Yesaya 27:9 - Mandinka Bible

⁹ Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Yesaya 27:9 ပူးပေါင်းရင်းမြစ်များ

Roomankoolu 11:27

“Wo le be ke la n na kambeŋ kutoo ti n niŋ itolu teema, niŋ m be ì la junuboolu bee bondi la.”

Yesaya 48:10

Ŋa ali seneyandi le, m maŋ a ke ko ì ka kodiforoo seneyandi ñaameŋ, bari ŋa ali kotobo le ka bo niŋ niitooroo la.

Daniyeli 11:35

Moo ñaamendiŋo doolu be faa la le ñiŋ kamma la moolu ñinnu si seneyaa, ì ye janku. Ñiŋ kuwo be tara la ke la le fo labandulaa ye sii, Alla ye waatoo meŋ londi.

Yesaya 17:8

Ì te ì ñaa loo la sadaabodulaalu* kaŋ, ì faŋo buloolu ye mennu dadaa. Ì te ì ñaa tiliŋ na ì la jalaŋolu la, wo Asera* dokoolu, aniŋ ì la cuuraayi siisindidulaalu, ì faŋolu buloolu ye mennu dadaa.

Hiburunkoolu 12:6

Kaatu Maariyo ye meŋ kanu, a ka wo le kuluu, aduŋ moo-wo-moo, a ka meŋ muta a diŋo ti, a ka wo maarii buutee le.”

1 Korintinkoolu 11:32

Bari niŋ Maariyo ye ǹ kiitindi, wo mu ǹ ye kuluuroo le ti, fo ǹ niŋ duniyaa moolu kana halaki ñoo la.

Jakariya 13:2

Yaawe* Alihawaa Maariyo* ye ñiŋ ne fo ko, “Wo luŋo la, m be daŋ ke la jalaŋolu toolu la bankoo kaŋ ne, fo moo hakili kana bula ì la kotenke. Aduŋ m be faniyaa annabiyomoolu bondi la bankoo kaŋ ne, aniŋ noora jankubaloolu.

Hoseya 14:8

Efurayimu*, ali ye muŋ haaji le soto jalaŋolu bala? Nte le ye n danku ali ma, ŋa ali topatoo. M be le ko junipa yiri ñiimaa, nte le mu ali la neemoo bundaa ti.”

Esekiyeli 20:38

M be moolu bondi la ali kono le mennu muritita m ma, aniŋ junubekelaalu. M be ì bondi la naŋ bantala bankoolu kaŋ ne, ì be mutoo kono daamennu to. Bari ì te duŋ na Banisirayila bankoo kaŋ. Niŋ wo keta ali be a loŋ na ko, nte le mu Yaawe ti.”

Esekiyeli 11:18

Aduŋ niŋ ali muruta naŋ Banisirayila bankoo kaŋ, ali be wo jalaŋ batudulaalu buruka la le, ì ka wo kuu haraamuriŋolu ke daamennu to.

Yesaya 4:4

Maariyo be Yerusalaamunkoolu kiitindi la a la nooroo dimbaamaa le la, ka Yerusalaamu la boyidaa seneyandi, aniŋ yele noolu mennu be jee.

Yesaya 1:29

Ali kontaanita le ka jalaŋolu batu yirisuŋ baalu koto, bari ali be naa malu la jee le. Ali ye naakoolu tomboŋ ne ka ì batu jee, bari ali be dooyaa soto la ì la kuwo to le.

Kuma Kotoomaalu 20:30

Junkuroo meŋ ka moo barama, a si kuu jawoo bayi noo le, liparoo fanaa si moo kuluu noo le kendeke.

Jabuuroolu 119:71

Jaraboo meŋ laata n kaŋ, a beteyaata n to le, kaatu a ye n karandi i la luwaalu la le.

Jabuuroolu 119:67

Janniŋ jaraboo be laa la n kaŋ, a ye a tara le n jenketa, bari saayiŋ n ka i la kumoo muta le.

