Yesaya 28:3 - Mandinka Bible

³ Ŋaañaaraŋo meŋ keta Efurayimu* siiratoolu la kibirilaŋo ti, bee be doriŋ-doriŋ na siŋo le la.

Yesaya 28:3 ပူးပေါင်းရင်းမြစ်များ

Yesaya 26:6

Siŋolu le doriŋ-dorinta a bee kaŋ, fuwaaroolu sindafatoo, sembentaŋolu siŋ teetewo.

Lankenemoo 11:2

Bari luwo meŋ be Alla Batudulaa ñiŋ banta la, kana wo sumaŋ, kaatu a diita Alla lombaloolu le la. Ì be doriŋ-doriŋ na saatee senuŋo kaŋ ne fo kari taŋ naani niŋ fula.

Hiburunkoolu 10:29

Wo to, wo maarii duŋ, meŋ jututa Alla Dinkewo* la fo a ye a yeloo dori a siŋo koto, kambeŋ kutoo yeloo meŋ ye a seneyandi? Wo maarii la kuluuroo duŋ, meŋ ye Alla la Nooroo neŋ, Nooroo meŋ ye hiinoo dii a la?

Daniyeli 8:13

Bituŋ ŋa malaayikoo moyi a be malaayika doo ñininkaa la ko, “Janniŋ muŋ tuma le ñiŋ jeroo kuwolu be tara la ke kaŋ? Jeroo meŋ keta luŋ-wo-luŋ sadaa la kuwo ti, aniŋ moolu la ì koo dii Alla la, meŋ ye kasaaroo samba naŋ, ka taa Alla Batudulaa Buŋo boyoo, aniŋ Arijana kafoo moolu doriŋ-doriŋo.”

Yesaya 28:1

Kooroo be boyi la saatewo kaŋ ne, meŋ be looriŋ konkoo kaŋ, wulumbaŋ jambandiriŋo daala, Efurayimu siiratoolu la kibirilaŋo, doloo ye mennu futufaa. A la ŋaañaaraŋo be bo kaŋ ne ko firi nororiŋo.

2 Mansoolu 9:33

A ko ì ye ko, “Ali a joloŋ naŋ duuma.” Wo le to ì ye a joloŋ naŋ, aduŋ a yeloo sarita tata sansaŋo bala aniŋ suwoolu kaŋ. Yehu ye suwoolu borindi a furewo kaŋ.

Niikuyaa Suukuwolu 1:15

“N na kee kendoolu mennu tarata m fee, Maariyo ye i baŋ ì bee le to, a ye kelediŋolu kumbendi n kamma ka n na fondinkewolu kasaara, ka Dimmusuriŋ Yahuuda doriŋ-doriŋ, ko ì ka yiridiŋolu dori ì bitidulaa to ñaameŋ.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 5:11

Kooroo be wo moolu ye, mennu ka wuli soomandaa juunoo ka taa doloo ñini, ka yaayi, ka tara banta fo suuto baa, ì ye wayinoo miŋ fo ì ye siira.

Yesaya 9:9

Efurayimunkoolu* aniŋ ì la saatee baa Samariya, ì bee be a loŋ na le, bari hani wo ì be ì faŋ wara la le, ì ye ì faŋ sikandi, ka a fo ko,

Yesaya 28:18

Ali niŋ saayaa ye kambeŋo meŋ siti, wo si buruka, ali niŋ kaburoo denta kaŋo meŋ na, te loo la. Niŋ kasaaroo feeneeta naŋ, ali te kana la.

Yesaya 63:3

“N na kamfaa kono, ŋa n jawoolu dori le, komeŋ ì ka wayini yiridiŋolu dori ì bitidulaa ñaameŋ. Nte dammaa le ye wo dookuwo ke, moo maŋ bo banku to meŋ si m maakoyi. Ŋa n tuu n jawoolu kaŋ ne, n na jusuboo waatoo kono. Ì yele noo le be n na dendikoo bala.