Yesaya 28:2 - Mandinka Bible

² Ali a juubee, Maariyo ye moo le tomboŋ meŋ ye semboo soto, aduŋ a bambanta komeŋ samberoo, aniŋ ko foñoo meŋ ka kasaaroo ke, komeŋ sanji baa niŋ waamoo. A be ali la saatewo foriseetoo busandi la bankoo to.

Yesaya 28:2 ပူးပေါင်းရင်းမြစ်များ

Nahumu 1:8

Bari a be a jawoolu bayi la le, ì ye duŋ diboo kono, a be ì siidulaa kasaara la niŋ waame baa le la.

Esekiyeli 13:11

Wo kamma la, i si a fo wo moolu ye, mennu ka wo tata sansaŋo muu niŋ lasoo la ko, sansaŋo ñiŋ be boyi la duuma le. Kaatu turubaadi baa le be fee la, sanjiyo ye boŋ naŋ aniŋ saŋ bere baalu ye boyi a kaŋ.

Yesaya 30:30

Yaawe be moolu moyindi la a kaŋ kallankeeyaariŋo* la le, aduŋ ì be a je la le, a busari buloo be jii kaŋ naŋ duuma, a niŋ kamfaa baa niŋ dimbaa wuleŋo, saŋ feteŋo, turubaadoo aniŋ saŋ beroo.

Yesaya 29:6

Wo loo to, Yaawe* Alihawaa Maariyo* si i kiisa. A niŋ saŋ feteŋ baa le be naa ñoo la, banku jarajara baa, foño saŋara baa, turubaadoo, aniŋ kasaarali dimbaa neŋolu.

Yesaya 27:1

Wo luŋo la, Yaawe* be a la hawusari* sembemaa le taa la, wo hawusari diimaa baa, ka Lefiyatani jarabi, wo saa tariŋo, saa miliki-malakilaa, aduŋ a be ninkinankoo faa la le meŋ be baa baa kono.

Lankenemoo 18:8

Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”

Yesaya 40:10

A juubee, Maarii Yaawe niŋ semboo le ka naa, aduŋ a niŋ wo semboo le be maraloo ke la. A la jooroo be a bulu le, aduŋ a niŋ nafaa le ka naa.

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Lankenemoo 8:7

Malaayika foloo ye a la footaŋo fee, bituŋ saŋ beroolu niŋ dimbaa fintita, meŋ niŋ yeloo be ñaamiriŋ. Ì boyita duniyaa kono duuma. Bituŋ bankoo la talaadaa sabanjaŋo janita, yiroolu la talaadaa sabanjaŋo janita, aniŋ ñaama kitiŋolu bee.

Yosuwa 10:11

Kabiriŋ ì be bori kaŋ Banisirayilankoolu ñaato ka bo Beti-Horoni Konko jiiraŋ siloo kaŋ ka taa Aseka, Yaawe ye sambere baalu joloŋ ì kaŋ naŋ ka bo saŋo santo. Ñiŋ samberoolu ye moo jamaa le faa ì kono. Samberoolu ye moo meŋ faa, wo le siyaata ka tambi moolu la, Banisirayilankoolu ye mennu faa hawusaroolu* la.

Yuuba 22:16

Ì ye ì ñafu, janniŋ ì la waatoo ka sii, ì ye ì koosa, komeŋ niŋ waamoo ye buŋo fondamaŋo koosa.

Yesaya 8:6

A ko: “Ñiŋ moolu ye ì ñaa kaasi Silowa Woyoo la le, ñiŋ jii tenkeyaariŋo, bituŋ ì ka bula Resini aniŋ Remaliya dinkewo Peka nooma.

Yesaya 30:28

A niijii foñoo ka munta le ko waamoo meŋ futata kaŋo to. A ka bankoolu tenteŋ kasaara tamewo le kono. A ka karafee juloo bula moolu ŋaaŋaa la ka ì filindi.

Esekiyeli 38:9

Ite Kooki, i niŋ i kafuñoolu aniŋ i la kelediŋ kafu baa be taa la le ka kirimbaasi wo bankoo kaŋ, aniŋ ka ñapi ì kaŋ ko turubaadi baa, ka wo bankoo bee muuri komeŋ minaayoo.”

Daniyeli 9:26

Wo sanji nankamoo koolaa, Alla la maralilaa tombondiŋo be kasaara la le, aduŋ hani moo te seyi la a noo to. Maralilaa doo le be naa, meŋ na kelediŋolu be saatewo kasaara la, aniŋ Alla Batudulaa Buŋo. Saatewo la tumbuŋo waamemaa le be naa, aduŋ wo waatoo bee be ke la keloo le ti, ka kasaaroo samba naŋ, Alla ye meŋ nata.