaŋ, wo semboo warata baake le.

Luka 19:44

Ì be i kasaara la le, i niŋ i diŋolu mennu be i fee. Ì te hani bere kiliŋ tu la laariŋ ñoo kaŋ, kaatu i maŋ a suutee, Alla la kiisoo naata i kaŋ waatoo meŋ na nuŋ.”

Esekiyeli 26:16

I la mansoolu mennu bee be baadaa borindoo la, be jii la ì la mansasiiraŋolu kaŋ ne, ì ye ì la dendika baalu niŋ ì la soobayoolu wura, aduŋ maasiiboo le be tara la ì ye karoo bee la. Ì be sii la bankoo le to duuma, ì ye tara silaŋo kono waatoo bee la, aduŋ ì bee be jaakali la le meŋ keta i la.

Yuuba 2:8

Yuuba ye fenkeŋ teleŋo taa, a siita seebuutoo kono, ka a faŋ suusaa.

Yesaya 47:1

Yaawe* ko: “Ite Sunkutoo Babiloni, sii buutoo kono, Dimmusuriŋ* Babiloni, wuli i la mansasiiraŋo kaŋ, i ye sii bankoo to. Ì te i kumandi la yele mereŋo la kotenke, waraŋ sunkutu ñiimaa.

Matiyu 11:17

ko, ‘Ŋà footaŋo fee ali ye le, bari ali maŋ i doŋ. Ŋà saŋo woosii, bari ali maŋ kumboo!’

Yesaya 6:11

Wo to le n kumata ko, “Hee Maariyo! Fo waati jumaa?” A ye n jaabi ko, “Fo niŋ saatewolu tumbunta, moo maŋ tara ì kono, fo niŋ buŋolu kenseŋyaata, kunkoolu ye tiñaa aniŋ ka kasaara,

Yesaya 14:31

Saatee dundaŋ daalu, ali wuuri santo! Saatewo ye lemba! Alitolu Filisitinkoolu, ali bee kijoo ye ali fara! Kankaŋ baa le ka bo naŋ maraa karoo la, aduŋ kelediŋ te wo kafu baa kono meŋ be tu la kooma.

Yesaya 29:2

Bari hani wo, m be toora kuwo naati la Ariyeli kaŋ ne. A si kumboo a ye woosii, a si ke n ye komeŋ sadaajanidulaa*.

Yesaya 33:9

Bankoo be sunu la le komeŋ hadamadiŋo, a ye tiñaa. Hani Libanooni yiri sutoolu be malu la le, ì ye jaa. Saroni kunku betoolu be muluŋ na le ko keñewuloo*, Basani niŋ Karimeli yiroolu bee be ì jamboolu joloŋ na le.

Yeremiya 15:8

M be ì la furuyaamusoolu yaatewo siyandi la le, ka tambi baa daala keñoo la. Tilibula baa, m be tiñaarilaa le naati la, ŋa ì la fondinkewolu kerekere faa, ì baañolu ye ŋayibe. M be niikuyaa niŋ kijafaroo boyi la ì kaŋ ne kataba kiliŋ.

Niikuyaa Suukuwolu 1:1

Ayiwaalii, ñiŋ saatewo le kiideeriŋo be siiriŋ teŋ, meŋ be faariŋ nuŋ moolu la tep! A naata ke furuyaamusoo ti teŋ, meŋ na kuwo warata nuŋ bankoolu kono! Ate meŋ keta saatewolu kono musumansoo* ti, a naata ke jommusoo ti.

Niikuyaa Suukuwolu 2:8

Ite Yaawe le hameta ñiŋ na, ka Siyoni saatee tata sansaŋolu boyi. I ye a sumaŋ wo kamma le, i maŋ hani i buloo talaa ka a kasaara, i ye a boyinkaŋ. Hani a tatoolu niŋ a sansaŋolu bee le kumboota, ì bee koririŋo ye i laa ñoo ti.

Esekiyeli 12:20

Moolu be sabatiriŋ saatewolu mennu kono, ì bee be kasaara la le, ì ye kenseŋyaa. Niŋ wo keta, ali be a loŋ na le ko, nte le mu Yaawe ti.”

Mika 1:9

Baramoo meŋ ye Samariya maa, a te kendeyaa noo la. Wo kuu kiliŋo le be sumaŋ kaŋ Yahuuda bankoo fanaa la. A futata n na moolu la saatee dundaŋ daa ma le, Yerusalaamu faŋo to.

Yesaya 32:14

Mansabuŋo kenseŋo le be tu la jee, saatee duuriŋo ye tara kiideeriŋ. Tatoo niŋ kantari buŋo be ke la daafeŋolu la dinkiraa le ti fo abadaa. Faloolu si i bidibidi jee, a ye ke beeyaŋolu ye daañini dulaa ti,