Yesaya 3:13 - Mandinka Bible

¹³ Yaawe ye a la siiraŋo taa kiitiidulaa to le, aduŋ a pareeta le ka bankoolu kiitindi.

Yesaya 3:13 ပူးပေါင်းရင်းမြစ်များ

Mika 6:2

Ali i lamoyi, alitolu konkoolu, alitolu duniyaa fondamaŋolu mennu be tu la fo abadaa. Ali i lamoyi Yaawe la kiitiyo la, a ye meŋ landi a la moolu kamma, Banisirayilankoolu, a niŋ ì ka taa loo kiitii kenoo le to.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 74:22

Hee Alla, i faŋo ye wuli i ye i la kuwo makatoo bayi. I miira toolewolu ka tu i ñaawali la ñaameŋ waati-wo-waati.

Jabuuroolu 82:1

Alla siita a la mansasiiraŋo kaŋ sembetiyolu la beŋo to. A ye kiitiyo teyi ì la beŋo to le ko:

Yesaya 51:22

I Maarii Yaawe, i la Alla meŋ ka loo a la moolu ye, a ye ñiŋ ne fo ko: “A juubee, wo mindaŋo meŋ ka i timili-tamalindi, ŋa a taa i bulu le, wo kamfaa mindammaa meŋ, i ka i miŋ a la, i te i miŋ na a la kotenke.

Yesaya 66:16

Ka bo dimbaa niŋ hawusaroo* la, Yaawe be kiitindiroo taamandi la hadamadiŋolu bee le kaŋ, aduŋ a be mennu faa la, wo le be siyaa la.

Yoweli 3:12

Yaawe ko: “Alitolu bankoolu, ali wuli naŋ, ali ye naa Yehosafati Wulumbaŋo to. M be sii la jee le to, ka dandanna bankoolu bee kiitindi.

Yesaya 1:18

Yaawe ko, “Ali naa saayiŋ, ŋà kuwo fo ñoo kaŋ. Ali la junuboolu finta le ko kemboo, bari ì be koyi la le ko perekaanoo. Hani a ye a tara ì be findiŋ ne nir, ì be koyi la le ko kotondi buunaa.

Mika 6:1

Ali i lamoyi kumoo la Yaawe* ye meŋ fo, a ye ñiŋ ne fo n ye ko: “Ali wuli, ali ye ali la kuwo kiitiyo laa konkoolu ñaa koto, konkoriŋolu ye ali la diyaamukaŋo moyi.”