Yesaya 3:17 - Mandinka Bible

¹⁷ Saayiŋ, Maariyo be maadiŋ kuuraŋo le ke la Siyoni musoolu kuŋolu bala, a be ì bala kenseŋo laa la banta.

Yesaya 3:17 ပူးပေါင်းရင်းမြစ်များ

Yeremiya 13:22

Aduŋ niŋ i ko i faŋ ye ko, “Muŋ ne ye ñiŋ laa n kaŋ?” a loŋ ko i la junuboolu la waroo le mu, wo le ye a tinna ì ye i la faanoo wura i la, ì ye i tiñaa.

Lankenemoo 16:2

Malaayika foloo taata, a ye a la booloo boŋ bankoo kaŋ. Bituŋ moolu mennu ye wo daafeŋ saŋarariŋo la taamanseeroo soto, aniŋ ì ka a muluŋo batu, maadiŋ baalu fintita ì baloolu bala.

Mika 1:11

Alitolu Safirinkoolu, ali kenseŋo ye taa mutoo kono, ali ye tara maloo kono. Alitolu Saananinkoolu, alitolu te haañi la ka finti banta. Beti-Eseli fele faariŋ woosiikaŋo la, tankoo suturoo wurata a kaŋ, a te ali deemaa noo la kotenke.

Yesaya 20:4

Asiriya mansa be Misirankoolu niŋ Kusinkoolu samba la mutoo kono le, dindiŋ, keebaa, ì bala kenseŋo niŋ ì siŋ kenseŋo, ì juwo ye tara banta. Wo be ke la Misira la maloo le ti.

Nahumu 3:5

Yaawe* Alihawaa Maariyo* ye ñiŋ ne fo Ninewe ye ko, “N niŋ i be janjuŋ na le! Ŋa i wura fefes, ŋa banku koteŋolu bula ì ye i kenseŋo je, mansamarali bankoolu ñaa ye loo i la malu kuwo kaŋ.

5 Musa 28:27

Yaawe be ali mantoora la maadiŋolu le la, a ye meŋ ñoŋo laa nuŋ Misirankoolu kaŋ. Yitoolu si ke ali bala, katoo aniŋ bala ŋañaa kuuraŋ koteŋolu, mennu te jaara noo la.

3 Musa 21:20

ka taa moo meŋ ye dawoo soto waraŋ a keta tunkunewo ti, waraŋ meŋ ye ñaa kuuraŋo waraŋ yitoo soto, fiyo ka bo meŋ na, aniŋ meŋ seeneeta.

Suukuwo 3:11

Siyoni* dimmusuriŋolu, ali finti naŋ, ali Mansa Sulemani juubee baŋ, ali mansanaafoo juubee, a baamaa ye a ñarandi meŋ na a la futuu luŋo, luŋ ne mu, a jusoo laata meŋ na.

Yesaya 3:16

Yaawe ko, “Siyoni* musoolu ye ì faŋ wara le. Niŋ ì be taama kaŋ, ì be ì kaŋolu fayiŋ-fayiŋ na, ì be ì ñaalu yelemandi la, ì be taama la kepeti-kepeti, ñara feŋolu be kuma la ì siŋolu bala.”

Yesaya 3:18

Wo luŋo la, Maariyo be ì la ñaroolu buusi la le, buluto ñaroolu, kunto ñaroolu, aniŋ kanto ñaroolu mennu ka muluŋ ko karibo kutoo,