Yesaya 27:6 - Mandinka Bible

⁶ Waati le be naa, Yaakuba koomoo be suloo duŋ na le ko yiroo, Banisirayila si soroŋ, a ye firi, a ye duniyaa bee fandi a diŋolu la.

Yesaya 27:6 ပူးပေါင်းရင်းမြစ်များ

Yesaya 37:31

Yahuuda moo toomaalu mennu tuta baluuriŋ, be ke la le komeŋ yiroo, ka suloo duŋ bankoo duuma, ì ye diŋ santo.

Jakariya 2:11

Wo luŋo la, banku jamaa si naa Yaawe kaŋ, aduŋ ì be ke la a la moolu le ti. A be sabati la ali kono le. Niŋ wo keta, ali be a loŋ na le ko, Yaawe Alihawaa Maariyo le ye n kii ali kaŋ.

Hoseya 2:23

M be n na moolu fii la m faŋo ye bankoo kaŋ ne, m be balafaa soto la Lo-Ruhama ye le, ŋa a fo Lo-Ammi ye ko, ‘Ali mu n na moolu le ti,’ aduŋ ì si a fo n ye ko, ‘Ite le mu ǹ na Alla ti.’ ”

Yesaya 60:22

Dimbaayaa meŋ maŋ siyaa i kono, be naa ke la kaabiila baa le ti, meŋ dooyaabaata si naa ke banku baa ti. Nte le mu Yaawe ti. Niŋ a waatoo siita, m be a ke la tariyaake le.”

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

Kalatiyankoolu 3:29

Aduŋ niŋ ali mu Kiristu taalu ti, wo to ali mu Iburayima koomalankoolu niŋ a keetaalaalu le ti laahidoo kamma la.

Yeremiya 30:19

Tenturu suukuwolu le be kali kuma la naŋ ì kono, aniŋ moolu la seewoo wuurikaŋo. M be ì yaatewo siyandi la le, ì kana dooyaa, ŋa ì buuñandi, moo kana ì malundi kotenke.

Yesaya 6:13

Aduŋ hani a ye a tara, moo taŋ-wo-moo taŋ, moo kiliŋ ne tuta baluuriŋ bankoo kaŋ, wo fanaa be kasaara la le. Bari a be ke la le ko, niŋ ì ye yiri baa kuntu, yirijuu kuntoo ka tu jee ñaameŋ, turu senuŋo be ke la bankoo kaŋ wo le ñaama.”

Yuuba 37:12

Ì si muruŋ-muruŋ a la yaamaroo kaŋ. Ì taata duniyaa fannaa-wo-fannaa la, ì ka tara a la yaamaroo le kaŋ.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

Yesaya 35:1

Keñewuloo* niŋ kene kenseŋo be seewoo la le, wula jaaroo be kontaani la le, a bee ye jambakere.

Yesaya 35:2

A be yiriwaa la le, a ye ñiiñaa, ko firi ñiimaa. A be tara la kontaaniriŋ baake le fo a ka denkiloo laa. A be yiriwaa la le ko Libanooni sutoo be ñaameŋ, a ye tara ñiiñaariŋ ko Karimeli Konkoo aniŋ Saroni kunkoolu. Moolu bee be Yaawe* la mansabaayaa je la le, aniŋ a la kallankeeyaa*.

Esekiyeli 36:8

Yaawe ko: “Alitolu Banisirayila konkoolu, ali la yiroolu be buloolu fayi la le ka diŋ n na moolu Banisirayilankoolu ye, kaatu sambii ì be seyi la naŋ suu.

Esekiyeli 36:10

M be ali la moolu, Banisirayilankoolu siyandi la le. Ì la saatewolu mennu bee kenseŋyaata, m be ì fandi la moolu la le, aniŋ a dulaa tumbundiŋolu bee be lookuu la le kotenke.