Yesaya 27:8 - Mandinka Bible

⁸ Hanii, Yaawe ye ì jarabi le ka ì bayi ka tara mutoo kono. A ye ì bayi a la kamfaa le kono, ko niŋ foño kandoo ka bo tiliboo la.

Yesaya 27:8 ပူးပေါင်းရင်းမြစ်များ

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Esekiyeli 19:12

Bari ì naata a wutu kamfaa le kono, ka a fayi duuma, tilibo foño kandoo ye a norondi. Ì ye a diŋolu bee wafu a bala. A juu bambandiŋo norota, dimbaa ye yiroo bee buruburu.

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.

Yeremiya 4:11

Wo luŋo le Yaawe be a fo la ñiŋ moolu niŋ Yerusalaamu ye ko, “Foño kandi jawoo le be fee la n na kanu moolu kamma, ka bo keñewula* jaaroo kono. A te ke la fuufulee bondoo ti, waraŋ seneyandiroo.

1 Pita 1:6

Ali seewoo ñiŋ na, hani ali niyo toorata fo waatindiŋ, jarabi siifaa jamaa kono.

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Yeremiya 46:28

Kana sila, ite Yaakuba koomoo, n na dookuulaa, kaatu m be ali fee le, ŋa wo bankoolu bee buruka le, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ali to ñaameŋ, n te ali bula la muk, m maŋ ali kuluu.” Yaawe le ye a fo.

Yeremiya 30:11

M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Yeremiya 4:27

Yaawe ye ñiŋ ne fo ko: “Bankoo bee be kenseŋyaa la le, bari n te a muumewo buruka la fereŋ.

1 Korintinkoolu 10:13

Alitolu maŋ marisa kuwo soto, meŋ maŋ dali ke la hadamadiŋo la. Alla tilinta le, aduŋ a te soŋ na ali ye marisa ka tambi, ali te meŋ muña noo la. Bari niŋ ali marisata, a be kana siloo dii la ali la le, fo ali si a muña noo.

Yesaya 57:16

Wo to, n te tu la moo tuumi la fo abadaa, sako ka tu kamfaa la. Niŋ wo nte, hadamadiŋo te semboo soto la kotenke ka baluu, m faŋo ye moolu mennu daa, ì si faa.

Yesaya 54:7

Ŋa i fili jee le fo waatindiŋ, bari m be i murundi la naŋ ne, kaatu m balafaata i ye baake le.

Yesaya 50:1

Yaawe* ye ñiŋ ne fo ko: “Futuubaŋ kayitoo lee, ŋa ali baamaa niŋ meŋ bula? Fo ŋa juloo le taa moo bulu, n ñanta ali waafi la meŋ yaa, ka n na juloo joo? Ali la junuboo le ye a tinna ŋa ali waafi, ali la boyidaalu ye a tinna ŋa ali baamaa bayi.

Yesaya 10:12

Niŋ Maariyo pareeta a la dookuwo bee la, Siyoni* Konkoo niŋ Yerusalaamu kamma, a be Asiriya mansa mantoora la a la faŋ sikandoo niŋ a la faratoo kaŋ ne.

Yesaya 1:5

Muŋ ne ye a tinna ali tententa ka balaŋ? Fo ali lafita le Yaawe ye tu la ali mantoora la baŋ? Ali kuŋo bee niŋ baramoo le mu, aduŋ ali sondomoo naasita le.

Jabuuroolu 103:14

A ye a loŋ ne ǹ daata ñaameŋ, a ye a loŋ ne ko ntolu mu bankumunkoo le ti.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Jabuuroolu 76:10

Hadamadiŋolu la kamfaa i kamma, wo labaŋo be ke la i ye tenturoo le ti. Ì la kamfaa be ke la i ye ñaroo le ti.

Jabuuroolu 38:1

Hee Yaawe, kana n jalayi i la kamfaa kaŋ, waraŋ ka n kuluu i la jusukandoo kaŋ.

Jabuuroolu 6:1

Hee Yaawe*, kana n jalayi i la kamfaa kaŋ, waraŋ ka n kuluu i la diminnaa kaŋ.

Yuuba 23:6

Fo duŋ, ate le be kiitiyo kuwo ñiŋ ñaatonkayaa la baŋ, ka n silandi niŋ a semboo la? Bari hanii, a be i lamoyi la m fanaa la kumakaŋo la le.

Jabuuroolu 103:9

A buka tu a la moolu jalayi la, sako ka tu kamfaariŋ ì kamma fo abadaa.

Yesaya 64:5

I ka moolu le maakoyi, kuu tilindiŋ kewo ka mennu kontaani, mennu hakiloo ka tu i la siloo kaŋ. Bari i kamfaata ǹ kamma le, kaatu ntolu keta junubekelaalu le ti fo waati jaŋ na. Wo to saayiŋ ǹ si tanka noo ñaadii le?

Niikuyaa Suukuwolu 3:31

Lanna kuu le mu ko, Maariyo te wo ke la, ka a koo dii fo abadaa.

Niikuyaa Suukuwolu 3:32

Laa ko, a si niikuyaa saabu ñaa-wo-ñaa, a be balafaa yitandi la le a la kanu bambaloo la waroo kaŋ.