2 Taarika 36:19

Ì ye Alla Batudulaa Buŋo jani, ì ye Yerusalaamu saatee tata sansaŋo boyi, ì ye a mansabuŋolu bee jani dimbaa la, ì ye a jooraŋ kummaalu bee tiñaa.

2 Taarika 34:4

Mansa Yosiya la yaamaroo kaŋ, ì ye Baali* jalaŋ sadaabodulaalu* boyi, ì ye cuuraayi siisindidulaalu kuntu, mennu be ì kaŋ santo. Ì ye Asera jalaŋ dokoolu kuntuŋ-kuntuŋ, ka taa jalaŋ leseriŋolu aniŋ jalaŋ tunkandiŋolu. Ì ye ì juru munkoo ti, bituŋ ì ye ñiŋ munkoo yuruyuru moolu la kaburoolu kaŋ, mennu ka sadaa bo ñiŋ jalaŋolu ye.

2 Taarika 14:5

A ye jalaŋ batudulaalu niŋ cuuraayi siisindidulaalu bondi Yahuuda saatewolu bee le kono. Bituŋ bankoo tarata tenkundiŋ a tiloo la.

2 Mansoolu 25:9

A ye dimbaa duŋ Yaawe* Batudulaa Buŋo* la, mansasuwo, buŋ kummaalu bee, aniŋ buŋ toomaalu bee, Yerusalaamu saatewo kono.

2 Musa 34:13

Ali si ì la sadaabodulaalu* janjaŋ, ali ye ì la bere buuñaariŋolu teyiŋ-teyiŋ, aduŋ fanaa, ali si ì la Asera* jalaŋ dokoolu kuntu.

3 Musa 26:30

M be ali la batudulaa tintiŋolu* buruka la le, ŋa ali la cuuraayi siisindidulaalu teyi, ka ì boyindi. M be ali furewolu jurumi la ñoo kaŋ ne, ali la jalaŋ kenseŋolu kaŋ, mennu maŋ nii soto, aduŋ m be ñewuŋ na ali la le.

5 Musa 12:3

Ali ì la jalaŋ sadaabodulaalu* janjaŋ, ali ye ì la jalaŋ bere samasiŋolu teyiŋ-teyiŋ, ali ye ì la Asera* jalaŋ dokoolu jani, ali ye ì la jalaŋ leseriŋolu buruka, moo hakili kana bula hani ì toolu la ñiŋ dulaalu to kotenke.

2 Mansoolu 10:26

Ì ye Baali la jalambuŋo samasiŋo fintindi naŋ banta, ì ye a jani.

Esekiyeli 6:4

Ali la sadaabodulaalu* bee be boyi la le, ali la cuuraayi siisindidulaalu bee ye teyiŋ-teyiŋ. Aduŋ m be ali la moolu faa la le, ka ì fayi ì la jalaŋolu koto.

2 Mansoolu 23:14

A ye jalaŋ bere samasiŋolu teyi le, aduŋ a ye Asera jalaŋ dokoolu fanaa boyi le. Bituŋ a naata moo kuloolu janjaŋ wo dulaalu to ka jee tiñaa.

Yesaya 30:22

Ali be ali la jalaŋolu tiñaa la le, ali ye mennu muuri kodiforoo niŋ sanoo la. Ali be ì fayi la le ko feŋ nooriŋo, ali ye a fo ì ye ko, “Ali taa jana.”

Yesaya 40:2

Ali diyaamu kuu Yerusalaamunkoolu ye ka a fo ì ye ko, ì la dookuu koleŋo banta le. N yamfata ì la junube kuwo la le. Ì ye ì la junuboo jooroo soto a ñaama le famfaŋ, ka bo nte Yaawe* bulu.”

Mika 5:11

M be ali la saatewolu kasaara la le, ŋa ali la tatoolu bee teyiŋ-teyiŋ.